Kaabka 23 - WEN GBAŊKA

¹ Naawen a ŋman biisi ale Moosis ayen,

² <

³ <<

⁴ <<

⁵ Piilimka chiika ka daa pi ale ŋanaansiwa danni ka Naawen Gaambasika tigini dai.

⁶ Chiik kala dek ka daa pi ale ŋanu wa danni ka boroborok kuui ate ba an nyo dabinta dula tigi dai a te Naawen. Daa ŋayopɔi dai ni ŋɔbi boroborok kuui ale kan ta dabinta la.

⁷ Piilim ka danni ni nye tuilum tigsuŋ, ni kan tom tuin pagri.

⁸ Alege daa ŋayopɔi ni nye juka kaabka tiirim a te Naawen. Daa ŋayopɔiwa danni ni nye tuilum tigsuŋ, ni kan tom tuin pagri.> >>

⁹ Ate Naawen a biisi ale Moosis ayen,

¹⁰ <

¹¹ Wa yaa le zak tiirimu a sak Naawen ate wa tuesi bu. Kaabteerɔwa a nye dila ka da dii ale pa a saŋ Vuusum danni la.

¹² Dai dii danni ate ni te ŋandiin tii ale dɛ niŋka bɛ la tiirimu la, ku a magsi ka ni yik padiak kaai ale ta bein yeŋ la ale kan ta jomi la a nye juka kaabka a te Naawen.

¹³ Wa ŋandiintaŋa tiirimu mɛ wa pai zom a sueri taasa ŋanaansi a pai kpaam a dam du a nye juka tiirim a te Naawen ale nyuka tiirim ale daam.

¹⁴ Dai dila danni fi dan kan te Wen tiirimu fi kan dɛ ŋandiinta yaase fi ŋɔbi jabuui ale se bolim po la. Ku ka ŋmarisika a te ni gaŋsa meena kauk kuui ate ni boro la.

¹⁵ <<

¹⁶ Ni chiim a nyini daa pisinu a ta nyini dai dii ale pa a saŋ Vuusum da daa ŋayopɔiwa la, ni yaa ŋman pilim nye ŋandiin paala tiirim a te Naawen.

¹⁷ Ni yaa ta borobotta tiye tii ate ba pai kpaam kolini geli a nye la a nyini ni yeeŋa a jam zak sak Naawen. Ni pai boroborok kuui ate ba pai zom naliŋ ale dabinta ase yɔna ŋaai ale dɛ niŋ a bɛ la te Naawen.

¹⁸ Fi dan ta boroboroku cheena maa ta padaasa siyopɔi sii ale ta bein yeŋ ale kan ta jomi la ale lalik ale piisa ŋaye. Ni ju ba a te Naawen ale ŋandiinta tiirimu ale nyuka tiirimu ni ju ba meena ate nyummu a masa a te Naawen.

¹⁹ Ku a magsi ka buuk sari a nye biem tiirim kaabka abe wa pai padaasa siye sii ale ta bein yeŋ la mɛ a nye suiyɔgni tiiritaŋa kaabka.

²⁰ Kaabteerɔwa a yaa le zak boroboroku ate ba nye a ta nyini ŋandiin tii ate ba dɛ niŋ nya la po ale padaasa siye a sak Naawen ase tiirim la ŋantaŋa ate kaabteerɔwa a te Naawen a magsi ka ba ta tuilum.

²¹ Da dila danni dek ni mooli nalimnyiini ayen danni de ka tuilum tigsuŋ dai. Ni kan tom tuin pagri. Ŋmarisika de a magsi ka nama ale ni gaŋsaŋa meena kauk kuui meena ate ni a boro la.

²² << >>

²³ Naawen a ŋman biisi ale Moosis ayen,

²⁴ <

²⁵ Ni kan tom tuin pagri alege ni nye juka tiirim a te Naawen.> >>

²⁶ Naawen a biisi ale Moosis ayen,

²⁷ <

²⁸ Ni kan tom tuini danni de po ale di ka biem duisi basika dai ayen ni nye biem duisi basika nidek nyiŋ a te Naawen ni Wenni.

²⁹ Nuru waai a dan kan ta wadek a siŋ tɛŋa danni de po, ni yeeri wa a ta nyini wa nuruma po a nyini.

³⁰ Alege waai ale a zɛri ale tomu tuini danni de po la, nuru wala m le ko wa kama.

³¹ Ni kan bola a tom tuini danni de po. Ŋmarisika de a magsi ka nama ale ni gaŋsaŋa meena kauk kuui meena ate ni a boro la.

³² Di magsi di chim ka kisuk ale Vuusum dai a te ni. Ni zɛri nidek chiika ka da neokku danni wenbalinni geŋsa. A zaani wenbalinni a ŋman ta ga paari wenbalinni ni kasim a teeri kisukku danni.>>

³³ Naawen a ŋman biisi ale Moosis ayen,

³⁴ <

³⁵ Dai dii ale piilim la ka tuilum tigsuŋ dai. Ni kan tom tuin pagri.

³⁶ Daa ŋayopɔi ni nye juka tiirim a te Naawen. Daa naanika danni ni nye tuilum tigsuŋ a yaa nye juka tiirim a te Naawen, ku ka tigsuŋ. Ni kan tom tuin pagri.

³⁷ <<

³⁸ Tiiritaŋa de a gum chaab ale ka Naawen Vuusum Daaŋa kaabka tiirimu ale nidek yaalika tiirimu ale ni le pɛ ayen ni te tiirim buui la ale ni cheesika tiirimu ate ni te Naawen la.

³⁹ <<

⁴⁰ Da dii ale dɛ niŋka la yaali yɔna ŋaai ate fi a yaali yegayega la ale kpinkpatta vaata ale saŋsa a ta ga yuk ate ku sak ayen fi sui a peenti kama ni le boa dɛ tigini la.

⁴¹ Ni de ku ase tigi la a te Naawen daa ŋayopɔi bein meena po. Ŋmarisika de a magsi ka nama ale ni gaŋsaŋa meena kauk kuui meena ate ni a boro la. Ni dɛ di chiisa siyopɔiwa po.

⁴² Ni bo ni viitaŋa po ate ku paari daa ŋayopɔi. Baai meena ale ka Izirali dem la a bo ba viitaŋa po,

⁴³ ate ni buuni po meena a seba ayen m basi ate Izirali demma meena a bo ka viita po m ta ba nyini Ejipiti po a jam basi ka viita po. Mi ale Naawen ni Wenni.> >>

⁴⁴ Moosis a jam weeni Izirali demma da ŋaai ate Naawen a te ba la kama.