Maak 14 - WEN GBAŊKA

¹ Ku jam tali ka daa ŋaye ate Gaambasika Tigini ale Boroborok Kuui Ale Kan Ta Dabinta La Tigini a paari, ate kaabteerɔ kpaŋŋa ale Sinsak sagrɔma a gisi suik ayen ba mak yik Yeezu a ko.

² Ba yaa weeni ayen, <>

³ Yeezu yaa cheŋ Betani tɛŋka a ga jo Simon, waai ate gama tuem a jam yik wa la yenni po. Wa yaa jam kala a dɛ ŋandiinta ate nipok wanyi a ta kpaam jam. Kpaamu nyummu a jam masa kama ate bu diak a pagra. Nipowa yaa pai kpaamu a kpiiri basi Yeezu zuk.

⁴ Nuru baai ale jam kala dula jigini la gela yaa nya dii ate nipowa a nye la, ate ba sue yaa puuri ale wa. Ba yaa poli ba zuima po ayen, <

⁵ Wa dan pai bu a da kama nna, wa ti le nya ligra ka nna yegayega a te ŋanjaksaŋa. Kula a gaam dii ate wa nye la kama.>> Ba yaa jam toariŋ wa.

⁶ Yeezu yaa weeni ba ayen, <

⁷ Niwomma a bo ale ni kama daa meena ate ni daa a yaali ni baga a maari ba. Alege mi a kan kasim bo ale ni.

⁸ Wa nye ka wa ale baga a nye dii meena la a te mu. Wa kpiiri kpa masika de mi nyiŋka kama a gomsi ka a magsi guka.

⁹ Wensie ate mi a weeni ni, juijui meena ate nuruba a sak Wen wamaŋsaŋa la, ba le weeni nipowa de ale nye dii a te mi la. Ba le kasim a teeri wa yuei diipo meena wuu.>>

¹⁰ Dula jigini Yeezu ŋaaŋviirɔma pi ale bayewa po wanyi, Judas Iskariot yaa cheŋ kaabteerɔ kpaŋŋa jigi a ga weeni ba ayen wa baga a maari ba kama ate ba a yik Yeezu.

¹¹ Ba ale ga wom dila la, ba sue yaa peenti nna yegayega, ate ba weeni wa ayen wa dan baga a maari ba, ba le te wa ligra. Judas yaa basi dula jigini ale a gisi suik kuui wa le wa va ate ba baga a yik Yeezu la.

¹² Yeezu ŋaaŋviirɔma yaa jam wa jigi tigi dii ate ba a ŋɔbi boroborok kuui ale kan ta dabinta la piilimka danni. Da dila mɛ ale ba a ko Gaambasika Tigini piisaŋa. Ba yaa bek Yeezu ayen, <>

¹³ Wa yaa weeni wa ŋaaŋviirɔma po baye ayen, <

¹⁴ Ni va wa a ga jo yeri diipo ate wa a jo la. Ni dan ga jo ni weeni yenni nyɔnɔwa ayen,

¹⁵ Wa le dak ŋmazuk dɔk kpioŋ kunyi a ta ŋanta meena ku po a magsi. Ni gomsi a magsi ti dula jigini.>>

¹⁶ Ba yaa cheŋ ga jo tɛŋka po a nya dii meena ate Yeezu a poom weeni ba la, ate ba yaa gomsi ba Gaambasika Tigini ŋandiintaŋa.

¹⁷ Junɔi ale jam paari la, Yeezu ale wa ŋaaŋviirɔma pi ale bayewa yaa jam kala a dɛ.

