Maak 4 - WEN GBAŊKA

¹ Yeezu yaa ŋman jam Galili nyakpiemu nɔi a sak nuruma Wen wie. Nuruma a jam piisi ka nna yegayega a za gilim wa ate wa yaa yiti jo ŋaaruŋ po a kala. Ŋaaruŋku a jam bo ka nyiamu po alege ate nuruma a za nyiamu nɔi.

² Wa yaa magsi wamagsima a sak ba wie nna yegayega ayen,

³ <

⁴ Wa yaa ale boro a yuk la, bieŋa gela a yaa lo suik niŋ ate nuinsa a deri jam pisi ŋa meena,

⁵ ŋa gela mɛ a lo tintana po. Ŋa yaa nyini nna nwuli, dii nyiŋla tantaŋa an jam soa diiya dula jigini.

⁶ Kantueŋka ale jam nak ŋa la, ŋa yaa deri kɔ, dii nyiŋla ŋa naŋsaŋa an jam baga a siŋ paari nyiamoa.

⁷ Ŋa gela mɛ a lɔ munsa po a yaa nyini. Munsaŋa mɛ a nyini a geri ŋa ate ŋa an jam baga a biaya.

⁸ Ŋa gela mɛ a lɔ tɛŋ naluŋ po a nyini a chim a biak a bɛ nalimnyiini. Ŋaai ta bie pisita. Ŋa gela mɛ pisiyuebi. Ŋa gela mɛ ta kook.>>

⁹ Yeezu yaa weeni ayen, <>

¹⁰ Wa ale jam kala wadek wa nyiini la, baai ale jam a maa va wa ale wa ŋaaŋviirɔma pi ale bayewa la, a yaa bek wa ayen, <>

¹¹ Wa yaa weeni ba ayen, <

¹² >>

¹³ Yeezu yaa bek ba ayen, <

¹⁴ Nuru waai ale nyini boro a yuk wa ŋanborintaŋa la, ku a nye se ka Wen wieŋa ate nuruba a sak la.

¹⁵ Bie ŋaai ale lɔ suiku po la, a nye se ka baai ale wom wa wieŋa, alege ate Sitaana nyiem deri jam a yeeri ŋa nwuli a ta nyini ba suiniima po a nyini la.

¹⁶ Bie ŋaai mɛ ale lɔ tintanaŋa po la, a nye se ka baai ale wom wa wieŋa ate ba sue a peenti,

¹⁷ alege ate Wen wieŋa a kan jo ba suiniimaŋa po nalimnyiini la. Ba yaa va maga dega, alege ninam a dan yik ba, ba Wen wieŋa vaka nyiŋ, ba nyiem a deri pai ŋa vaka a basi.

¹⁸ Bie ŋaai mɛ ale lɔ munsaŋa po la, a nye se ka baai ale wom Wen wieŋa

¹⁹ alege tɛŋka po wieŋa popolaŋa ale ba ligra yaalika yegayega ale ba ŋanta yaalika, ŋala meena a dɛ ka Wen wieŋa ate wamaŋ an baga a nyini ŋa po a nyini.

²⁰ Bie ŋaai mɛ ale lɔ tɛŋ naluŋku po la, a nye se ka baai ale wom Wen wieŋa ate ŋa jo ba suiniima po nalimnyiini la. Ba a nye se ka ŋantaŋa ale nyini a yaa biak a bɛ ate ŋa gela a ta bie pisita, ŋaai mɛ pisiyuebi, ŋaai mɛ bie kook diila.>>

²¹ Yeezu yaa bek ba ayen, <

²² Wari dii meena ale chim wasusugi la, a kan ŋman chim wasusugi nuruba jigiya. Wari dii meena ale lik doa la, le nyini peelim ate nuruba nya.

²³ Dila nyiŋ, nama baai ale ta tue a wom la, ni wom mi nalimnyiini.>>

²⁴ Wa ŋman pilim weeni ba ayen, <

²⁵ Nuru waai nisa po ale ta la, Wen le ŋman te wa ŋanta yegayega a gum du, alege waai nisa po ale kan ta la, Wen le ŋman tuesi jaab fiik kaai ate wa poom ta la kama.>>

²⁶ Ate wa jam weeni ayen, <

²⁷ Daa meena ate wa gɔ a yiti la, wa zɛ ŋantaŋa ale nye dii a nyini ale a chim la.

²⁸ Ka tɛŋka ale wuuk bieŋa ate ŋa a nyini ale chim alege a ta bie. Zabuli ale liŋ a chim, a pak a paari kiŋkari, a yaa ga a biak alege ate bieŋa a yaa ga kpeglim.

²⁹ Ŋa yaa ale bɛ a ga nueri la, nuruwa yaa pai wa gebik a ta cheŋ wa talimu po a ga che dii nyiŋla, ŋa cheka paari kama.>>

³⁰ Yeezu yaa ŋman bek ba ayen, <

³¹ Bu a nye ase ka nna la. Ase nuru ale pai, mastad biri a bori la. Binni a pɔsima kama a gaam tɛŋzuk bie meena.

³² Wa yaa pai di a bori ate di nyini chim ti kpiem a ta naŋsa ale yɔgsum nna yegayega ate nuinsa a kali si zuk a yɔk tugta.>>

³³ Wamagsima ŋa chaab ate Yeezu a jam magsi a sak nuruba la ale nna. Wa jam magsi ka ŋa chaab nna yegayega a gum du ayen baai ale ta Wen yammu la a baga a miŋ a chak.

³⁴ Wa an jam biisi wari dinyi la ale nuruba alege kan magsi wamagsini. Alege, wa ale wa ŋaaŋviirɔma a dan jam boro badek ba nyiini, wa nyiem a weeni wa wamagsimaŋa kie a sak ba kama.

³⁵ Dila danni junɔi Yeezu yaa weeni wa ŋaaŋviirɔma ayen, <>

³⁶ Wa ŋaaŋviirɔma yaa basi nuru boanni ale cheŋ ga jo Yeezu ale kali ŋaaruŋ kuui po la ayen ba cheŋ. Nuruba ba gela mɛ a jo ŋaaruŋta a maa va ba ŋaaŋ.

³⁷ Ba ale a cheŋ la, va kpioŋ yaa jam a nak ba ŋaaruŋku nna yegayega ate nyiamu mɛ a yiti a jueli ŋmai. Bu yaa jo ba ŋaaruŋku po ate ku a nye ku siŋ nyiamu tɛŋ.

³⁸ Yeezu a jam dua ŋaaruŋku po ba ŋaaŋ a kpagli ka dafieluk a goa. Wa ŋaaŋviirɔma yaa nak wa a yiti a bek wa ayen, <>

³⁹ Wa yaa yiti wa goomu jigini a zaani ŋmai weeni vioku ayen ku basi abe nyiamu mɛ a nye balaa. Vioku yaa deri basi ate nyiamu mɛ a baliŋ.

⁴⁰ Yeezu yaa bek wa ŋaaŋviirɔma ayen, <>

⁴¹ Ku yaa cha ba ate ba a bek chaab ayen, <>