Josua 4 - WEN GBAŊKA

¹ Ase tɛŋka meena demma ale ga lo Jodan benni a jueli nueri la, Naawen a yaa weeni Josua ayen,

² <

³ abe fi weeni ba ate ba pisi tintana kpiema pi ale ŋaye Jodan benni suŋsuŋ kauk kuui ate kaabteerɔma a za la a ta ŋa a cheŋ kauk kuui ate ni a ni boro yokku de la.>>

⁴ Ate Josua yaa wi nidoaba pi ale bayewa ate wa lueri a ta nyini Izirali demma po, nuru yeŋ a nyini dɔk meena po,

⁵ a yaa weeni ba ayen, << Ni ŋman cheŋ Naawen ni Wenni nɔiyeŋka dakanni niŋ Jodan benni suŋsuŋ. Nuru yeŋ meena a pai tintain a vi wa ŋmankpaluk zuk a ta va chaab ale Izirali buuni ale soa diila.

⁶ Ate dila ale teeri nuruma chum po dii ate Wen a jam nye la. Ase ni bisaŋa a dan bek ni ayen tintain kpiemaŋa de kiri ale boa,

⁷ ate nama ale weeni ba ayen Jodan benni nyiamu ale jam chali a taam la a jam gebiri kama, diipo ate ba jam ji Naawen nɔiyeŋka dakanni a siŋ di po la. Jodan benni nyiamu a jam gebiri kama. Tintanaŋa de a yaa ŋa a teeri Izirali demma ka dila wie taam wuu.>>

⁸ Izirali demma a yaa nye dii ate Josua a weeni ba la. Ba jam pai ka tintain kpiema pi ale ŋaye Jodan benni suŋsuŋ a magsi chaab ale Izirali buuni ale ka diila, ase Naawen ale weeni Josua diila. Ba jam ji ŋa kama ta cheŋ ba boka jigini a ga dueni.

⁹ Josua mɛ a jam pai ka tintain kpiema pi ale ŋaye Jodan benni po kauk kuui ate kaabteerɔma nɔiyeŋka dakanni a za la. Tintain kpiemaŋa de a dem boro kama a paari jinla.

¹⁰ Kaabteerɔma baai ale jam ji dakanni la a jam za ka Jodan benni suŋsuŋ, ate nuruma a nye dii meena ate Naawen a weeni Josua, ase Moosis ale sak Josua ayen wa nye diila. Nuruma a jam nye ka nwuli a lo jueli.

¹¹ Ase ba meena ale ga lo jueli a ga nueri la, Naawen nɔiyeŋka dakanni ale kaabteerɔma a yaa cheŋ kauk kunkula, alege ate nuruma a nya di.

¹² Aruben ale Gad ale Manasa dɔkku geli nidoama a jam lo jueli, a gomsi badek a magsi a dɛ Izirali demma niŋ ase Moosis ale sak ba diila.

¹³ Nuruba ale jam paari tusa pisinaansi (40,000) a gomsi badek a magsi kpaliŋ Naawen niŋ a lo jueli Jeriko tɛŋka po.

¹⁴ Da dila danni Naawen a jam pak Josua kama Izirali demma nimbie po, ate ba yaa jam a zuli wa ase ba le jam a zuli Moosis diila.

¹⁵ Ate Naawen a yaa weeni Josua ayen,

¹⁶ <>

¹⁷ Ate Josua a yaa weeni kaabteerɔma ayen, <>

¹⁸ Kaabteerɔma a yaa ji Naawen nɔiyeŋka dakanni a nyini beni po a jueli. Ba le ga nyini nyiamu po a ga jueli la Jodan benni nyiamu a ŋman pilim sueri waaŋ a nyini ase bu le poom jam ka diila.

¹⁹ Chiik kaai ale dɛ niŋka la ka daa piika danni nuruma yaa jam nyini Jodan benni a jueli a cheŋ a ga bo Gilgal tɛŋka ale bo Jeriko kori geŋsa la.

²⁰ Josua a yaa feri tintana pi ale ŋayewa ate ba pisi Jodan benni po la Gilgal po.

²¹ Wa weeni Izirali demma ayen, <

²² ni weeni ba ayen Izirali demma a jam cheŋ ka tɛŋ kosik zuk a lo Jodan benni a jueli.

²³ Ka Naawen ni Wenni ale basi ate Jodan benni a kpeeri ate ni lo jueli. Naawen ni Wenni a nye Jodan benni ase ka wa le jam nye ate Nyakpiem Mɔnuŋku a kpeeri ate ti lo jueli diila.

²⁴ Wa nye kude kama ayen nuruma meena tɛŋka po a nya a bi ba seba ayen, Naawen nisaŋa a pagra kama, ate dila ale basi ate nama ale kasim a chali Naawen ni Wenni.>>