Maak 15 - WEN GBAŊKA

¹ Vari ale veenti la, saluik yokyokwa kaabteerɔ kpaŋŋa ale tɛŋka nisɔmma ale Sinsak sagrɔma ale nisɔmma meena yaa ŋman kpabi tu chaab a zɔk ba le ba nye Yeezu diila. Ba yaa bobi wa nisimaŋa a ta wa cheŋ tɛŋka Gominawa Paalɔt jigi.

² Ba ale ga paari la, Paalɔt yaa bek Yeezu ayen, <> Yeezu yaa tulisi wa ayen, <>

³ Kaabteerɔ kpaŋŋa jam chiini ka wie nna yegayega ayen Yeezu a nye kaasi.

⁴ Dila nyiŋ Paalɔt yaa ŋman bek wa ayen, <>

⁵ Alege Yeezu a jam sina. Wa an jam weeni wari ya. Ku yaa cha Paalɔt.

⁶ Bena meena ba Gaambasika Tigini a nyiem dan paari, Gominawa Paalɔt a nyiem lak nuru waai ate tɛŋka demma a yaali ayen wa lak ate wa nyini likka dɔkku po a nyini la a basi kama.

⁷ Nuru wanyi ale jam boro ate ba a wi ayen Barabasi ate ba jam maa yik wa a lik dii nyiŋla, wa jam maa nye ka nɔiyeŋ ale wa tɛŋka demma ate ba nye kpaliŋ ale baai ale a nya ba tɛŋka zuk la. Ba ale jam boro a nye kpaliŋka la, ba jam ko ka nuruba gela.

⁸ Nuruba yegayega yaa tigsi chaab a jam Paalɔt jigi a saalim wa ayen wa nye dii ate wa nyiem poom a nye tigini danni la a te ba.

⁹ Wa yaa bek ba ayen, <>

¹⁰ Paalɔt a jam seba ayen ka kaabteerɔ kpaŋŋa nyunni nyiŋ ale soa ate ba yik Yeezu a ta jam wa jigi.

¹¹ Kaabteerɔ kpaŋŋa yaa weeni nuru boanni ayen ba a saalim ayen wa lak Barabasi.

¹² Paalɔt yaa bek ba ayen, <>

¹³ Ba meena yaa kaari nna yegayega ayen, <>

¹⁴ Paalɔt yaa bek ba ayen, <> Ba yaa kaari a gaam dila a weeni ayen, <>

¹⁵ Paalɔt a jam a yaali kama ayen wa nye ate nuru boanni suipeentik. Wa yaa lak Barabasi a basi, alege basi ate ba miiri Yeezu ale kpaasa alege pai wa a te, ayen ba ta wa ga ko.

¹⁶ Paalɔt tugurik tɔŋdɔma yaa yik Yeezu a ta jo ba Gominawa yenni dabiaka po a wi ba tugurik tɔŋdɔ chaama ate ba jam.

¹⁷ Ba yaa pai garuk mɔnuŋ a jo wa ale pai munsa a yɔk zutɔk a vuk wa zukku,

¹⁸ a yaa puusi wa a weeni ayen, <>

¹⁹ Ba yaa pai diok, a nak wa zukku ale chesi tintueta a basi wa nyiŋ ale kpi duna wa niŋ a potim a nye nna ase ba a te wa ka zula la.

²⁰ Ba ale nye wa la a ga nueri la, ba yaa yeeri garuk mɔnuŋku ale pai wadek gattaŋa a jo wa a ta wa nyini cheŋ ayen ba ko.

²¹ Ba ale jam bo suiku po a cheŋ la, ba yaa zik Simon ale wa cheena tɛŋka po ate tugurik tɔŋdɔma a fɛ wa ate wa tuesi Yeezu jabarimu ji. Simon jam ka Sairini tɛŋka denɔ. Wa jam ka Alezanda ale Arufusi ko.

²² Ba yaa ta Yeezu a ga paari juijui ate ba a wi ayen Golgota la. Ku kiri ale <>

²³ Ba yaa pai tiim a nyo daam po ayen Yeezu nyu, alege wa an jam nyuya.

²⁴ Ate ba yaa kpi wa jabarimu zuk ale labi wa gattaŋa a chari chaab. Ba jam a nak ka gbaŋ ayen ba baga a miŋ dii ale magsi ayen waai meena a pai la.

