Josua 3 - WEN GBAŊKA

¹ Saluik yokyok ate Josua ale Izirali demma meena a yaa jam basi Sittim ale cheŋ Jodan benni nɔi. Dula jigini ba jam goa kama alege a lo di a jueli.

² Daa ŋata ale taam la ŋaaŋnyiŋ kpaŋŋa a yaa cheŋ ba le tigsi chaab juijui la meena,

³ a weeni nuruma ayen, <

⁴ Ate ni seba ku ale magsi ni va suik kuui la, dii nyiŋla nama an diem va suiku de a nya ya. Ni yalima ale dakanni ate pari a bo ni suŋsuŋ, ni kan moata di.>>

⁵ Josua a weeni nuruma ayen, <>

⁶ Josua a weeni kaabteerɔma me ayen, <> Ate ba yaa pai di a dɛ ba niŋ.

⁷ Ate Naawen a weeni Josua ayen, <

⁸ Weeni kaabteerɔma baai ale ji Wen nɔiyeŋka dakanni la ayen ase ni dan paari Jodan nyiamu nɔi, ba siŋ a zaani benni po.>>

⁹ Ate Josua a yaa weeni Izirali demma ayen, << Ni jam de a wom wieŋa ate Naawen ni Wenni a yaa wa weeni ni la.

¹⁰ Kude ale basi ate ni seba ayen Wen dii ale vua la a bo le ni kama wa le yiak Keenan ale Yit ale Yivi ale Perizzi ale Girgas ale Amori ale Jebus demma meena ate ni.

¹¹ Nya, tɛŋka meena Nyɔnɔwa nɔiyeŋka dakanni ale dɛ ni niŋ a siŋ Jodan benni po.

¹² Yɔgyɔgla de lueri nidoaba pi ale baye a nyini Izirali buuni po, wanyi a nyini dɔk meena po.

¹³ Ase kaabteerɔma baai ale ji Naawen nɔiyeŋka dakanni la, tɛŋka meena Nyɔnɔwa, dan tabi Jodan benni po, di nyiamu ale mobi sueri a nyini la ale lab buye a za ase guuk la.>>

¹⁴ Ase nuruma ale basi ba le tigsi chaab juijui la ale cheŋ ayen ba lo Jodan benni a jueli la, kaabteerɔma ale ji nɔiyeŋka dakanni la a yaa dɛ ba niŋ.

¹⁵ Kude nye ka diipo ate ba a che ŋanta la, Jodan benni a jam mobi sueri kama. Alege kaabteerɔma baai ale ji nɔiyeŋka dakanni la ale ga paari Jodan benni ate ba naŋsaŋa a tiri nyiamu nɔi la,

¹⁶ nyiamu ale mobi la a deri gebiri. Bu jam vi ka chaab a jueli a yalima nna niŋniŋa a cheŋ, tɛŋ kaai ate ba wi ka ayen Adam la a moata Zaretan. Alege nyiam a nyiem ale mobi a siŋ Araba Nyakpiem buui ale ka Yesa Nyakpiemu po la, a jam gebiri. Ate nuruma a yaa jam lo jueli Jeriko tɛŋka po.

¹⁷ Kaabteerɔma baai ale jam ji Naawen nɔiyeŋka dakanni la a yaa zaani giŋgiŋ tɛŋ kosik zuk Jodan benni suŋsuŋ, alege ate Izirali demma meena a ate ku paari diipo, ate tɛŋka meena demma a cheŋ tɛŋ kosik zuk a taam jueli la.