Kaabka 4 - WEN GBAŊKA

¹ Naawen yaa weeni Moosis ayen,

² <

³ <

⁴ Wa ta lalikka a jam tuka jigini nansuiŋku a te Naawen. Wa pai nisa a vi ka zukku abe wa ge tɔgri Naawen niŋ.

⁵ Kaabteerɔwa ate ba lueri la yaa le pai lalikka ziimu gela a ta jo tuka jigini.

⁶ Wa pai wa nandummu a su ziimu po a misi buyopɔi weleŋsa jigini garuk panni nɔi Naawen niŋ.

⁷ Kaabteerɔwa yaa pai ziimu gela a nyo ŋan baai nyummu ale masa la dakanni nyiilaŋa zuk, ate di bo Tuka Viuku po la. Lalikka ziim buui ale tali la wa pai kpiiri juka kuŋkuŋku tɛŋ ale bo Tuka Viuku nɔi la.

⁸ Wa yaa yeeri lalikka ale ka biem tiirim kpapalaŋa meena, kpapala ŋaai meena ale bo ka ponni po la.

⁹ Wa yeeri yiimaŋa ale ŋa kpapalaŋa ale bo chiaka jigini la ale paŋni kauk ale moata yiimaŋa la.

¹⁰ Ase kpapalaŋa de ate ba yeeri suiyɔgni tiirim lalikka po la, wa yaa ju ba juka kuŋkuŋku zuk ase juka tiirim la.

¹¹ Alege lalikka gbainni ale lammu ale zukku ale naŋsaŋa ale ponni ŋantaŋa ale puutaŋa,

¹² lalikka kabi tintila meena wa ta cheŋ peelim juijui ale nala la, juijui ate ba kpiiri juka tintuemu a basi la, a pai daata a vi tintuemu zuk a ju.

¹³ <

¹⁴ Ba be dan seba biemu ate ba nye la, ba ta lalikbili a jam ase biem tiirim la a te Naawen Tuka Viuk niŋ.

¹⁵ Ba nisɔmma a yaa pai ba nisimaŋa a vi lalikka zukku alege a yaa tɔgri ka Naawen niŋ.

¹⁶ Kaabteerɔwa ate Naawen a lueri la yaa pai ziimu a ta jo Tuka Viuku po.

¹⁷ Wa yaa pai wa nandummu a su ziimu po a misi Naawen niŋ buyopɔi garuk panni niŋ.

¹⁸ Wa pai ziimu gela a nyo dakanni nyiilaŋa zuk ate di bo Tuka Viuku po la, Naawen niŋ. Ziim buui ale tali la wa pai kpiiri nyo juka kuŋkuŋku tɛŋ Tuka Viuku nansuiŋku nɔi.

¹⁹ Wa yeeri kpapalaŋa meena a ju juka kuŋkuŋku zuk.

²⁰ Wa nye lalikka dɛ ase wa le nye lalik kaai ate wa pai a te ase biem tiirim la, Suiku de po kaabteerɔwa ale nye biem duisi basika a te ba ate ba nya vɔŋteka.

²¹ Abe wa yaa ta lalikka a nyini cheŋ peelim a ga ju ase wa le liŋ ju lalik kaai la. Izirali demma biem tiirimu ale nna.

²² <

²³ Wa be dan miŋ wa biemu, wa ta buduk kuui ale kan ta jomi ase tiirim la a jam.

²⁴ Wa pai wa nisa a vi buuku zukku a tɔgri ku juijui ate ba a ju tiiritaŋa la Naawen niŋ. Bu ka biem tiirim.

²⁵ Kaabteerɔwa a pai nandub a su biem tiirimu ziimu po, abe wa pai a nyo juka kuŋkuŋku nyiilaŋa zuk, abe wa pai zi bunbula a kpiiri nyo kuŋkuŋku tɛŋ.

²⁶ Wa ju kpapalaŋa meena juka kuŋkuŋku zuk ase wa le ju suiyɔgni tiirimu diila. Suiku de po kaabteerɔwa ale nye biem duisi basika ate ku nyɔnɔwa nya vɔŋteka.

²⁷ <

²⁸ Wa yaa be dan miŋ wa biemu wa ta busari dii ale kan ta jomi ase tiirim la jam te Naawen wa biemu nyiŋ.

²⁹ Wa be pai nisa a vi biem tiirim buuku zukku abe wa tɔgri ku tiirimu juka jigini.

³⁰ Kaabteerɔwa a pai nandub a su ziimu po a pai nyo juka dakanni nyiilaŋa zuk abe wa pai ziim buui ale tali la a kpiiri nyo juka dakanni tɛŋ.

³¹ Wa yeeri kpapalaŋa meena ase wa le nye suiyɔgni tiirimu diila kaabteerɔwa yaa pai ju juka kuŋkuŋku zuk ase nyum masik la a te Naawen. Suiku de po kaabteerɔwa ale nye biem duisi basika ate ku nyɔnɔwa nya vɔŋteka.

³² <

³³ Wa pai nisa a vi ku zukku zuk abe wa yaa tɔgri ase biem tiirim la juijui ate ba ju tiiritaŋa la.

³⁴ Kaabteerɔwa yaa pai nandub a su biem tiirimu ziimu po a nyo juka dakanni nyiilaŋa zuk abe wa pai zi bunbula a kpiiri nyo juka kuŋkuŋku tɛŋ.

³⁵ Wa yeeri kpapalaŋa meena ase suiyɔgni tiirimu posuku kpapalaŋa la. Ate kaabteerɔwa yaa pai kpapalaŋa a vi lantaŋa zuk a ju a te Naawen. Suiku de po kaabteerɔwa ale nye biem duisi basika ate ku nyɔnɔwa a nya vɔŋteka.