Luuk 21 - WEN GBAŊKA

¹ Yeezu yaa jam kala Wen yenni po a moata juijui ate jigsirɔba ta ba ligra a jam a nyoro a te Wen la, a yaa nya ba.

² Wa yaa nya pukɔgi jak a yaa maa ta wa ligbie ŋaye a jam ayen wa lɔnsi du.

³ Yeezu yaa weeni ayen, <

⁴ Dii nyiŋla, mbala te ka ligra dii ale kan toa ale ba pai teka la alege pukɔgi niwoba wade a pai ka wa ligraŋa meena ate wa ta la a ta jam nyoro.>>

⁵ Yeezu ŋaaŋviirɔma ba gela a jam a weeni ka Wen yenni ale nala dii ale di tintain naliŋsaŋa ale tiirim tii meena ate nuruba te Wen ate ba ŋmirisi di la. Yeezu yaa weeni ayen,

⁶ <>

⁷ Ba yaa bek wa ayen, <>

⁸ Ate wa weeni ba ayen, <

⁹ Ni dan wom tugurisa wie ale kpaga ale a nya baai zuk la, a nye kpaliŋ ale ba kpaŋŋa ni kan a chali yɔgsum. Ku a fɛ kama ayen nyaŋa de meena a nye alege ku kan sak kama ayen tɛŋka kpeglimka ale deri jam kama.>>

¹⁰ Wa weeni ba ayen, <

¹¹ Tɛŋka mɛ ale choa nna yegayega ate kɔm ale nyiŋtuila pagrisa jam jigi meena, wie ŋaai ale ŋa te nuruba yɔgsum ate daana a nyini wenŋmazuk.

¹² <

¹³ Dila powa nya kude ale te ni suik ate ni baga weeni mi wie a sak ba.

¹⁴ Ni nye ni popola ate ni kan ŋaam gomsi ayen ni biisi a vari ni dek a basi,

¹⁵ dii nyiŋla mi le weeni sak ni ni le ni weeni diila. M be le te ni yam ate ni dachaasaŋa a kan ba a biisi gaam ni.

¹⁶ Nidek koba ale ni maba ale ni suata ale ni kobisa ale ni mabisa ale ni doaba ale yik ni ale pagrim a te ate ba ko ni ba gela.

¹⁷ Waai meena ale kisi ni kama mi nyiŋ.

¹⁸ Alege zuik yeŋ mɛ la ni zuimaŋa po a kan bɛ.

¹⁹ Ni ŋmaglika nyiŋ ni le nya ni nyuvooŋa.

²⁰ <

²¹ Ni dan nya ale dila boro a nye, nama baai ale bo Judia tɛŋka po la ni chali a ga suk guutaŋa suŋsuŋ. Baai ale bo tɛŋka dek po la, ba basi dula jigini. Baai mɛ ale bo peelim la, ba kan cheŋ tɛŋka dek po.

²² Dii nyiŋla, ase ba ale ŋmarisi dii Wen Gbaŋka po ayen da ŋala po ka waalika dai la le sum chim ka wensie.

²³ Da ŋala po, nipok baai ale ta puusa ale buluata la jɔk wein kama. Dii nyiŋla, kaasuŋ nna yegayega ale ku jam tɛŋka de, waalika nna yegayega mɛ ale ka jam nuruma de jigi.

²⁴ Ba ale pai ka gebik woŋta mɛ a ko ba gela. Ba ale yik ba gela mɛ a ta cheŋ tɛŋsa yegayega. Nuru baai ale kan daa Juuba la, ale kaasi Jerusalem abe ba bo ka po paari ba danni ate ba ale basi.

²⁵ <

²⁶ Yɔgsum ale yik nuruba ate ba cha abe ku a daani ba dii ale cheena tɛŋka meena po la nyiŋ.

²⁷ <

²⁸ Wieŋa de a dan piilim nyeka ni yiri zaani ŋmai abe, ni zak ni zuima ŋmai dii nyiŋla, ni da tuesika danni moata kama.>>

²⁹ Yeezu yaa magsi wamagsini ayen, <

³⁰ Ase ni dan nya ale si a pusi vaata, ni seba ayen kpari wein a moata kama.

³¹ Ni be dan nya wieŋa de mɛ ale ŋa piilim boro a nye, ni yaa be seba ayen Wen naamu a moata kama.

³² Wensie ate mi a weeni ni gaŋka de a kan sum taam ka wieŋa de meena a nin nye.

³³ Wenŋmazuk ale tɛŋzuk meena ale jam taam dai yeŋ po, alege mi wieŋa a kan taam diipo diipo.

³⁴ <

³⁵ Dii nyiŋla, ku le jam ka baai meena ale bo tɛŋzuk de la zuk.

³⁶ Alege, m ŋman a weeni kama ayen ni kpesi nidek daa meena, a puusi Wen ayen ni ale ta pagrim ate ni baga nyini wieŋa de meena ale cheena ayen ŋa nye la po a nyini ate ni baga zaani Mi Saalɔbiika niŋ.>>

³⁷ Yeezu a jam pai ka da ŋala meena a kasim a sak nuruba Wen yenni po. Junɔi nyiem a dan jam paari, wa a nyini kama a cheŋ guuk kuui ate ba a wi ayen Olivi Guuk la.

³⁸ Saluik yokyok foribi, nuruma meena a nyiem jam ka Wen yenni a wom wa sinsaŋŋa.