Maak 11 - WEN GBAŊKA

¹ Ba yaa jam paari Betfaaji ale Betani tɛŋsaŋa ale Olivi Guuku. Tɛŋsaŋa ale guuku a jam moata ka Jerusalem tɛŋka. Yeezu yaa wi wa ŋaaŋviirɔma po baye a weeni ba ayen,

² <

³ Ni dan boro a foli ka, ate nuru bek ni dii nyiŋ ate ni a foli ka la, ni weeni wa ayen ka Nyɔnɔwa Yeezu Kirisita ale a yaali ka. Wa be dan nueri ale ka wa le ŋman basi ate ba ta ka a jam nwuli.>>

⁴ Ba yaa cheŋ ga nya bonpaalik ale ka bobi za yeri nansuiŋ nɔi ate ba yaa foli ka.

⁵ Nuru baai ale jam za dula jigini la, yaa nya ba a bek ayen, <>

⁶ Ba yaa weeni ba dii ate Yeezu a poom weeni ba la, ate nuruma yaa basi ate ba foli ka a ta cheŋ ga te wa.

⁷ Ba yaa ta bonpaalika a ga te Yeezu, yaa yeeri ba gattaŋa a pai vi bonpaalika chiaka zuk ate Yeezu yaa doa.

⁸ Nuruba yegayega yaa jam pai ba gattaŋa a pati suiku niŋ ayen Yeezu a ta wa bonika a cheŋ va ti zuk a taam. Ba gela mɛ a cheŋ suiku nakpiak a ga che tiisa vaata a ta jam pati suiku niŋ.

⁹ Ba ale jam bo suiku po a cheŋ la baai ale jam dɛ niŋka la ale baai mɛ ale jam bo ŋaaŋka la, meena yaa zuli wa a kaari ayen, <

¹⁰ Naawen niak waai ale cheena ayen wa soa ti kokpieŋka Deevid naam buui ale cheena la. Fi, Naawen dii ale bo wenŋmazuk la, a vari ti a basi.>>

¹¹ Yeezu ale jam paari Jerusalem tɛŋka la, wa yaa cheŋ ga jo Wen Yenni po a nyiem nya jaabuuri meena ale bo di po la ale ŋman nyini. Yeezu ale wa ŋaaŋviirɔma pi ale bayewa an jam bo dula jigini a beniya, dii nyiŋla, wenni a jam a siŋ kama. Ba yaa basi dula jigini ale ŋman cheŋ Betani.

¹² Vari ale jam veenti la, ba yaa ŋman yiti a basi Betani ale nyini. Kom yaa jam ta Yeezu.

¹³ Wa yaa nya kiŋkaŋ a za niŋniŋ ate vaata a lik ka. Wa yaa cheŋ ga paari ka tɛŋ ayen wa nya ase ka ta moota ya ate wa dɛ, alege jaab a jam ka ka zuwa. Ka vaata nyiini ale jam boro, dii nyiŋla ku jam daa moota wein ya.

¹⁴ Yeezu yaa weeni kiŋkaŋka ayen, <> Wa ŋaaŋviirɔma yaa wom dii ate wa weeni la.

15 Ba ale ŋman jam paari Jerusalem tɛŋka la, Yeezu yaa ŋman ga jo Wen Yenni po. Nuruba ale jam bo di po a gerim. Wa yaa yiak ba meena ate ba nyini dula jigini a nyini, a zak nuru baai ale jam ta ligraŋa a tagri la ŋanzaanitaŋa a tulim kpib, a tusi baai ale ta nangbaŋsaŋa a da la zukpagliksaŋa mɛ a lɔnsi.

¹⁶ Wa an jam siak ayen geruŋdɔba a ji ŋanta a va Wen Yenni po a taam nyini.

¹⁷ Wa yaa sak nuruma ale bek ba ayen, < (Azaya 56:7) alege nama a pai di chim zueba boka jigi ya?>> (Jeremaya 7:11)

¹⁸ Yeezu ale ga weeni dila ate kaabteerɔ kpagni ale Sinsak sagrɔma wom la, ba yaa jam a gisi suik ayen ba ko wa. Alege yɔgsum ale jam yik ba ale Yeezu ate ba an jam baga a nya suik a tiri wa. Dii nyiŋla wa sinsaŋŋa a jam cha nuruma kama.

¹⁹ Junɔi ale jam paari la, Yeezu ale wa ŋaaŋviirɔma a yaa basi Jerusalem tɛŋka ale nyini cheŋ.

²⁰ Vari ale ŋman veenti la, ba yaa va suiku a taam a nya kiŋkaŋka ale ka kpi za.

²¹ Piita yaa teeri Yeezu diem ale weeni diila, a yaa weeni wa ayen, <>

²² Yeezu yaa weeni ba ayen, <

²³ Wensie ate mi a weeni ni, waai ale ta siaka ale Wen ale ka chichama ale sum siak ayen wa ale weeni diila le nye la, a baga a weeni gu kpioŋku kama ayen ku voori dula jigini a ga lo nyakpiemu po ate Wen sum nye a te wa.

²⁴ Dila nyiŋ ni dan puusi a te Wen a juisi jaab, ni ta siaka ayen ni nya jaamu kama ate Wen yaa pai a te ni.

²⁵ Diipo meena ni daa ni puusi a te Wen ni dɛ niŋ a vɔŋ te baai ale nye ni a kaasi la, abe ni ge a puusi a te Kowa waai ale bo wenŋmazuk la ate wa mɛ a vɔŋ te ni.

²⁶ Ni dan kan nye dila, ni Kowa waai ale bo wenŋmazuk la abe kan vɔŋ te nama mɛ.>>

²⁷ Ba yaa ŋman jam Jerusalem tɛŋka a ga jo Wen Yenni po. Yeezu ale bo di po a nyiem la, kaabteerɔ kpagni ale Sinsak sagrɔma ale tɛŋka nisɔmma meena yaa tigsi chaab a jam wa jigi

²⁸ a bek wa ayen, <>

²⁹ Yeezu yaa tulisi ba ayen, <

³⁰ Jɔɔn ale jam a te nuruba soka la, ka Wen ale jam te wa pagrimu yaa ka nuru biiga?>>

³¹ Wa le bek ba dila la, ba yaa ta nanpaga ale chaab ayen, <

³² Ti be an baga a weeni mɛ ayen ka nurubiik ale te wa pagrimu dii nyiŋla, waai meena a seba wa ale jam ka Wen biisiteerɔ la kama.>> Ate ba yaa chali yɔgsum.

³³ Ba yaa tulisi Yeezu ayen, <> Yeezu yaa weeni ba ayen, <>