Kaabka 9 - WEN GBAŊKA

¹ Da naanika ale taam la, Moosis yaa wi Aaron ale wa nidoabilisaŋa ale Izirali nisɔmma.

² Wa yaa weeni Aaron ayen yaali lalikbili a magsi biem tiirim ale padiak a magsi meena juka tiirim. Ba kan ta jomi ya a pai te Naawen.

³ Abe fi weeni Izirali demma ayen, ba yaali buduk a magsi biem tiirim. Pa bein naabiik ale bein pabiik ate ba kan ta jomi ya a magsi meena juka tiirim.

⁴ Ba yaali naab ale padiak a magsi suiyɔgni tiirim a ta jam te Naawen. Ba gum ŋandiinta tiirim du. Ba dam kpaam du. Jinla Naawen ale pai wadek a sak ni.

⁵ Ba yaa ta ŋan baai meena ate Moosis ayen ba yaali la a cheŋ Tuka Viuku niŋ ate Izirali demma meena a jam zaani Naawen niŋ.

⁶ Ate Moosis yaa weeni ayen, <>

⁷ Moosis yaa weeni Aaron ayen, <>

⁸ Aaron yaa jam dakanni jigi a tɔgri naabiika ale ka biem tiirim la a te wadek.

⁹ Wa bisaŋa yaa ta ziimu a jam te wa, ate wa pai wa nandummu a su du a pai nyo kuŋkuŋku nyiilaŋa nyiŋ. Ziim buui ale tali la wa pai kpiiri a basi juka dakanni tɛŋ.

¹⁰ Juka kuŋkuŋku zuk yaa ju kpapalaŋa ale yiimaŋa ale paŋni ale ka kauk kuui ale moata yiimaŋa la ale ka biem tiirim la, a magsi chaab ale Naawen ale weeni diila.

¹¹ Lammu ale gbainni wa ta nyini ka peelim a ju ba meena.

¹² Wa yaa ŋman tɔgri juka tiirimu duŋka. Wa bisaŋa yaa pai ziimu a te wa ate wa boori basi juka kuŋkuŋku kabtaŋa meena.

¹³ Ba yaa pai juka tiirimu lam gela, a te wa ale zukku, ate wa ju kuŋkuŋku zuk.

¹⁴ Ate wa ŋman sugri duŋka ponni po ŋantaŋa ale naŋsaŋa a pai vi juka tiirimu zuk a ju dakanni zuk.

¹⁵ Aaron yaa ta nuruma tiirimu a jam. Wa yaa pai buuku a magsi nuruma biem tiirimu a yaa tɔgri a te magsi biem tiirimu ase wa le liŋ a nye diila.

¹⁶ Wa yaa ta juka tiirimu a jam te va ku le magsi diila.

¹⁷ Wa yaa ta ŋandiinta tiirimu mɛ a jam a nye nisa nɔi a ju dakanni zuk a gum saluiku juka tiirimu po.

¹⁸ Wa tɔgri naamu ale padiaka mɛ ase suiyɔgni tiirim la a te nuruma. Wa bisaŋa yaa pai ziimu a te wa ate wa boori basi kuŋkuŋku kabtaŋa meena.

¹⁹ Ate ba yaa yeeri naamu ale padiaka kpapalaŋa, juiku kpapalaŋa, kpapala ŋaai ale lik la, yiimaŋa ale paŋni kauk kuui ale moata yiimaŋa la,

²⁰ ba yaa pai ba dɛ a vi kuusini zuk ate Aaron a ju kpaata ŋantaŋa de kuŋkuŋku zuk.

²¹ Aaron yaa zak kuusini ale juga naŋka a sak Naawen ase zak sakka tiirim la a magsi chaab ale Moosis ale weeni diila.

²² Aaron yaa zak wa nisimaŋa a tuk nuruma nyiŋ a niak ba. Wa pai biem tiirimu ale juka tiirimu ale suiyɔgni tiiritaŋa a te nueri la wa yaa siŋ tɛŋ.

²³ Moosis ale Aaron yaa jo Tuka Viuku po. Ba ale ŋman nyini la, ba yaa niak nuruma ate Naawen pai wa nyaksika a sak nuruma meena.

²⁴ Bolim yaa nyini Naawen jigi a jam dɛ juka tiirimu ale kpapalaŋa kuŋkuŋku zuk. Ate nuruma meena ale nya dila la, ba yaa nuem ale suipeentik ale koori tɛŋ a te wa zula.