Kaabka 14 - WEN GBAŊKA

¹ Naawen yaa weeni Moosis ayen,

² <

³ Kaabteerɔwa a nyini nuruma boka jigini a cheŋ peelim a kpesi nya wa. Nuruwa a dan nya nyiŋyɔgsa,

⁴ kaabteerɔwa weeni ate wa ta nuim naliŋsa siye ale nyunyoŋ diok ale garuk miik mɔnuŋ ale kpaliok a jam ayen ba nye ate wa nala.

⁵ Kaabteerɔwa yaa weeni ate ba ko nuim vutaŋa bunyi nya naliŋ zuk yak samɔniŋ po.

⁶ Wa yaa pai nuim vuk kuui ale tali la, ale nyunyoŋ diok ale garuk miik mɔnuŋ ale kpaliok a lusi nuim buui ate ba ko nya naliŋka zuk la ziimu po.

⁷ <

⁸ Waai ale a yaali wa nala la a sugri wa gattaŋa, a chiiri wa zuisaŋa meena a so wa nyiŋka ate wa nala. Kude ŋaaŋnyiŋ wa jam nuruma boka jigini abe wa kan jo wadek viuku daa ŋayopɔi.

⁹ Daa ŋayopɔiwa danni wa chiiri wa zuisaŋa meena. Ku a fɛ ate wa chiiri wa zukku ale wa teeŋka ale nin kunkoŋŋa kɔbtaŋa ale zui sinsila meena. Ku a fɛ mɛ ate wa sugri wa gattaŋa abe wa so wa nyiŋka ate dila ale basi ate wa nala.

¹⁰ <

¹¹ Kaabteerɔ waai ale mooli a weeni ayen wa nala la ale a pai nuruwa ale wa ŋantaŋa a te Naawen Tuka Viuku nansuiŋku nɔi.

¹² <

¹³ Wa tɔgri padabili dila Wen yenni po kauk kuui ate ba a nye biem tiirim ale juka tiiritaŋa la. Ase biem tiirimu la, nyemagsika tiirim ka kaabteerɔwa ale soa. Bu ŋmasi ta tuilum kama.

¹⁴ Kaabteerɔwa a pai nyemagsika tiirimu duŋka ziimu a nyo nuruwa juga tuini baasuŋku jigini ale wa juga nisa nandub duoku ale wa juga naŋka nandub duoku nyiŋ.

¹⁵ Kaabteerɔwa a pai kolin genni kpaamu geli a boori nyo wadek gala nitanni po,

¹⁶ a yaa pai wa juga nandub buui ale saari sinaansiwa la a tiak kpaamu a misi buyopɔi Naawen niŋ.

¹⁷ Kaabteerɔwa a pai kpa buui ale tali bo wa nitanni po la a nyo nuruwa juga tuini nyiŋ, ale wa juga nandub duoku nyiŋ ale wa juga naŋka nandub duoku nyiŋ ale nyemagsika tiirimu duŋka ziimu zuk.

¹⁸ Ziim buui ale tali bo wa nisaŋa po la kaabteerɔwa a pai nyo waai ale a yaali nalimu la zukku po a nye biem duisi basika a te wa Naawen niŋ.

¹⁹ <

²⁰ Kaabteerɔwa pai dueni juka kuŋkuŋku ale ŋandiinta tiirimu meena a nye biem duisi basika a te wa ate wa nala.

²¹ <

²² Wa yaali nangbaŋsa siye sii ale kan gaam wa nyaka. Kanyi magsi biem tiirim kanyi mɛ a magsi meena juka tiirim.

²³ <

²⁴ Kaabteerɔwa a pai pabiika ale kpaamu kolin genni a magsi nyemagsika tiirim a zak sak Naawen ase zak sakka tiirim la.

²⁵ Wa tɔgri padabinni a magsi nyemagsika tiirimu pai ziimu gela a nyo nuruwa juga tunni baasuŋku jigini nyiŋ ale wa juga nisaŋa nandub duoku ale wa juga naŋka nandub duoku.

²⁶ Kaabteerɔwa a kpiiri kpaamu a nyo wadek gala nitanni po,

²⁷ a pai wa juga nandub buui ale saari sinaansiwa la a tiak kpaamu a misi buyopɔi Naawen niŋ.

²⁸ Kpaammu gela ale tali bo wa nitanni po la, wa pai nyo juijui ate wa pai nyemagsika tiirimu ziimu a nyo du la. Wa nyo waai ale a yaa wa nala la juga tuini baasuŋku jigini ale wa juga nisaŋa nandub duoku nyiŋ ale wa juga naŋka nandub duoku nyiŋ.

