Luuk 17 - WEN GBAŊKA

¹ Yeezu yaa weeni wa ŋaaŋviirɔma ayen, <

² Ba dan pai ni kpienni a bobi wa ŋiri a yuk basi nyakpiemu po a zunchoŋŋa fi le nye ate bifiisaŋa de wanyi a nye biem.

³ Dila nyiŋla, ni kpesi nidek ale wa dii meena ate ni a nye la. <

⁴ Wa be dan nye kaasi fu a paari ku nɔi buyopɔi dai yeŋ ale ŋman weeni fu ku nɔi buyopɔi ayen wa siak wa kaasuŋku, ku a fɛ kama ayen fi vɔŋ te wa.>>

⁵ Tuimtomdɔma yaa weeni Nyɔnɔwa Yeezu Kirisita ayen, <>

⁶ Ate wa mɛ yaa tulisi ba ayen, <, ate ka sum nye dila.

⁷ <

⁸ Wa kan goanti a weeni wa kama ayen,

⁹ Wa kan nye tomteerɔwa jiam, dii nyiŋ la wa nye ka dii ale magsi la.

¹⁰ Ku be ka dila, nama mɛ jigi. Ni dan tom Wen ale weeni ni ayen ni tom diila a nueri, ni weeni nidek ayen, >>

¹¹ Yeezu ale jam bo suiku po a cheŋ Jerusalem la, wa jam va ka Samaria ale Galili tɛŋsa suŋsuŋ po a cheŋ.

¹² Wa jam boro a jo ka tɛŋ fiik po a yaa ga zik gama pi ate ba za nna niŋniŋa,

¹³ a kaari ate ku a jueli ayen, <>

¹⁴ Yeezu ale nya ba la, wa yaa weeni ba ayen, <> Ba ale cheŋ la ba yaa deri nya nyiŋyɔgsa.

¹⁵ Ba wanyi ale chuiri nya ale wa ta nyiŋyɔgsa la, wa yaa pilim ŋmani ale a pak Wen ate ku a jueli nna yegayega

¹⁶ a yaa jam paari Yeezu a lo wa naŋsa tɛŋ a nye wa jiam. Nuruwa a jam ka Samaria denɔ.

¹⁷ Yeezu yaa bek wa ayen, <

¹⁸ Ba wanyi mɛ la an baga pilim ŋman jam a te Wen pimpaukwa ka nichaanɔwa dɛ nyiini?>>

¹⁹ Yeezu yaa weeni wa ayen, <>

²⁰ Farisiima gela yaa bek Yeezu ayen, <> Yeezu yaa tulisi ba ayen, <

²¹ yaase nuru kan weeni ayen, yaase Wen naamu a bo ka ni suŋsuŋ.>>

²² Wa yaa weeni wa ŋaaŋviirɔma ayen, <

²³ Nuruba abe le weeni ni ayen, Ba dan weeni dila, ni kan cheŋ, ni be kan va ba mɛ.

²⁴ Ase ŋmoruk a nyiem ale a ni ate wenni a nyaksi taam de a ŋman nyaksi taam de la, Mi Saalɔbiika mɛ danni a dan jam ku le nye ka dila dekdega.

²⁵ Alege wa le dɛ niŋ a nam nna yegayega ate gaŋka de ale zɛri wa.

²⁶ Ase ku ale jam ka dii Nowa vaaŋa po la, ku ale chim ka dila dekdega Mi Saalɔbiika daaŋa po.

²⁷ Nowa daaŋa po, nuruma a jam a dɛ kama ale nyu a buk ale a faari nipooba ale pai ba liema a yalisi ate ku paari dii ate Nowa a jo ŋaaruŋku po alege ate nyiamu a jam kaasi jaab meena.

²⁸ Ku jam nye ka dila dekdega Lɔti daaŋa po. Dila po wa, waai meena a kasim jam a dɛ kama ale a nyu ale a da diak mɛ ale a bori ale a sɛ yie.

²⁹ Da dii danni ate Lɔti basi Sodom tɛŋka la, bolim ale tintain tuila ale jam nyini wenŋmazuk a jam ko ba meena.

³⁰ Ku le nye ka dila dekdega da dii dai ate Mi Saalɔbiika ale pai m dek a sak nuruba la.

³¹ <

³² Ni teeri Lɔti powa wari!

³³ Nuru waai ale pii nyiŋ a nye ayen wa vari wadek nyuvuri a basi la, ale jɔk di kama. Waai mɛ abe ale a jɔk wa nyuvuri la, le vari di a basi kama.

³⁴ Mi a weeni ayen yok ku la, nuruba baye ale ba dua ta yeŋ po a goa, ate Wen jam pai ba wanyi a ta cheŋ alege nwala a dueni.

³⁵ Nipooba baye mɛ ale maa chaab a boro a num zom ate Wen jam pai ba wanyi a ta cheŋ alege nwala a zaani.

³⁶ Nuruba baye ale bo kaduk po a kpa ate Wen jam pai ba wanyi a ta cheŋ alege nwala a zaani.>>

³⁷ Wa ŋaaŋviirɔma yaa bek wa ayen, <> Wa yaa tulisi ba ayen, <>