Luuk 15 - WEN GBAŊKA

¹ Dai yeŋ ate lampoo cheesirɔba ale wabaata nyam meena yaa jam torisi paari kpaŋŋa ayen ba wom Yeezu sinsaŋŋa.

² Farisiima ale Sinsak sagrɔma a yaa maa chaab a ŋuuni a weeni ayen, <>

³ Wa yaa weeni ba wamagsini de ayen,

⁴ <

⁵ Ase wa dan nya ku, wa pai ku a tuk ka ŋmankpaluk ale suipeentik.

⁶ Wa dan jam yeri, wa a wi ka wa doama ale wa kali mɔtidɔma jigi yeŋ a weeni ba ayen,

⁷ Ku abe ka dila ate mi a weeni ni, suipeentik nna yega ale ka bo wenŋmazuk ase wabaata nyɔnɔ a nin basi wa biemu a gaam wayɔrisima nyam pineok ale neok baai ale kan ŋman magsi tagrika la kama.>>

⁸ Yeezu yaa ŋman magsi wamagsini di choa ayen, <

⁹ Wa dan ga nya di wa ale wi wa doama ale baai ale kali moata wa ate ba jam jigi yeŋ a weeni ba ayen,

¹⁰ Suipeentik kala dega dega ate Wen maarɔma a tara ase tuimbaata nyɔnɔ wanyi a nin basi wa tuimbaata tomka.>>

¹¹ Yeezu yaa weeni ayen, <

¹² Wa bibaaŋka a yaa weeni wa ayen, Nuruwa yaa siak a yaa chari ba wa ŋantaŋa.

¹³ Daa maga ale ga taam la, bibaaŋka a yaa pai wa ŋantaŋa meena a cheŋ satɛŋ nna niŋniŋŋa. Dula jigini wa yaa nye nanbolini a kaasi wa ligraŋa meena.

¹⁴ Wa ale ga dɛ wa ŋantaŋa meena a nueri la, kom nna yegayega a yaa jam tɛŋ kala alege wa ŋman ka jaaboa.

¹⁵ Wa yaa cheŋ tɛŋ kala nuru wanyi jigi ate nuru wala a yaa ta wa a cheŋ wa talim ayen wa a nya die zuk.

¹⁶ Wa sui ate jam peenti kama yegayega ase wa nin nya suik a maari a dɛ deeŋa ŋandiintaŋa, alege nuru an jam te wa jaaboa.

¹⁷ <

¹⁸ M le yiri kama a kuli ga weeni m kowa ayen, M Koa, m tom ka wabiok Wen ale fi jigi.

¹⁹ Ku an ŋman magsi fi ale wi mu ayen fi biiga, a nye mu ase fi tomteerɔma po wanyi la.>

²⁰ Wa yaa deri yiti a kuli wa kowa jigi. Wa ale jam bo suiku po a cheena yeri la, wa kowa a yaa nya wa ate jiirim a yaa yik wa kowa ate wa chali nyini a ga tu wa suiku niŋ a gbaari wa a puusi wa.

²¹ Nidoabinni yaa weeni ayen,

²² Alege wa kowa yaa wi tomteerɔma ayen ba nye nwuli a ta garuk kuui ale nala nna yegayega wa gattaŋa meena po la a jam jo wa. Wa weeni ba ayen,

²³ Ni ga yik naabiik kaai ale biigi la a ta jam ko. Ate ti nye ŋandiin kpienta tigi ate ti nye suipeentik ale chaab.

²⁴ Dii nyiŋla, m nidoabinni de a jam kpi kama, alege yɔgyɔgla de wa vua kama, wa jam bɛ kama alege yɔgyɔgla de ti nya wa kama.> Ba yaa deri piilim ba ŋandiintaŋa dɛka ale diinta.

²⁵ <

²⁶ Wa ale jam paari la, wa yaa wi tomteerɔma wanyi a bek wa ayen, Tomteerɔwa yaa tulisi wa ayen,

²⁷

²⁸ Alege bikpagni sui a yaa a puuri nna yegayega ate wa zɛri ayen wa kan ŋman jo yenni po. Wa kowa yaa nyini saalim wa ayen wa jo.

²⁹ Alege wa tulisi wa kowa ayen,

³⁰ Alege fi nidoabinni de waai ale ta fi ŋantaŋa a cheŋ ga yik kaasi nipok kaasuŋta zuk la, a yaa dan pilim jam fi yiri yik naabiik kaai ale zuak nna yegayega la, a ko te wa!>

³¹ Wa kowa yaa tulisi wa ayen,

³² Alege ku magsi kama ayen ti boro a dɛ ale a gɔk dii nyiŋla, fi yuawa a daam kpi kama alege yɔgyɔgla de wa vua kama, wa daam bɛ kama alege yɔgyɔgla de ti nya wa kama.> >>