Kaabka 26 - WEN GBAŊKA

¹ <<

² <<

³ <<

⁴ m le basi ate ŋmoruk a jam diipo ale magsi ku jam la, ate tɛŋka ŋanborintaŋa a bɛ abe tiisaŋa a yɔni yɔna.

⁵ Ni le kasim a fɔbi ŋanta ka dila a ga paari, yɔna gbesika, ate yɔna gbesika a kasim boro dila a ga paari ŋanta borika. Ni le dɛ ŋandiin tii meena ate ni a yaali la abe ni bo tɛŋka po sɔŋsɔŋŋoa.

⁶ <<

⁷ Ni le vi ni dachaasa, a ko ale gebik a lɔnsi ni niŋ.

⁸ Ni nuruba banu ale vi nuruba kook, ate ni nuruba kook a vi nuruba tusa pi (10,000), ate ni dachaasaŋa a lo ni niŋ.

⁹ <<

¹⁰ Ni le diem a dɛ ka diim benni ŋandiinta alege ku magsi ni yeeri ba abe le ge suik a nyo ŋan paala du.

¹¹ M le pai m viuku a basi ni suŋsuŋ, m be kan kisi ni.

¹² M le kasim a cheŋ ni suŋsuŋ, abe m chim ni Wen, abe nama mɛ a chim m nuruba.

¹³ Mi ka Naawen ni Wenni, waai ale ta ni nyini Ejipiti a nyini ayen ni kan ŋman chim Ejipiti yɔmma. Mi wɛ da tii ale a nye ase niiga daata la kama alege basi ate ni baga a zak ni zuima ŋmai.

¹⁴ <<

¹⁵ ale zɛri m ŋmarisika ale kisi m buusaŋa an va m wieŋa meena ale a zuli m nɔiyeŋka,

¹⁶ M nin nye ni diila ale nna: M le ta yɔgsum a jam diiri ni. M le ta nyiŋtuila ale nyiŋ toliŋka ate ŋa kaasi ni nyaasim ale kaasi ni boka. Ni le bori kinla, dii nyiŋla ni dachaasaŋa ale dɛ.

¹⁷ M le pai m nina a dueni ni zuk ate ni dachaasaŋa a nak dɛ ni. Baai ale kisi ni la ale ba a nya ni zuk ate ni a chali alege waai a kan vi ni.

¹⁸ << <Ŋade meena ŋaaŋnyiŋ ni dan kan wom mu, m le namsi ni ni biemu nyiŋ ku nɔi buyopɔi.

¹⁹ M le kaasi ni tukpari kanjantaŋa abe m basi ate wenzukku a nye ase kutuk la, abe tɛŋka a nye ase kutuk mɔnuŋ la.

²⁰ Ni le pai ni pagrim a tom kinla dii nyiŋla ni tɛŋka a kan nye ŋandiinta, yaase tɛŋka tiisaŋa yɔni yɔna.

²¹ <<

²² M le basi ate gɔi duŋsa a jam ta chaab ale ni ate si vari ni bisaŋa, abe si kaasi ni niiŋa, a basi ate ni pɔsima ate ni manpalaŋa a wari doa.

²³ <<

²⁴ mi dek le namsi ni ni biemu nyiŋ ku nɔi buyopɔi.

²⁵ M le ta gebik a jam ni zuk a tuni ni le kaasi nɔiyeŋka la. Ni dan yeeri nidek a jo tɛŋsaŋa po, m le te daanika a jam ni suŋsuŋ, a pai ni nyo ni dachaasaŋa nisa po.

²⁶ Ase m dan gebi ni boroboroku a basi, nipooba pi ale baga a nye ni boroboroku dɔk yeoŋ po. Ba le chari ku a magsi ku dobrim. Ni le ŋɔbi ku alege ni kan chagi.

²⁷ <<

²⁸ m suipuurum po m le kisi ni, ate mi dek namsi ni ni biemu nyiŋ ku nɔi buyopɔi.

²⁹ Ni le ŋɔbi ni nidoabilisaŋa ale ni liema nyiŋsaŋa.

³⁰ M le kaasi ni bɔgluk kpientaŋa, abe m kaasi ni ŋan baai nyum ale masa la kuŋkuŋtaŋa abe m tigsi ni kpiema a vi bɔgluk tii ale kan ta nyuvuri la zuk, abe m kisi ni.

³¹ M le basi ate ni tɛŋsaŋa a tulim kaasi abe ni tuka jiŋŋa a doa kinla. M niŋ kan bo ni ŋan baai nyum ale masa la tiiritaŋa po.

³² M le basi ate tɛŋka a doa kinla, ate ni dachaasaŋa ale bo dula la ku kan nye ba masimmoa.

³³ M le basi ate ni waaŋ tɛŋsaŋa meena abe m yeeri m gebika a vi ni. Ni tɛŋka ale doa kinla, abe ni tɛŋsaŋa a kaasi meena a doa.

³⁴ Ate tɛŋka ale nya ka Vuusum benaŋa masim diipo meena ate ka doa kinla la, alege ate ni bo ni dachaasaŋa tɛŋka la. Tɛŋka yaa le vuusi abe ka nya masim Vuusum benaŋa po.

³⁵ Diipo meena ate tɛŋka doa kinla la, tɛŋka ale vuusi vuusum buui ate ka an vuusi Vuusum benaŋa ate ni jam bo ka po la.

³⁶ <<

³⁷ Ba le chali a nak chaab ase ba nya gebik a chali a bɛ la, alege waai a kan vi ba. Ni kan baga a zaani ni dachaasaŋa niŋŋa.

³⁸ Ni le kpi tɛŋsaŋa po, ni dachaasaŋa tɛŋsaŋa ale kaasi ni.

³⁹ Ni baai ale tali la, m le yuk ni basi ni dachaasaŋa tɛŋsaŋa po ni wabaataŋa nyiŋ. Ni koma wabaataŋa mɛ nyiŋ m le yuk ni a basi.

⁴⁰ <<

⁴¹ ate dila basi ate mi mɛ a ta chaab ale ba a basi ate ba cheŋ ba dachaasaŋa tɛŋka la ate ba yik badek a tagri ba suiniimaŋa a tuni ba wabaataŋa,

⁴² M le teeri nɔiyeŋka ale Jekob ale Aizik ale Abrayam abe m teeri tɛŋka wari.

⁴³ Diila tɛŋka ba le zɛri ka ate ka nya masim Vuusum benaŋa po, diipo ate ka doa kinla alege ate ba karo la. Ba le tuni ba wabaataŋa dii nyiŋla ba zɛri mi buusaŋa kama ale kisi mi ŋmarisika.

⁴⁴ Alege kude ba dan poom bo ba dachaasaŋa tɛŋka, m kan zɛri ba yaase m kisi ba ayen m ko ba meena chessi a kaasi m nɔiyeŋka ale ba. Mi ale Naawen ba Wenni.

⁴⁵ Alege ba nyiŋ m le teeri m nɔiyeŋka ale ba kokpieŋsaŋa baai ate m ta ba nyini Ejipiti a nyini tɛŋsa nimbie po ayen m chim ba Wen la. Mi ale Naawen.

⁴⁶ Ŋmarisika ale buusaŋa ale sinsaŋŋa ale nna ate Naawen a ta va Moosis a te Sinai Guuku zuk ate ŋa bo wadek ale Izirali demma suŋsuŋ la.