Josua 6 - WEN GBAŊKA

¹ Jeriko demma a jam lik ba tɛŋka nansuiŋtaŋa ka nna kpapi dii nyiŋla ba jam a chali ka Izirali demma yɔgsum. Ba jam kan siak ate nuru a jo tɛŋka po yaase nuru nyini ka po nyini.

² Alege Naawen a yaa weeni Josua ayen, <

³ Fi ale fi tugurik tɔŋdɔma meena a cheŋ gilim tɛŋka bunyi dai yeŋ po. Ni nye dila ate ku paari daa ŋayuebi.

⁴ Basi ate kaabteerɔba bayopɔi wanyi wanyi a pai damuniŋ a dɛ dakanni niŋ. Da dii danni ale a saari ŋayopɔiwa la ni cheŋ gilim tɛŋka ku nɔi buyopɔi abe kaabteerɔma a peeri damunsaŋa.

⁵ Ni dan ga wom ale kaabteerɔma a peeri ba damunsaŋa yegayega basi ate nuruma meena a yaa kaari nna bɔgbɔg, tɛŋka parika a yaa le lo ate fi nuruma a yaa chali jo ka po a nak nuruma ale bo ka po la.>>

⁶ Ate Nun nidoabinni Josua a yaa wi kaabteerɔma ate ba jam jigi yeŋ ale wa weeni ba ayen, <>

⁷ Ate wa yaa weeni nuruma ayen, <>

⁸ Josua ale biisi ale nuruma a ga nueri la kaabteerɔma bayopɔiwa yaa pai damunsa a dɛ Naawen dakanni niŋ a cheŋ a gilim tɛŋka ale a peeri ba damunsaŋa. Ate kaabteerɔ baai ale ji Naawen dakanni la a vi ba ŋaaŋ.

⁹ Tugurik tɔŋdɔba ale jam dɛ kaabteerɔma baai ale jam ji dakanni la niŋ ate mba mɛ a bo di ŋaaŋ a vi alege te kaabteerɔma a kasim a peeri ba damunsaŋa.

¹⁰ Josua yaa weeni ba ayen, <>

¹¹ Ba yaa pai Naawen dakanni a ji cheŋ gilim tɛŋka bunyi dekki ate waai meena a ŋman pilim cheŋ ba le diem bo juijui a goa la ayen ba goa.

¹² Josua a yaa yiti saluik yokyokwa da dindila danni a basi ate kaabteerɔma a ŋman ji Naawen dakanni.

¹³ Kaabteerɔba bayopɔiwa baai ale ta damunsaŋa la a yaa dɛ Naawen dakanni niŋ a cheŋ ale a peeri ba damunsaŋa. Tugurik tɔŋdɔba ale jam dɛ kaabteerɔma baai ale ta damunsaŋa la niŋ a cheŋ alege ate mba me a bo ŋaaŋ a vi di. Dila powa meena kaabteerɔma a kasim a jam a peeri ba damunsaŋa kama.

¹⁴ Dai dila danni dek ba cheŋ gilim tɛŋka ka bunyi ale ŋman pilim cheŋ ba goomu jigini. Ba jam a nye ka dila a ga paari daa ŋayuebi.

¹⁵ Daa ŋayopɔiwa danni Izirali demma a yaa yiti saluik yokyokwa a cheŋ gilim tɛŋka ase ba ale jam a nye diila. Alege da dila danni ba yaa cheŋ gilim ka ku nɔi buyopɔi.

¹⁶ Ba ale cheŋ gilim dii a saari buyopɔiwa la, kaabteerɔma a yaa peeri ba damunsaŋa yegayega ate Josua a yaa weeni nuruma ayen, <

¹⁷ Ni kaasi tɛŋka ale ka jaab meena ale ka Naawen ale soa ba meena. Alege ni basi Arayab waai ale ka taabuk la ale wa yenni demma meena dii nyiŋla wa jam pai nuru baai ale jam ba kpesi nya tɛŋka la a suk kama ate ba an ko bo.

¹⁸ Ni kan pai ŋan baai ate ni ale kaasi la a tara, dii nyiŋla ba ka Naawen ŋanta. Waai a dan zɛri alege pai jaab wa ta ka kaasuŋ a cheŋ wadek zuk ale Izirali bisaŋa meena zuk.

¹⁹ Jaabuui meena ate ba pai kpana ale ligmɔniŋ ale kutuk mɔnta ale kutuk a nye la ka tuilum ŋanta a te Naawen. Waai a dan pai bala wa ta jam ate ti pai a dueni jigi maŋ a te Naawen.>>

²⁰ Nuruma ale ga wom damunsaŋa peeri ka la, ba yaa kaari nna zigzig, ate Jeriko tɛŋka parika ale se gilim ka la a yaa deri lo meena a paari tɛŋ. Izirali bisaŋa a yaa deri chali jo tɛŋka po a nak nuruma a vari ka.

²¹ Ba jam kaasi jaab meena kama ka po nidoaba ale nipooba ale paalisa ale nisɔm ale niiga ale piisa ale bonsa jaab meena ba jam kaasi kama.

²² Josua yaa weeni barinyarɔma bayema ate wa jam tom la ayen, <>

²³ Nidoa paalukku bayema a yaa cheŋ a ga ta Arayab ale wa kowa ale wa mawa ale wa toama ale wa yenni demma meena ale bo le wa la a jam. Ba yaa ta ba a cheŋ jigi yeŋ ate ku moata Izirali bisaŋa dek ale diem jaa goa juijui la ate nuruba a kan daani ba.

²⁴ Izirali bisaŋa a yaa ju tɛŋka ale ka jaab meena ka ŋan baai nyini ate ba jam pai kpana ale ligmɔniŋ ale kutuk kuui ale a nyaliŋ la ale kuta ŋantaŋa ale ba jam pai a ta ga dueni Naawen yenni po. Juijui ate jaab a kan baga a daani ba la.

²⁵ Josua yaa jam pai Arayab ale wa koyeni demma meena a basi. Wa an jam ko ba dii nyiŋla wa le jam tom ate ba cheŋ Jeriko a suk la nyiŋ. Wa ale wa dɔkku a jam bo ale ka Izirali bisaŋa a jam paari jinla.

²⁶ Va ŋala po Josua a jam pɛ a basi Jeriko tɛŋka nyiŋ ayen, <>

²⁷ Naawen a yaa jam bo ale Josua ate wa yuei a yiti tɛŋ kala meena po.