Josua 7 - WEN GBAŊKA

¹ Alege Izirali bisaŋa a ta va ŋan baai ale kan magsi ayen ba pai ba la. Achan ate wa kowa a jam chim Karmi la ate Zabdi a chim wa ko kpieŋ ate ba nyini Zera. Juda dɔkku ale la. Ate Naawen sui yaa jam puuri ale ba.

² Josua yaa jam tom nuruba ate ba nyini Jeriko a cheŋ Ai tɛŋka kaai ale moata Bet Aven ate ka bo Betel kori geŋsa la a yaa weeni ba ayen. <> Ate nuruma yaa cheŋ ga kpesi nya Ai tɛŋka.

³ Ase ba ale ŋman cheŋ Josua jigi la ba yaa weeni wa ayen, <>

⁴ Nuruba tusa ŋata (3,000) ale jam cheŋ alege ate Ai demma a jam basi ate ba pilim ŋmani.

⁵ Ba jam ko ka Izirali bisaŋa po ka nuruba pisita ale bayuebi. Ba jam vi Izirali bisaŋa ka dila ate nyini ba tɛŋka nansuiŋku a ta ga va kauk kuui ate ba num tintanaŋa la a churinti a siŋ a ga ko ba dula jigini ate Izirali demma kpaziim yaa jam a nak.

⁶ Josua yaa cheeri wa kɔlimaŋa ale lo tɛŋ Naawen nɔiyeŋka dakanni niŋ a doa dula a ta ga paari wenbalinni. Izirali nisɔmma mɛ a jam nye ka di la dekdega ale nye paasuk a basi ba zuimaŋa po.

⁷ Ate Josua yaa weeni ayen, <

⁸ Nyɔnɔ, mi a yaa ayen m weeni ayen ka boa, yɔgyɔgla de dachaasaŋa ale vi Izirali ate ba chali la?

⁹ Keenan ale nuru mbala tɛŋka po ale wom di la ate ba ale jam gilim ti a basi suŋsuŋ a ko ti ate tama yuei a kan ŋman bo tɛŋka po fi ale nye fi yuei kpienni ka sɛ?>>

¹⁰ Naawen a yaa weeni Josua ayen, <

¹¹ Izirali demma nye ka biem ba zɛri m nɔiyeŋka ate nye ale ba la kama, dii ate mi a weeni ba ayen ba tara la. Ba pai ŋan baai ale kan magsi ayen ba pai la kama, ba zu kama ale ŋman velim mɛ ba pai ba a gum ka badek ŋantaŋa po.

¹² Dila ale soa ate Izirali demma a kan baga a zaani ale ba dachaasaŋa la. Ba viriŋ ba ŋaaŋ a chali dii nyiŋla ba seba ayen ba ale ko ba kama. Mi a kan ŋman bo ale ni ka nama a nin kaasi ŋan baai ale magsi ni kaasi ba la.

¹³ Cheŋ ga gaari nuruma a magsi, weeni ba ayen ba gaari badek a magsi chum ale Naawen, Izirali Wenni ale weeni diila ale nna, <<Ŋan baai ale kan magsi ayen ni ta la a bo ni po kama, Izirali demma, ni kan baga a zaani ale ni dachaasaŋa ka nama a nin yeeri ba ni po.

¹⁴ <

¹⁵ Waai ate ti le yik ale ŋanta baai ale kan daa wa ŋanta la ti ale ju wa ale bolim ale ŋan baai meena ate wa soa la. Wa zɛri Naawen nɔiyeŋka kama alege ta chivie a jam Izirali po.>>

¹⁶ Dai dii ale pai a saŋ la saluik yokyokwa Josua a basi ate Izirali dɔkku a jam niŋ ate ba lueri Juda dɔkku.

¹⁷ Juda ŋaaŋbisaŋa meena a jam niŋ, ate wa yeeri Zera dɔkku. Zera dɔkku ale jam la ba ŋman yeeri ka Zimri.

¹⁸ Josua a yaa basi ate wa dɔkku po yeri meena nidoa a jam niŋ. Ate Achan, ale ka Karmi biika. Karmi Zimri biika. Zimri Zera biika, Zera biika ate wa nyini Juda dɔkku po la a jam.

¹⁹ Josua a yaa weeni wa ayen m biiga pai pimpauk a te Naawen, Izirali Wenni. Weeni mu fi ale nye diila. Kan suk di m jigi ya.

²⁰ Achan yaa tulisa ayen, <

²¹ Ase mi ale nya ŋantaŋa po la m nyaka Sinar tɛŋka garuk ate ku nala ale kpana ale paari kobsiye ale ligmɔniŋ ate ka dobrimu a dan magsi bu paari pisinu. Ate mi a yaa pai ba. Mi a tu ŋa a gu ka m viuku tɛŋ.>>

²² Ate Josua a yaa tom nuruba ate ba chali a jo wa viuku po a nya ale ŋa bo dula wa jam pai ŋa a suk kama wa viuku tɛŋ.

²³ Ba yaa yeeri ŋantaŋa a ta nyini viuku po a nyini a yaa ta ba a jam Josua ale Izirali demma meena niŋ a pai ba a dueni Naawen niŋ.

²⁴ Ate Josua ale Izirali demma meena a gum chaab a yik Achan Zera biika ale kpanaŋa ale garukku ale ligmɔniŋka ale wa bisaŋa ale wa liema ale wa niiŋa ale wa bonsaŋa ale wa piisaŋa ale ŋan baai meena ate wa ta la a ta ba cheŋ Akor Viaka po.

²⁵ Ate Josua a yaa bek wa ayen, <> A ta Izirali demma meena a yaa yuk wa ale tana a ko, ase ba le yuk naŋta mbala a ko la ŋaaŋnyiŋ ba yaa ju ba ale bolim.

²⁶ Achan zuk ba jam tigsi ka pina a ji wa ate ŋa diem boro a ta pai jinla de. Ate Naawen suinni a yaa yɔk. Dila nyiŋ ba a wi dula ayen ka Akor Viak.