Kaabka 27 - WEN GBAŊKA

¹ Naawen yaa weeni Moosis ayen,

² <

³ nidoa ale zaani bena pisiye a ta cheŋ bena pisiyuebi a chiim kpana ligra pisinu, a magsi chaab ale Tuka Viuku ligraŋa.

⁴ Be dan ka nipok wa ligraŋa a chim pisita.

⁵ Be dan ka waai ale zaani bena ŋanu a ta cheŋ bena pisiye, nidoa ligraŋa a chim ligra pisiye abe nipok a chim ligra pi.

⁶ Be dan ka waai ale zaani chi yeŋ a ta a cheŋ bena ŋanu, ni basi ate nidoa ligra a chim kpana ligra ŋanu, abe nipok a chim kpana ligra ŋata.

⁷ Dan ka waai ale nye se bena pisiyuebi yaase ŋa gaam di, nidoa ligraŋa a chim kpana ligra pi ale ŋanu abe nipok a chim kpana ligra pi.

⁸ Ase waai ale puulim la a dan wobsa an baga a tuni ligra ŋaai ate ba dak la, wa pai nuruwa a sak kaabteerɔwa ate kaabteerɔwa yaa dak dii ate waai ale puulim la a baga a tuni.

⁹ <<

¹⁰ Wa kan pai duŋ naliŋ a tagri kaai ale kan nala yaase kaai ale kan nala a tagri kaai ale nala. Wa be dan pai duŋ a tagri ka choa, kala ale kaai ate wa pai tagri la ta tuilum kama.

¹¹ Jaabuui ate wa puulim la a dan daŋ, kaai ale kan magsi tiirim a te Naawen la, ba pai duŋka a te kaabteerɔwa,

¹² wa le nya ase ka nala yaase ka an nala. Ka le ka dii meena ate kaabteerɔwa a weeni la ka ka dila.

¹³ Ka nyɔnɔwa a daa yaali ayen wa da tuesi duŋka, wa gum ka le ka diila ku po bunu du.

¹⁴ <<

¹⁵ Nuru waai ale pai yenni te la a dan da tuesi di wa gum di le ka diila ku po bunu du, ate yenni a ŋman chim wa yeri.

¹⁶ <<

¹⁷ Wa dan pai wa tɛŋka a te ka Ŋmanpateka Beinni ba le dak di diila di ka dila.

¹⁸ Alege wa dan pai tɛŋka a te ka Ŋmanpateka Beinni ŋaaŋnyiŋ, kaabteerɔwa ale wa nya ka le ka diila a magsi chaab ale bena dii ale tali ate ku ŋman paari Ŋmanpateka Beinni la, ate ka le ka diila wa yeeri a basi.

¹⁹ Nuru waai ale pai tɛŋka a te la a daa yaali ayen wa da tuesi ka, wa gum ka le ka diila ku po bunu ate tɛŋka a ŋman chim wa tɛŋ.

²⁰ Ku be dan ka dii ate wa an baga a da tuesi tɛŋka, yaase wa pai da te waai, wa an baga a da a tuesi.

²¹ Ba dan basi tɛŋka Ŋmanpateka Beinni, ka a chim ka tuilum tɛŋ, ase tɛŋ kaai ate ba pai a te Naawen la. Ka kaabteerɔma ale soa.

²² <<

²³ Kaabteerɔwa ale nya ka le ka dii a ga paari Ŋmanpateka Beinni la, ate nuruwa a tuni ka le ka diila dai dila danni ase jabuui ale ta tuilum la a te Naawen.

²⁴ Ŋmanpateka Beinni tɛŋka a ŋman cheŋ waai jigi ate wa da la.

²⁵ Jaab meena diak a dak a magsi ka Tuka Viuku ligraŋa. Ligbieŋa dobrimu a chim ka magsika dobrim pisiye.

²⁶ <<

²⁷ Ka dan ka duŋ kaai ale daŋ, ka le ka diila wa da tuesi a magsi ka diaka ale ka diila. Wa gum ka le ka diila ku po bunu du. Wa dan kan da tuesi ya, ba pai ka da a magsi ka diaka ale ka diila.

²⁸ <<

²⁹ <<

³⁰ <<

³¹ Nuru waai a daa yaali ayen wa da tuesi wa piika, ku a fɛ ate wa gum ku po bunu.

³² Piisaŋa ale duŋsa piika, duŋ kaai meena ate naapeerika a nya ale doari la a ta tuilum kama a te Naawen.

³³ Wa kan yeeri ja maŋ ŋan baata po yaase wa tagri. Wa be dan tagri, duŋka ale kaai ate wa tagri la meena a ta tuilum kama. Wa an baga a da a tuesi.> >>

³⁴ Sinsaŋŋa ale nna ate Naawen a te Moosis Sinai Guuku zuk a magsi Izirali demma.