²⁵ Ku jam ka baŋ neok saluik ate ba jam ko wa.

²⁶ Ba yaa pai tapagi a ŋmarisi di nyiŋ ayen, <> a pai di kpi jabarimu nyiŋ.

²⁷ Ba jam maa kpi ka zueba baye ŋanbarinta nyiŋ a gum Yeezu po, ate ba wanyi a bo wa juga, nwala mɛ a bo wa gala.

²⁸ Ate ba le jam ŋmarisi dii Wen gbaŋka po ayen, <>

²⁹ Nuru baai ale jam va dula a taam la yaa zak zuk nya wa a mati ba noa ale a lɛ wa ayen, <

³⁰ Nyini jabarimu zuk a siŋ a vari fidek a basi ate ti nya.>>

³¹ Kaabteerɔ kpaŋŋa ale Sinsak sagrɔma mɛ a jam a la wa ale a weeni chaab ayen, <

³² Basi ate Kirisitawa de, Izirali Naawa de, a nyini jabarimu zuk a siŋ yɔgyɔgla de, ate tama nya a siak te wa.>> Zuema bayewa baai ate ba jam kpi ba a gum Yeezu po la, mɛ a lɛ wa.

³³ Ku ale jam paari kantueŋ baŋ pi ale buye la, tɛŋka meena yaa jam nye legi nna kpitɔ a ta ga paari kantueŋ baŋ buta.

³⁴ Baŋ butawa po, Yeezu yaa kaari ate ku jueli a weeni ale wadek tɛŋka biika ayen, <> Ku kiri ale, <> (Yiila 22:1)

³⁵ Nuru baai ale jam za dula jigini la gela a wom dii ate wa weeni la kama. Ba yaa weeni ayen, <>

³⁶ Ba po wanyi yaa chali cheŋ ga pai sosok a lusi damiisiŋ po a pai yik diok woŋ nyiŋ a zak ta jueli Yeezu nɔi. Wa ale diem zak diokku ta la wa yaa cheem weeni baai ale jam za la ayen, <>

³⁷ Yeezu yaa ŋman kaari nna yegayega ale ge a kpi.

³⁸ Wa ale jam kpi la, garuk panni dii ate ba jam pai a kasi Wen yenni po la, yaa jam cheeri di ŋmazuk a ta siŋ paari di tɛŋ.

³⁹ Tugurik tɔŋdɔma kpagi dii ale jam za Yeezu jabarimu tɛŋ la a jam nya wa ale kpi diila kama. Wa yaa weeni wadek ayen, <>

⁴⁰ Nipooba gela ale jam za niŋ a nya. Ba po jam ka Mɛɛri Magdalene ale Mɛɛri, Jeemsi baaŋka ale Josesi mawa ale Salomi.

⁴¹ Galili po nipooma de jam va Yeezu kama ale maari wa. Nipooba yega ale jam va wa jam Jerusalem la jam maa boro kama.

⁴² Ku jam ka Gomsika Dai, dai dii ale pai a te Vuusum Danni la ale la. Junɔi a jam moata kama.

⁴³ Arimatia denɔwa Josefi jam ka Juuma nisɔmma po wanyi. Wa jam a limisi ka Wen naamu, yaa cheŋ Paalɔt jigi ale suinum pagrik a bek ayen wa a pai Yeezu nyiŋka.

⁴⁴ Paalɔt ale ga wom ayen Yeezu a poom kpi kama la, ku deri cha wa. Wa yaa wi wa tugurik tɔŋdɔma kpagni a bek wa ayen wa wom ase Yeezu a sum kpi kama ya.

⁴⁵ Dula jigini Paalɔt a yaa siak ayen Josefi ga yeeri Yeezu nyiŋka jabarimu zuk a ta ga gu.

⁴⁶ Josefi yaa da garuk a yeeri Yeezu nyiŋka jabarimu zuk a yaa pai garukku a vili wa a ta ga dueni piuŋ vɔrup ate ba keri la po. Wa yaa bilim tintain a lik vɔrumu nɔnni.

⁴⁷ Mɛɛri Magdalene ale Josesi mawa Mɛɛri, a jam nya ba ale gu Yeezu juijui la kama.