Kaabka 24 - WEN GBAŊKA

¹ Naawen yaa weeni Moosis ayen,

² <

³ Tuka viuku ponni po garuk panni ŋaaŋ Aaron basi ate zeuŋtaŋa a kasim a dɛ Naawen niŋ a nyini junɔi a ga paari saluik daa meena. Ŋmarisika de a magsi ka nama ale ni gaŋsaŋa meena kauk kuui meena ate ni a boro la.

⁴ Wa yik zeuŋtaŋa ale bo cheri ligmɔniŋka jazaanimu zuk a nye a magsi daa meena.

⁵ <

⁶ Dueni ti vuta buye bunyi, tiyuebi bunyi mɛ tiyuebi cheri ligmɔniŋka jazaanimu zuk Naawen niŋ.

⁷ Vuuku kunyi pai ŋan baai nyum ale masa la a dueni du ate ku sak ayen mi ale soa a magsi boroboroku. Ku ka tiirim ate ba ju a te Naawen.

⁸ Boroboroku de a dueni Vuusum dai meena, Izirali demma nyiŋ. Ka nɔiyeŋ kaai ale kasim boro a cheŋ.

⁹ Ka Aaron ale wa nidoabilisaŋa ale soa. Ba dɛ jigi dii ale ta tuilum, dii nyiŋla bu ŋmasi chim ka tuilum juka tiirim buui ale nyini Naawen jigi. Ku kasim ka wa charuk.>>

¹⁰ Izirali nipok ale wa chorɔ Ejipiti denɔ biik ale nyini a ga nye kpaliŋ ale Izirali denɔ.

¹¹ Izirali nipowa biika yaa biisi kaasi Naawen Yuenni ate ba yaa ta wa jam Moosis jigi. Wa mawa yuei jam le Selomit. Dibri ale nyini Dan dɔkku po la lie ale wa.

¹² Ba yaa lik biika tara ale a limisi ayen Naawen a basi ate ba seba wa le a yaali ayen ba nye diila.

¹³ Naawen yaa weeni Moosis ayen,

¹⁴ <

¹⁵ Weeni Izirali demma ayen,

¹⁶ waai ale a lɛ Naawen yuenni la ku a fɛ ate ba ko wa. Nuruma meena a yuk wa a ko. Wa ka nichaanɔ yoo tɛŋ biik yoo wa dan lɛ Yuenni, ku a fɛ ate ba yuk wa ko.

¹⁷ <<

¹⁸ Waai a dan ko waai duŋ ku a fɛ ate wa tuni ku nyɔnɔwa ale duŋ vuk.

¹⁹ Nuru waai a dan te wa vaanchoa tuem, wa le nye diila ba nye wa mɛ dila.

²⁰ Waai dan wɛ waai jigi ba wɛ wa mɛ dula, wa dan nye waai num dii ba nye wa mɛ dila, wa dan nye waai nyin wari ba nye wa mɛ dila. Wa le te nwala tuem diila ba nye wa mɛ dila.

²¹ Nuru waai a dan ko waai duŋ, wa tuni ka, alege nuru waai a dan ko nurubiik ba ko wa mɛ.

²² Sinsak yenaŋa ate fi a te nichamma ale tɛŋ bisaŋa. Mi ale Naawen ni Wenni.> >>

²³ Ate Moosis yaa biisi te Izirali demma ate ba yaa ta waai ale lɛ Naawen la a nyini nuruma boka jigini a yuk ko. Izirali demma yaa nye dii ate Naawen a weeni Moosis.