¹⁸ Ba ale boro a dɛ la, Yeezu yaa weeni ba ayen, <>

¹⁹ Wa ŋaaŋviirɔma sui yaa kaasi ate ba bek wa wanyi wanyi ayen, <>

²⁰ Yeezu yaa weeni ba ayen, <

²¹ Mi Saalɔbiika ale kpi ase ka ba ale ŋmarisi dii Wen gbaŋka po la. Alege ku le pagra kama a te waai dek ale wa ta mu a ga bobri sak la. Ku zunchoŋ kama ale ba nin poom kan biak wa.>>

²² Ba ale boro a dɛ ŋandiintaŋa la, Yeezu yaa pai boroborok a puusi a te Wen a nye wa jiam, alege ŋmari ku a chari wa ŋaaŋviirɔma ale weeni ba ayen, <>

²³ Wa yaa ŋman pai beerik ale daam a puusi a te Wen jiam, alege pai te ba ate ba nyu.

²⁴ Wa yaa weeni ba ayen, <

²⁵ Wensie ate mi a weeni ni, m kan ŋman nyu daamu de nin ka dai dii danni ate m ŋman a nyu da paalimu Wen naamu po la.>>

²⁶ Ba yaa yi yiili alege a nyini ga jueli Olivi Guuku zuk.

²⁷ Yeezu yaa weeni ba ayen, < (Zakaria 13:7)

²⁸ Alege m dan yiti kum po, m le dɛ ni niŋ a cheŋ Galili tɛŋka.>>

²⁹ Piita yaa weeni wa ayen, <>

³⁰ Yeezu yaa weeni wa ayen, <>

³¹ Piita yaa pii nyiŋ a ŋman weeni wa ayen, <> Wa ŋaaŋviirɔ mbala meena mɛ yaa weeni dila dekdega.

³² Ba yaa jam paari Getsemani, ate Yeezu yaa weeni wa ŋaaŋviirɔma ayen, <>

³³ Wa ale a cheŋ la, wa yaa basi ate Piita ale Jeemsi ale Jɔɔn a va wa. Wa sui yaa jam kaasi nna yegayega, ate

³⁴ wa weeni ba ayen, <>

³⁵ Wa ale ga cheŋ magadek la, wa yaa kpi duna tɛŋ a puusi a te Wen ayen dan ka dii wa yeeri ninam buui ate wa za wa nam la wa jigi a basi.

³⁶ Wa puusi a te Wen kama ayen, <>

³⁷ Wa yaa pilim jam a paari wa ŋaaŋviirɔma batawa ale ba dua a goa. Wa yaa weeni Piita ayen, <

³⁸ Ni a kpesi abe ni a puusi a te ni kan jo nyenyaka po, chiika a yaali kama alege nyiŋka a wobsa.>>

³⁹ Wa yaa ŋman ga puusi a te Wen a weeni wa ale poom a weeni diila.

⁴⁰ Wa yaa ŋman jam wa ŋaaŋviirɔma jigi ale ba ŋman dua a goa, dii nyiŋla, goom ale jam ta ba nna yegayega, ate ba zɛ ba ale ba weeni wa diila.

⁴¹ Wa ale ŋman jam ku nɔi butawa la, wa yaa weeni ayen, <

⁴² Ni yiti ate ti cheŋ. Nuru waai ale ta mu a ga bobri sak la ale la a cheena.>>

⁴³ Yeezu ale diem boro a biisi la, wa ŋaaŋviirɔma pi ale bayewa po wanyiwa Judas, yaa jam wa jigi ale nuru boari. Kaabteerɔ kpaŋŋa ale Sinsak sagrɔma ale tɛŋka kpaŋŋa ale tom ba. Ba jam ta ka gebi kpieŋsa ale dua a jam ayen ba yik wa.

⁴⁴ Bumbobrɔwa a poom weeni ba kama ayen, <>

⁴⁵ Ba ale ga paari Yeezu la, Judas yaa deri ga wa jigi a wi wa ayen, <> a yaa alege a puusi ale gbaari wa.

⁴⁶ Judas ale nye dila la, nuruma yaa deri yik Yeezu ale pagrim.

⁴⁷ Yeezu ŋaaŋviirɔma po wanyi yaa deri yeeri wa gebi kpieŋ a che kaabteerɔ kpioŋku tomteerɔwa turi a lɔnsi tɛŋ.

