Maak 3 - WEN GBAŊKA

¹ Yeezu yaa ŋman cheŋ ga jo ba tuka dɔkku po. Nuru wanyi ale jam bo dula ate wa nisa kpi.

² Baai ale jam bo dula la, yaa limisi ayen ba nya ase Yeezu le tebi yaase wa kan tebi nuruwa nisaŋa Vuusum Danni ate ba nya suik a ŋma wa.

³ Yeezu yaa weeni nuru waai ate wa nisaŋa a kpi la ayen, <>

⁴ A yaa alege a weeni nuruma ayen, <> Ba yaa goori nna chorototo.

⁵ Yeezu sui yaa puuri ale ba ate wa gisi nya ba ale su kaasuŋ dii nyiŋla, ba tueŋa a kpari kama ate ba ka siaka ale wa. Wa yaa weeni nuruwa ayen wa teeri wa nisaŋa. Wa yaa teeri wa nisaŋa a deri ta nyiŋyɔgsa.

⁶ Farisiima yaa yiti a nyini peelim. Ba ale Ayerod nuruma a yaa tigsi chaab a poli suik kuui ba le ba va a ko Yeezu la.

⁷ Yeezu ale wa ŋaaŋviirɔma yaa nyini dula jigini a ŋman cheŋ nyakpiemu nɔi. Nuruba yegayega a nyini Galili tɛŋka po a va wa ŋaaŋ.

⁸ Ba gela a nyini Jerusalem ale Judia tɛŋsaŋa po. Ba gela mɛ a nyini Idumia ale tɛŋ sii meena ale bo Jodan beli ŋaaŋnyiŋ la. Ba gela mɛ a nyini tɛŋ sii ale gilim Taaya ale Saidon la.

⁹ Nuruma ale piisi la nyiŋ wa yaa weeni wa ŋaaŋviirɔma ayen ba yaali ŋaaruŋ a te wa, ate nuru boanni kaa tusi wa.

¹⁰ Yeezu a tebi nuruba yegayega dula jigini. Ka dila ale soa ate ba a tusi chaab ayen ba paari a tiri wa nya la.

¹¹ Baai ate chichirik baata a bo ba po la ale nya wa la, ba yaa lo tɛŋ a kaari yegayega a weeni wa ayen, <>

¹² Alege wa kaam ti kama ayen ti kan weeni a sak waai ya wa ale ka waai la.

¹³ Yeezu ale wa ŋaaŋviirɔma yaa cheŋ ga jueli guuk kunyi zuk. Wa ale jueli nueri la, wa yaa wi nuru baai ate wa a yaali ayen ba jam wa jigi la ate ba sum jam wa jigi.

¹⁴ Wa jam lueri ka nuruba pi ale baye a ta nyini nuru baai meena ate wa wi la po ayen ba jam va wa. Wa yaa weeni ba ayen, <

¹⁵ M be le te ni pagrim ate ni baga a yiak chichirik baata nuruba po a basi.>>

¹⁶ Wa nuruma pi ale bayewa yue ale Simon waai ate Yeezu a te wa yuei paali ayen Piita la,

¹⁷ ale Jeemsi ale wa suoku Jɔɔn. Jeemsi ale Jɔɔn a jam ka Zebedi nidoabilisa. Yeezu yaa ŋman te ba yuei paali ayen Boanejisi. Di kiri ale Nanpansa Nidoabilisa.

¹⁸ Yeezu yaa ŋman lueri Andiru ale Filip ale Batolomiu ale Matiu ale Tomasi ale Jeemsi waai ale jam ka Alfiyus nidoabinni la ale Tadiusi ale Simon waai ale jam a nye ayen Juuma a nya badek zuk la,

¹⁹ ale Judas Iskariot, nuru waai ale wa ta Yeezu a ga bobri sak la.

²⁰ Yeezu yaa kuli yeri, ate nuru boari a ŋman tigsi, ate wa le wa ŋaaŋviirɔma an baga dɛ ya.

²¹ Yeezu dɔkku demma ale wom dila la, ba yaa nyini ayen ba gisi a yik wa, dii nyiŋla nuruba ale jam a weeni ayen, <>

²² Sinsak sagrɔma yaa nyini Jerusalem tɛŋka po a jam weeni chaab ayen, <>

²³ Yeezu yaa wi Sinsak sagrɔma ate ba jam wa tɛŋ ate wa yaa magsi wamagsima a sak ba ale bek ba ayen, <

²⁴ Naam a dan lab buye a ta chaab, naam bula a kan zaani.

²⁵ Yeri yeŋ dem a dan ta kpaliŋ ale chaab, ba le waaŋ ka chaab.

²⁶ Dila nyiŋla Sitaana ale wa tomteerɔma a dan ta chaab, wa naamu a kan baga a zaani a beni.

²⁷ <

²⁸ <

²⁹ Alege wa kan vɔŋ a te waai ale a lɛ Wen Chiika la, dii nyiŋla, wabiokku de a boro kama taam wuu.>>

³⁰ Wa weeni ba wieŋa de kama, dii nyiŋla nuruma ba gela a weeni kama ayen, <>

³¹ Ku ŋaaŋnyiŋ ate Yeezu suataŋa ale wa mawa a yaa jam za peelim a wi wa.

³² Nuru boari ale jam za gilim wa a yaa weeni wa ayen, <>

³³ Wa yaa bek ba ayen, <>

³⁴ Wa yaa cheem a nya ba meena ale kala a gilim wa la a yaa weeni ba ayen, <

³⁵ Waai meena ale a tom dii ate Wen a yaali la, bala ale mi ma ale m toaba ale m suata.>>