Josua 24 - WEN GBAŊKA

¹ Josua a yaa jam tigsi Izirali buuni meena Sikiim po. Wa weeni nisɔmma ale niŋdeerɔma ale baai ale a bo buusa la ale kpaŋŋa ate ba ta badek jam Wen niŋ.

² Josua a weeni nuruma meena ayen, <

³ Alege mi Wen a jam yeeri ni kowa Abrayam a ta nyini tɛŋka ale gaam Benaŋka la a ta cheŋ Keenan a te wa ŋaaŋbi boari. Mi te wa Aizik,

⁴ a te Aizik mɛ Jekob ale Iisɔ. Mi yaa pai Seir tɛŋka ale ta guuta la a te Iisɔ, alege Jekob ale wa nidoabilisaŋa a jam cheŋ ka Ejipiti.

⁵ <

⁶ Ase mi ale ta ni koma a nyini Ejipiti po a nyini la, nama a jam paari ka nyakpiemu ate Ejipiti demma a jam a vi ba ale kpaliŋ torokoba ale wusum duerisa a ga paari Nyakpiem Mɔnuŋku.

⁷ Alege ba jam kaari a te Naawen a yaali maarika ate wa yaa basi ate legi a bo nama ale Ejipiti demma suŋsuŋ, wa jam basi ate ba wari nyiamu po. Nama nya kama ale nidek nina m le nye Ejipiti demma diila. Ni jam bo gɔnni po ate ku beni kama.

⁸ <

⁹ Ase Zippor nidoabinni Belak, Moab naawa ale jam gomsi ayen wa nye kpaliŋ ale Izirali demma la, wa jam tom weeni ka Biio nidoabinni Balaam ayen wa ka kikaasa a te ni.

¹⁰ Alege mi an jam wom Balaam ale a weeni diila, wa goanti jam a niak ni kama m jam vari ni a ta nyini wa nisima po a nyini kama.

¹¹ <

¹² Mi jam tom zirima ate ŋa de ni niŋ, ŋaai ale jam yiak ba a basi te ni la. Amori demma nalima ŋayewa mɛ a jam boro kama. Nama an jam nye kude ale ka nidek gebik ale tommoa.

¹³ Dila mi te ni ka tɛŋ kaai ate nama an namu ka nyiŋŋa ale tɛŋ kpieŋsa ate nama an sɛ si la, ate ni bo si po a dɛ ŋan baai ate nama an bori ba la.>

¹⁴ <

¹⁵ Alege Naawen puusi teka a dan kan nala a te ni, bi lueri a te nidek jinla danni waai ate ni a yaali ni puusi a te la, ka wen ŋaai ate ni kokpieŋsaŋa a jam a kaab ate ŋa gaam Benaŋka a taam la yaase ka Amori demma wenaŋa baai tɛŋka po ate ni boro la. Alege mi ale m yenni demma meena, tama ale puusi a te ka Naawen.>>

¹⁶ Ate nuruma a yaa tulisi ayen, <

¹⁷ Ku ka Naawen ti Wenni dek ale ta tama ale ti koma a nyini Ejipiti po, a nyini tɛŋ kaai ale ka yɔntidi la po, a tom wakinkaglaŋa de tama dek nina po. Wa jam kasi ti kama ti chelimu meena po ale tɛŋ sii meena po ate tama va si po a taam la.

¹⁸ Naawen ale yiak tɛŋsaŋa de meena a basi a te ti a maa gum Amori demma baai ale jam bo tɛŋka po la. Tama mɛ ale puusi a te Naawen dii nyiŋla wa ka ti Wen.>>

¹⁹ Josua a yaa weeni nuruma ayen, <

²⁰ Ase ni dan zɛri Naawen ale kaab tɛŋ yoŋta wena, wa le basi ate kaasuŋ jam ni jigi ate dila a basi ate ni kpeglim, wa le jam chim Naawen maŋ ate ni la ŋaaŋnyiŋ.>>

²¹ Alege nuruma a yaa weeni Josua ayen, <>

²² Ate Josua a yaa weeni ba ayen, <> Ba yaa tulisa ayen, <>

²³ Josua a yaa weeni ba ayen, <>

²⁴ Ate nuruma a yaa weeni Josua ayen, <>

²⁵ A nyini dai dila danni Josua a jam nye ka nɔiyeŋ pumpuulima a te nuruma, dula jigini Sikiim tɛŋka po wa yaa ŋmarisi sinsaga ale wie te ba.

²⁶ Ate Josua yaa jam ŋmarisi wieŋa de meena a nyo Wen sinsaŋŋa gbaŋka po. Wa jam pai ka tintain kpienni a feri kinkaŋ peruk tɛŋ a moata Naawen weleŋsa jigini.

²⁷ Wa ya weeni nuruma meena ayen, <>

²⁸ Josua a yaa jam basi ate nuruma meena a kuli ba yeeŋa.

²⁹ Wieŋa de meena ŋaaŋnyiŋ Naawen tomteerɔwa Nun nidoabinni Josua a yaa kpi. Wa jam taka bena kook ale pi.

³⁰ Ate ba yaa gu wa kauk kuui ate wa jam boro la, Timnat Seraya po Ɛfraim tɛŋka ate guutaŋa a bo ka po Gaas guuku wiiluk geŋsa.

³¹ Izirali demma a puusi a te Naawen kama diipo ate Josua ale nisɔmma a jam vua la ale baai ale jam kpiem wa ale nya dii meena ate Naawen a jam nye te Izirali demma la.

³² Ate Josefi kobaŋa ŋaai ate Izirali demma a ta nyini Ejipiti a jam la ba yaa jam gu ŋa tɛŋ kala po kaa ate Jekob a jam da ale ligbie kook a nyini Ayaamo nidoabilisaŋa jigi, Sikiim ko a jam le la. Kude a yaa jam chim ka Josefi ŋaaŋbisaŋa nitalim.

³³ Ate Aaron nidoabinni Eleaza a yaa jam kpi ate ba gu wa Gibea tɛŋka po, dula jigini ka wa nidoabinni Fineyas ale jam soa. Ka jam boka Ɛfraim tɛŋka ate guutaŋa a bo ka po la.