⁴⁸ Yeezu yaa bek nuru boanni ayen, <

⁴⁹ Daa meena mi kasim bo ale ni kama Wen Yenni po a sak nuruba, alege ni an yik mu. Alege ku a fɛ kama ayen ba ale ŋmarisi Wen gbaŋka po diila, a jam chim wensie.>>

⁵⁰ Dula jigini Yeezu ŋaaŋviirɔma meena yaa chali alege wa.

⁵¹ Nidoa wanyi ale jam maa va Yeezu a yulum gatta peelik. Ba jam a yaali ayen ba yik wa kama,

⁵² ate wa foli gattiaka a basi te ba alege chali ale chaboala.

⁵³ Ba yaa ta Yeezu a cheŋ kaabteerɔ kpioŋku yenni. Kaabteerɔ kpaŋŋa ale tɛŋka kpaŋŋa ale Sinsak sagrɔma yaa jam tigsi chaab.

⁵⁴ Piita yaa mag va ba ŋaaŋ a ga jo kaabteerɔ kpioŋku yenni dabiaka po a ga kala ale limisidɔma a ŋuuŋ bolim.

⁵⁵ Kaabteerɔ kpaŋŋa ale nisɔmma meena yaa jam bek nuruba ayen ba wom Yeezu wakaasuŋ ba jigi ate ba nya suik a ko wa. Alege ba an baga a nya wari ya.

⁵⁶ Nuruba yegayega a jam velim wie a te wa kama alege ba noaŋa jam daa bunyi.

⁵⁷ Ba gela a nyini biisi venta wie ayen,

⁵⁸ <>

⁵⁹ Alege ba mɛ wieŋa a jam daa nɔiyeŋ wie.

⁶⁰ Kaabteerɔ kpioŋku yaa yiti zaani ba meena niŋ a bek Yeezu ayen, <>

⁶¹ Yeezu yaa sina. Wa ŋman bek wa ayen, <>

⁶² Yeezu yaa weeni wa ayen, <>

⁶³ Kaabteerɔ kpioŋku yaa yik wadek garukku a dari cheeri ale weeni ayen, <

⁶⁴ Ni meena a wom wa ale pai wadek a magsi chaab ale Wen la kama. Nama a poli ka sɛ? Wa lɔ yaa wa an lɔ ya?>> Ba meena a yaa bo mini wa ayen ku a magsi kama ayen wa kpi.

⁶⁵ Nuruma gela yaa chesi tintueta a basi wa nyiŋ ale pai garuk a bobi lik wa ninaŋa a nak wa ale a bek ayen, <> Nuru baai mɛ ale ga yik Yeezu la yaa fɔbi wa a gum du.

⁶⁶ Piita ale diem jam bo yenni dabiaka po la, kaabteerɔ kpioŋku dɔkliema wanyi a yaa nya wa.

⁶⁷ Wa ale nya Piita ale wa kala a ŋuuŋ bolimu la, wa yaa nya wa ziin a weeni wa ayen, <>

⁶⁸ Piita yaa pagsi ayen, <> Wa yaa yiti a cheŋ ga za pɔsuku nɔi.

⁶⁹ Nipokbinni ale ŋman nya wa ale wa za dula jigini la wa yaa weeni baai ale za dula la ayen, <>

⁷⁰ Piita yaa ŋman pagsi ayen wa daa Yeezu ŋaaŋviirɔma po wanyi. Ku ŋaaŋnyiŋ, nuru baai ale jam za moata wa la yaa weeni wa ayen, <>

⁷¹ Piita yaa pɛ ayen wa zɛ nuru waai ate ba a weeni wa wie la.

⁷² Vari kpadiaka yaa deri kum a nye buye ate Piita teeri dii ate Yeezu a poom weeni wa ayen, wa le pagsi ku nɔi buta ayen wa zɛ wa alege ate vari kpadiaka a kum a nye buye la. Piita sui yaa kaasi ate wa kum.