Luuk 23 - WEN GBAŊKA

¹ Nisɔmma meena yaa yiti ta Yeezu a cheŋ Gominawa Paalɔt jigi.

² Juijui ate ba toariŋ wa a weeni ayen, <>

³ Gominawa Paalɔt a yaa bek wa ayen, <> Yeezu yaa tulisi wa ayen, <>

⁴ Paalɔt yaa weeni kaabteerɔ kpaŋŋa ale nuru boanni ayen, <>

⁵ Ba yaa ŋmasi a biisi nna yegayega ayen, <>

6 Paalɔt ale wom nna la, wa yaa bek ayen, <>

⁷ Paalɔt ale wom ayen Yeezu nyini ka juijui ate Naab Ayerod a jam a nya ka zuk la, wa yaa basi ate ba ta Yeezu a cheŋ wa jigi. Dila po wa Naab Ayerod dek a jam bo ka Jerusalem tɛŋka.

⁸ Naab Ayerod ale nya Yeezu la, ku yaa peenti wa sui nna yegayega boan nyiŋŋa, wa kasim jam a yaali ayen wa nya wa dii nyiŋla, wa wom ka wa wari ate wa yaa jam a yiili ayen wa le nye wakperikaliik ate wa nya.

⁹ Naab Ayerod yaa bek wa bega nna yegayega alege Yeezu an jam tulisi wa.

¹⁰ Kaabteerɔ kpaŋŋa ale Sinsak sagrɔma a yaa za dula a toariŋ Yeezu ale nin muna.

¹¹ Naab Ayerod ale wa tugurik tɔŋdɔma a yaa nye Yeezu a la ale a nye wa jigi nna ase wa daa nuru la. Ba ale nye dila la ba yaa pai kasaauk naluŋ jo Yeezu ate Naab Ayerod yaa weeni ate ba ta wa ŋman cheŋ Paalɔt jigi.

¹² Da dila danni Naab Ayerod ale Paalɔt a deri dɛ doata ale chaab. Ba jam ka dachaasa alege ate nya kude a nye.

¹³ Paalɔt yaa wi kaabteerɔ kpaŋŋa ale niŋdeerɔma ale nuruma meena jigi yeŋ,

¹⁴ weeni ba ayen, <

¹⁵ Ayerod mɛ abe an nya wa wakaasuŋŋoa dii nyiŋla, ka wala ale basi wa ate wa jam tama jigi. Nuruwa de an nye wari a magsi kummoa.

¹⁶ M be le basi kama ate m tugurik tɔŋdɔma miiri wa abe m basi wa ate wa cheŋ.>>

¹⁷ Bena meena ba Gaambasika Tigini a nyiem dan jam paari ku nyiem a fɛ kama ayen Gominawa Paalɔt lak nuru waai ate wa tɛŋka demma a yaali ayen ba lak ate wa nyini likka dɔkku po a nyini la a basi.

¹⁸ Alege ba yaa kaari ate ku jueli ayen, <>

¹⁹ Barabasi a jam bo likka dɔk ka wa ale jam maari a siti wɔkwɔk a ko nuru la nyiŋ.

²⁰ Paalɔt yaa ŋman biisi ale ba a yaali ayen wa yeeri Yeezu a basi.

²¹ Alege nuruma a ŋman kaari ate ku jueli nna yegayega a weeni ayen, <>

²² Dii ale a saari butawa la, Paalɔt yaa bek ba ayen, <>

²³ Alege nuruma yaa ŋman kaari ate ku jueli nna yegayega a gaam dii ate ba poom kaari la a weeni ayen, ba kpi wa jabarim nyiŋ ate wa kpi. Ba kaarika de a jam basi kama ate ba nak dɛ.

²⁴ Paalɔt yaa siak bo buusa te ba

²⁵ a yaa lak Barabasi waai ale jam maa nye nɔiyeŋka ale wa tɛŋka demma a nye kpaliŋka a ko nuruba ate ba yik wa a lik la a te ba, Paalɔt yaa pai Yeezu a te wa tugurik tɔŋdɔma ayen ba nye wa dii ate ba a yaali la.

²⁶ Tugurik tɔŋdɔma a yaa ta Yeezu a cheŋ a yaa ga zik nuru wanyi ale wa cheena tɛŋka po. Wa yuei ale Simon. Wa jam nyini ka Sairini. Tugurik tɔŋdɔma yaa yik wa a fɛ wa ate wa ji Yeezu jabarimu a va wa ŋaaŋ.

²⁷ Nuru boari nna yegayega ale jam va wa. Nipooba ale jam maa bo ba po, a kum ale a fɔbili Yeezu nyiŋ.

