Luuk 2 - WEN GBAŊKA

¹ Da ŋala po Siiza Agustusi a jam weeni ka wari ayen ba chiini tɛŋka demma meena.

² Chiinika de ale dɛ niŋ diipo ate Kurinius a jam a nya Siriya tɛŋka zuk la.

³ Waai meena yaa jam cheŋ wadek tɛŋ ayen ba chiini wa.

⁴ Josefi yaa basi Nazaret tɛŋka ale bo Galili tɛŋka po la a cheŋ Betiliyem ale bo Judia tɛŋka po la. Ba jam a wi Betiliyem ayen ka Deevid tɛŋ. Josefi a jam cheŋ dula jigini kama ayen ba maa chiini wa dii nyiŋla wa jam ka Deevid ŋaaŋbiik,

⁵ ayen ba maa chiini wa ale Mɛɛri waai ate wa jam a yaali ayen wa faari la ale jam a limisi biam la.

⁶ Ba ale jam bo Betiliyem tɛŋka po la, wa biamu danni a yaa paari,

⁷ tɛŋ kala po, wa yaa biak wa poklari biamu nidoabili a yaa pai garuk a pili wa a dueni daka diipo ate ba pai duŋsaŋa ŋandiinta a nyo du la zɔŋ po, dii nyiŋla jigi a jam karo a te ba.

⁸ Naapeerisa ale jam bo peelimmu po a moata dula jigini a limisi ba piisa yok kula.

⁹ Wen maarɔ a yaa jam pai wadek a sak ba ate Naawen nyaksika a yaa deri nyaksi gilim ba meena ate yɔgsum yaa deri yik ba nna yegayega.

¹⁰ Maarɔwa yaa weeni ba ayen, <

¹¹ Jinla yokku ba biak ka Varibasidɔ Deevid tɛŋka po. Ba biak wa ayen wa chim ka nama ale waai meena Nyɔnɔ. Wa ka Kirisitawa waai ale Wen le tom ate wa jam la.

¹² Ni ga nya biika ate ba pai garukku a pili wa dueni dakari po la.>>

¹³ Maarɔwa ale biisi ga nueri la, maarɔba yegayega a yaa deri nyini wenŋmazuk a jam gum wa po ate ba meena a yaa yi yiili a pak Wen ayen,

¹⁴ <>

¹⁵ Ase maarɔma ale basi ba ale jueli wenŋmazuk la, naapeerisaŋa yaa weeni chaab ayen, <>

¹⁶ Ba yaa nye nwuli cheŋ ga nya Mɛɛri ale Josefi ale biika ale wa dua dakari po.

¹⁷ Naapeerisaŋa ale nya biika la, ba yaa weeni Josefi ale Mɛɛri dii ate maarɔwa weeni ba biika wie la.

¹⁸ Dii ate naapeerisaŋa weeni la, a yaa deri cha baai meena ale jam wom la.

¹⁹ Alege Mɛɛri yaa ta wieŋa de a poli ŋa wie wa suinum po.

²⁰ Naapeerisaŋa yaa ŋman cheŋ ba piisaŋa jigini. Ba ale jam bo suiku po a cheŋ la, ba yaa jam a biisi a pak Wen a te wa zula wie ŋaai ate ba wom alege nya mɛ la nyiŋ. Wieŋa de a sum jam ka wie ŋaai meena ate Wen maarɔwa a weeni sak ba la.

²¹ Biika ale jam paari da naaniŋ la, ba yaa gebi wa yoanni alege a yaa wi wa yuenni ayen Yeezu. Yuenni de ate Wen maarɔwa a te wa alege ate wa mawa yik puuka la.

²² Da dii danni ate Mɛɛri ayen wa cheŋ a ga nye wa biamu weleŋsa kaabka ase Moosis Sinsaŋŋa ale a weeni diila, Josefi ale wa a yaa pai Yeezu ate ba cheŋ Jerusalem tɛŋka po ayen ba pai biika a nyo Naawen nisa po dula jigini.

²³ Ba jam ŋmarisi Naawen Sinsaŋŋa kama ayen, <>

²⁴ Ate fi nye kaabka a ta va dii ale weeni Naawen Sinsaŋŋa po la, ate <> (Kaabka 12:8)

²⁵ Nuru wanyi ale jam bo Jerusalem ate ba a wi wa ayen Simeyon. Wa jam ka wayɔrisima nyɔnɔ ale a va Wen nalimnyiini ate Wen Chiika jam bo ale wa. Wa jam a limisi ka da dii dai dek ate Wen ayen wa tom waai le wa jam vari Izirali demma a basi la.

