Josua 5 - WEN GBAŊKA

¹ Ase Amori demma nalimaŋa meena baai ale jam bo Jodan benni yeniŋ geŋ la ale Keenan demma nalimaŋa meena baai ale jam kala moata nyakpiemu nɔi la, ale wom ayen Naawen a basi ate Jodan benni nyiamu a kpeeri alege ate tama Izirali demma a lo di jueli la ba kpaziita a yaa jam a nak ate ba nyiŋsaŋa mɛ a kpi nna mina mina.

² Va ŋala po Naawen a yaa weeni Josua ayen, <>

³ Josua yaa nye tintana gebisa a yaa pai gebi Izirali nidoama meena yoaŋa tɛŋ kaai ate ba wi ayen Gibeat Yaaralot la po.

⁴ Josua ale nye dila dii nyiŋla ale nna, baai meena ale jam nyini Ejipiti po a nyini la, kpaliŋ nyeerisaŋa meena a kpi ka gɔnni po ba le basi Ejipiti la ŋaaŋnyiŋ.

⁵ Nidoama meena ale jam a nyini Ejipiti po a nyini la a gebi ba yoaŋa kama. Alege baai ate ba biak ŋaaŋnyiŋ la, diipo ate ba jam bo gɔi kosikka po a nyiem a cheŋ la an jam gebi ba yoaŋa.

⁶ Izirali demma a jam bo gɔnni po cheŋ gilim a paari ka bena pisinaansi, ate ba nidoa baai meena ale jam chim tugurik tɔŋdɔba la a va nyini Ejipiti po a nyini la a kpi. Dii nyiŋla ba jam zɛri Naawen nɔi kama, ate Naawen a yaa pɛ ayen wa kan basi ate ba jo tɛŋ kaai ate wa puulim ale ba koma ayen wa pai a te ti la ka ka tɛŋ kaai ate biisim ale siita a bo ka po.

⁷ Dila nyin la Josua a yaali gebi ba bisaŋa yoa gbantaŋa baai ate ba an diem jam gebi ba yoaŋa la ase ba ale jam bo suiku po a cheŋ tɛŋ kaai ate Naawen a puulim ayen wa ale pai a te ba la. Baai meena ale jam pak la wa jam gebi ba yoaŋa kama ate ba yaa zaani ba koma nankula po.

⁸ Ase wa ale jam a gebi nidoama bunni meena yoaŋa la, Ba jam boka ba boka jigini ate ku paari diipo ate ba niraŋa a nueri la.

⁹ Naawen a yaa weeni Josua ayen, <> Ba yaa te jigi dila yuei ayen Gilgal, ba a wi ka ka dila a jam paari jinla.

¹⁰ Ase Izirali demma ale jam tigsi chaab Gilgal tɛŋka ate ka bo Jeriko tɛŋka peelimmu po la, ba yaa dɛ ba Gaambasika Tigini chiik kaai ale piilim la ka da pi ale ŋanaansiwa danni junɔi.

¹¹ Gaambasika Tigini ŋaaŋnyiŋ, dai dila danni dek, ba jam dɛ ka tɛŋka ŋandiintaŋa gela, boroborok kuui ate ba an nyo dabinta du la, ale za seema.

¹² A zaani da dila danni a ta cheŋ wenŋmazuk ŋandiinta an ŋman lo ya. Izirali demma a yaa dɛ ka kpari ŋandiinta.

¹³ Ase Josua ale moata Jeriko tɛŋka la, wa yaa zak zuk a nya ale nidoa a za wa niŋ ale gebik woŋ wa nisima po. Josua a yaa cheŋ wa jigi a yaa bek wa ayen, <>

¹⁴ Nidoawa a yaa tulisi ayen, <> Josua yaa domsi kali tɛŋ a zuli wa a weeni ayen, <>

¹⁵ Naawen Tugurik Tommu kpagni a yaa tulisi wa ayen, << Yeeri fi nuensaŋa ate fi su la, ale fi ale za tɛŋ kaai zuk la ka tuilum tɛŋ.>> Ate Josua a nye di la.