²⁸ Yeezu yaa virim nya ba a weeni ba ayen, <

²⁹ Dii nyiŋla, daa le cheena ate nuruba ale weeni ayen,

³⁰ Dila powa ale nuruba ale weeni guuk kpientaŋa ayen, abe ba weeni guuk fiisaŋa mɛ ayen, (Yosea 10:8)

³¹ Ase diokku ale yɔgsa alege ba a nye nna la, ka boa ale ku nye ase ku nin ko?>>

³² Tuim kaasima nyam baye a te ba jam maa ta ba ale Yeezu a cheŋ ayen ba kpi ba.

³³ Ba ale jam paari juijui ate ba a wi ayen, <>, ba yaa kpi wa jabarimu nyiŋ. Tuim kaasima nyama mɛ bayewa ba kpi wanyi a zaani wa juga, wanyi mɛ a zaani wa gala.

³⁴ Yeezu yaa weeni ayen, <> Ba ale kpi wa la, ba yaa nak gbaŋ a lueri wa gattaŋa a chari chaab.

³⁵ Nuruma yaa za a nya wa, alege ba kpaŋŋa yaa nye wa a la a weeni ayen, <>

³⁶ Tugurik tɔŋdɔma mɛ a jam a nye wa a la a pai damiisiŋ a te wa a nye ase ba a te wa ka zula la,

³⁷ ale a weeni ayen, <>

³⁸ Ba jam ŋmarisi ka jaab tapagi nyiŋ ayen, <> a yaa pai di a maŋ wa jabarimu zuk.

³⁹ Tuim kaasima nyama bayewa ate ba jam maa kpi ba a gum Yeezu po la, bala wanyi a yaa jam a lɛ wa ayen, <>

⁴⁰ Alege wa vaanchoawa a yaa toariŋ wa ayen, <

⁴¹ Ba ale nye tama diila, ku magsi kama dii nyiŋla, ka tama tuim kaasimaŋa tutuna ale nna ate ti boro a tuesi. Alege nuruwa de an kaasi wari ya.>>

⁴² Wa biisi dila ale ge a yaa weeni ayen, <>

⁴³ Yeezu yaa weeni wa ayen, <>

⁴⁴ Ku ale jam paari kantueŋ baŋ pi ale buye la, tɛŋka meena yaa jam nye legi nna kpitɔ a ta ga paari kantueŋ baŋ buta,

⁴⁵ ase wenbinni ale kan ŋman jam a nya la, ate garuk panni ale jam yik Wen yenni la a cheeri buye.

⁴⁶ Yeezu yaa kaari nna yegayega ate ku jueli ayen, <> (Yiila 31:5) Wa ale weeni dila la, wa yaa deri kpi.

⁴⁷ Tugurik tɔŋdɔma kpagni ale jam za dula a yaa nya dii ale nye la, wa yaa te Wen pimpauk a weeni ayen, <>

⁴⁸ Nuru boari ale jan jam ayen ba nya dii le di nye la. Ba ale nya dii meena ale nye la ba yaa pilim ŋmani a kuli ale sui kaasuŋ.

⁴⁹ Baai meena ale jam seba Yeezu nalimnyiini a chak la, ale nipok baai mɛ ale jam va wa a nyini Galili a jam la, bala meena a jam za ka niŋniŋa alege a nya.

⁵⁰ Nuru ale jam boro wa yuei jam le Josefi. Wa jam ka nisɔmma tigsuŋku po nuru, wa jam ka nuru maŋ ale wayɔrisima nyɔnɔ.

⁵¹ Wa nyini ka Arimatia Juuma tɛŋ kanyi ale la waai ale jam kan ta ba popolaŋa ale ba nyeelaŋa la, wa jam a yiili ka Wen naamu ayen bu jam.

⁵² Josefi wade a jam cheŋ Paalɔt jigi a ga saalim wa ayen wa basi ate wa ga yeeri kpiewa jabarimu zuk.

⁵³ Wa ga yeeri wa a ta nyini jabarimu zuk a siŋ, a yaa pai garuk pali naliŋ a vili wa a ta wa ga gu piuŋ vɔrup ate ba keri la po. Kpio an jam duak bu po a nya ya.

⁵⁴ Da dila danni jam ka Gomsika dai ate Vuusum Danni mɛ a boro a piilim.

⁵⁵ Nipok baai ale jam va Yeezu a nyini Galili tɛŋka a jam la a yaa jam va Josefi a cheŋ ga nya vɔrumu ate Yeezu dua bu po diila

⁵⁶ ale ge a yaa pilim ŋmani a ga gomsi kpa masisa. Vuusum Danni a yaa ale jam paari la, ba vuusi kama ase ba sinsaŋŋa ale a sak ba diila.