²⁶ Wen Chiika a jam weeni wa kama ayen wa kan kpi ate ku paari diipo ate wa le nya Naawen Kirisitawa la.

²⁷ Ase Wen Chiika ale sueri wa la wa yaa jam Wen yenni po, ase nyama ale ta biika Yeezu a jam ayen ba nye ŋiaka sinsaŋŋa ale weeni diila.

²⁸ Simeyon yaa tuesi biika nyo wa nisima po a pak Wen ayen,

²⁹ <

³⁰ dii nyiŋla, mi dek nya waai le wa vari nuruba basi la kama.

³¹ Waai ate fi a gomsi magsi nuru meena la.

³² Wa ale nye ase ka bolim la a te baai ale kan daa Izirali demma la, abe wa chim pimpauk a te Izirali demma.>>

³³ Biika kowa ale wa mawa ale wom dii ate Simeyon a biisi biika wie la, ku yaa cha ba nna yegayega.

³⁴ Simeyon yaa niak ba ale weeni biika mawa Mɛɛri ayen, <

³⁵ Ate gebik a chub fu vuri taam nyini, ate nuruba yega ale a poli diila a chim wensie.>>

³⁶ Biisiteerɔ nipok ale jam boro, wa yuei jam le Ana, wa jam ka Fanuel ale nyini Asɛ dɔkku la lie. Wa benaŋa a jam piisi kama. Ana ale wa chorɔwa jam bo ale chaab ka bena ŋayopɔi ale ge ate wa chorɔwa a kpi.

³⁷ Ase wa ale jam ka pukɔgi a ta ga paari diipo ate wa nya bena pinaanuŋ ale ŋanaansi la, wa an jam basi Wen yenni, wa jam kasim a puusi Wen kama ale nɔi bobika ale puusa yok ale kantueŋ meena.

³⁸ Wa le nya biika la, wa yaa te Wen jiam, ale cheŋ ga weeni biika wie a te ale a limisi Jerusalem varibasika la.

³⁹ Josefi ale Mɛɛri ale nye dii ate Naawen Sinsaŋŋa a weeni ba a nueri la, ba yaa basi Jerusalem tɛŋka ale pilim ŋmani cheŋ badek tɛŋka Nazaret ate ka bo Galili tɛŋka po la.

⁴⁰ Biika yaa chim a ta pagrim ale yam nna yegayega ate Wen jam a ŋmante wa.

⁴¹ Bena meena Gaambasika Tigini a dan paari, Yeezu kowa ale wa mawa nyiem a cheŋ ka Jerusalem.

⁴² Yeezu ale jam paari bena pi ale ŋaye la, ba yaa cheŋ Gaambasika Tigini ase ba kisiku ale a weeni dii la.

⁴³ Ase tigini ale kpeglim, ate ba a kuli la, nidoabinni Yeezu jam wari bo ka Jerusalem. Wa nyama a jam zɛ, ale a poli ayen wa bo ka nuru boanni ale va la po, ba jam pai ka danni meena a cheŋ, ba yaa jam boro a gisi wa.

⁴⁴ Ba jam a poli ayen wa maa bo ka nuruma po. Ba ale jam a cheŋ ate wenni a siŋ la, ba yaa nyiem bo ba mabisaŋa ale nuru baai ate ba seba la po a gisi wa.

⁴⁵ Ba ale gisi wa nuruma po a kpeeri la, ba yaa ŋmani a cheŋ Jerusalem.

⁴⁶ Daa ŋata ale jam paari la, ba yaa nya wa ale wa bo Wen yenni po. Wa ale Juuma sagrɔma ale jam kala ale chaab ate wa yaa a wom ba, ale a bek ba bega.

⁴⁷ Ba mɛ a jam a bek wa ka bega. Baai meena ale jam bo dula jigini a wom wa ale a tulisi ba ale yam diila kama. Ku yaa cha ba.

⁴⁸ Wa nyama ale ga nya wa la, ku yaa deri cha ba nna yegayega. Wa mawa a yaa bek wa ayen, <>

⁴⁹ Wa yaa weeni ba ayen, <>

⁵⁰ Alege wa nyama an jam miŋ wa le weeni ba diila kiriya.

⁵¹ Yeezu yaa yiti ate wa ale ba a va chaab a ŋmani cheŋ Nazaret tɛŋka ate wa yaa siak ba noa dula jigini ase wa nyiem ale a nye diila. Wa mawa yaa pai dii meena ale nye la a nyo wa suinum po ale ta ŋa a teeri.

⁵² Yeezu yaa chim a pak a yaa ta yam a gum du ale a nye ate Wen ale nuruba sue a peenti.