²⁹ Kpa buui ale tali la kaabteerɔwa a pai nyo waai ale a yaali nalim la zukku po, a nye biem duisi basika a te wa Naawen niŋ.

³⁰ Kaabteerɔwa yaa pai nangbaŋsa siyewa ate nuruwa a baga a te la,

³¹ kanyi a magsi biem tiirim, kanyi mɛ a magsi meena juka tiirim ale ŋandiinta tiirimu meena. Suiku de po kaabteerɔwa ale nye biem duisi basika Naawen niŋ a te waai ale a yaali nalim la.>>

³² Sinsaŋŋa ale nna a te waai ale ta nyiŋ gbaŋ tue buui ale a chɔgsi alege an baga a nya ŋan baai ale ba nye ate wa nala la.

³³ Naawen a yaa weeni Moosis ale Aaron ayen,

³⁴ <

³⁵ waai ale soa yenni la ku a magsi kama ayen wa jam a weeni kaabteerɔwa ayen,

³⁶ Ate kaabteerɔwa ale weeni ayen jaab meena ale bo yenni po la nyini peelim alege jigi ate wa ga nya yenni, ate ba kan weeni jaab yenni po ayen wa daŋ kama. Kula ŋaaŋnyiŋ, kaabteerɔwa yaa le ga nya yenni.

³⁷ Wa yaa le ga nya jabuui ale bo siaka nyiŋ ase gunungoona la yaase mɔnuŋ la feri a jo siaka meena,

³⁸ kaabteerɔwa ale nyini yenni po a nyini nansuiŋku nɔi a yik tuoku a lik ate ku ga paari buyopɔi.

³⁹ Kaabteerɔwa ale ŋman pilim cheŋ yenni daa ŋayopɔiwa danni a yaa kpesi nya ase siaka ale lati la gunungoonaŋa a dan taari lik yenni siaka,

⁴⁰ kaabteerɔwa le weeni ate ba yeeri tintain ŋaai ate tuemu a bo ŋa nyiŋla a yuk basi kauk kuui ale daŋ la ale ka tɛŋka po mɛ la.

⁴¹ Wa le basi ate ba kpaari yenni ponni po a yuk basi kauk kuui ale daŋ la alege ka tɛŋka po mɛ la.

⁴² Abe ba yaa ŋman yaali tain yonta a tagri nŋala, abe ba yaa yak paalik a taari yenni.

⁴³ <

⁴⁴ Kaabteerɔwa ale cheŋ a ga kpesi nya gunungoona a dan taari yenni, ku ka gunungoona ŋaai ale a kaasi, ŋa ka ŋaai ale daŋ la.

⁴⁵ Wa le nak yenni a lɔnsi kama; di tanaŋa ale tapaŋŋa ale jaab buuri meena ate ba pai se yenni la wa le ta ba a nyini tɛŋka po a ga yuk basi kauk kuui ale daŋ la.

⁴⁶ <

⁴⁷ Ku be ka dila dekdega waai ale duak yenni po, ku a magsi ka wa sugri wa kɔlimaŋa, waai mɛ a dan dɛ di po, wa mɛ a sugri wa kɔlimaŋa.

⁴⁸ <

⁴⁹ Ba le ba nye dii ate yenni a nala la ale nna, wa yikka nuinsa siye ale nyunyoŋ diok ale garuk miik mɔnuŋ ale kpaliok

⁵⁰ ate wa yaa togri nuimmu bunyi nya naliŋ zuk yak liik po.

⁵¹ Wa yaa le pai nyunyoŋku diokku ale kpalioku ale garuk miik mɔnuŋka ale nuim vukku a lusi ba nuim kpiuku ziimu ale nyiam naliŋka po a misi yenni nyiŋ buyopɔi.

⁵² Wa yaa nye ate yenni a nala ale nuimmu ziimu ale nyiam nalim ale nuim vukku ale nyunyoŋku diokku ale kpaliok ale garuk miik mɔnuŋka.

⁵³ Abe wa yaa basi ate nuim vukku a yiri cheŋ. Suiku de po wa le nye biem duisi basika ate yenni, ate di nala.>>

⁵⁴ Sinsaŋŋa a ni la ate waai ale ta nyiŋ gbaŋ tuem la,

⁵⁵ gunungoona a dan bo gatta po yaase yeri nyiŋ,

⁵⁶ bi dan ka nyiŋ jika yaase sankpana yaase laŋ.

⁵⁷ Sinsaŋŋa ale weeni fu jabuui ale daŋ la ale jabuui ale nala la. Sinsaŋŋa a ni la a magsi chaab ale waai ale ta nyiŋ gbaŋ tuem.