Kaabka 17 - WEN GBAŊKA

¹ Ate Naawen a yaa weeni Moosis ayen,

² <

³ Izirali demma waai a dan nye kaabka ale naab yaase posuk yaase buuk kauk kuui ate ba bo la yaase peelim,

⁴ alege an ta jam Tuka Viuku nansuiŋku nɔi ayen ba nye kaabka a te Naawen viuku niŋ. Nuru wala ba a nya wa a se ka nuru koorik la. Wa ko ka nuru ate ku magsi ba yeeri wa a ta nyini nuruma po a nyini.

⁵ Dila ale ku a sak Izirali demma ayen ba ta kaab sii ate ba a nye peelim la, ba magsi ba ta jam te ka kaabteerɔwa, ku a sak kama ayen ka Naawen ale soa. Ba ta va tuka viuku nansuiŋku nɔi nye ŋa kaabka a te ba ase suiyɔgni tiirita la.

⁶ Kaabteerɔwa yaa le misi ziimu a basi Naawen kaabka kuŋkuŋku tuka viuku nansuiŋku nɔi abe wa yaa ju kpapalaŋa ase nyum buui ale masa la, a te Naawen.

⁷ Ba kan ŋman nye kaabka ate bɔgta buuk kuui ate ba pai badek a te ku wieŋa la. Ŋmarisika de ale chim ka wa dii ate ni kasim va a cheŋ.>

⁸ <

⁹ alege an ta jam tuka jigini viuku nansuiŋku nɔi a nye kaabka a te Naawen ba yeeri wa a ta nyini wa nuruma po nyini.

¹⁰ <<

¹¹ Dii nyiŋla nyuvuri ale bo ziimu po ate mi a pai te ni ayen ni nye biem duisi basika a te nidek juka kuŋkuŋku zuk. Ka ziimu ale nye biem duisi basika a te nuru.

¹² Dila nyiŋ mi weeni Izirali demma ale nichamma ale bo po la kama ayen ba waai kan dɛ ziimoa.

¹³ <<

¹⁴ Dii nyiŋla javuk meena nyuvuri a bo ka ziimu po. Dila nyiŋ ate mi weeni Izirali demma ayen, fi an magsi ayen fi dɛ jaab ziimoa. Dii nyiŋla javuk meena nyuvuri ale wa ziimu. Waai ale a dɛ ziimu la ba yeeri wa a ta nyini nuruma po a nyini.

¹⁵ <<

¹⁶ Alege wa dan kan sugri wa gattaŋa ale m so ya. Wa le diem ta wa kaasuŋku kama.> >>