Kaabka 1 - WEN GBAŊKA

¹ Naawen yaa bo Tuka Viuku po a wi Moosis a biisi ale wa. Wa yaa weeni wa ayen,

² <

³ <

⁴ Wa pai nisa a vi juka tiirim duŋ kaai ate ba le ju meena la zukku ate Naawen a siak a nye biem duisi basika a te wa.

⁵ Wa yaa tɔgri lalik koluku Naawen niŋ ate Aaron nidoabilisaŋa, kaabteerɔma a tuk ziimu a boori basi kutuk kuŋkuŋku zuk kabtaŋa meena Tuka Viuku nansuiŋku.

⁶ Wa yaa puli juka tiirim duŋka a boani ka.

⁷ Kaabteerɔwa Aaron nidoabilisaŋa ale pai bolim a vi juka kutukku kuŋkuŋku zuk a yaa pai daata a vi du.

⁸ Aaron nidoabilisaŋa kaabteerɔma ale pai lantaŋa ale zukku ale kpapalaŋa a vi daataŋa zuk.

⁹ Wa yaa sugri duŋka ponni po ŋantaŋa meena ale naŋsaŋa. Kaabteerɔwa a yaa ju ba meena kuŋkuŋku zuk. Ka meena juka tiirim buui ale a ju ale bolim la. Nyummu abe masa kama a te Naawen.

¹⁰ <

¹¹ Wa tɔgri duŋka juka kutukku kuŋkuŋku wiiluk geŋka Naawen niŋ, ate Aaron nidoabilisaŋa kaabteerɔma a pai ziimu boori basi juka kuŋkuŋku kabtaŋa meena.

¹² Wa boani duŋka a gebi zukku ale kpapalaŋa tɔgatɔga ate kaabteerɔwa a gomsi bu vi daataŋa zuk tii ale a dɛ kuŋkuŋku zuk la.

¹³ Wa sugri duŋka ponni po ŋantaŋa ale naŋsaŋa ale nyiam. Ate kaabteerɔma yaa pai ba meena a ju juka kuŋkuŋku zuk. Bu ka meena juka tiirim, ba te ale ka bolim, buui nyum ale masa a te Naawen la.

¹⁴ <

¹⁵ Kaabteerɔwa yaa ta nangbaŋka yaase kawuruku jam juka kuŋkuŋku zuk, a ŋmeeni zukku a gebi a ju juka kuŋkuŋku zuk. Wa basi ate ka ziimu a nyini a nyo juka kuŋkuŋku zuk.

¹⁶ Abe wa yaa yeeri fɔnni meena a pai yuk basi juka kuŋkuŋku kori geŋka, ate tintuemu doa la.

¹⁷ Wa yaa mobi ka a lagri kiŋkaŋŋa. Wa kan lagri meena. Kaabteerɔwa le juka kuŋkuŋku zuk. Bu ka meena juka tiirim, ba te ale ka bolim, buui nyum ale masa a te Naawen.