Josua 22 - WEN GBAŊKA

¹ Ate Josua a tigsi Aruben demma ale Gad demma ale Manasa dɔkku kauk

² a yaa weeni ba ayen, <

³ ku beni kama yɔgyɔgla de nama an zɛri ni suataŋa, alege ni nye dii ate Naawen ni Wenni weeni la kama.

⁴ Ase Naawen ni Wenni ale basi ate ni suataŋa a vuusi ase wa le jam puulim dii ale ni la, ni ŋmani a kuli ni yeeŋa tɛŋ kaai po ate Naawen tomteerɔwa Moosis a pai te ni ate ka bo Jodan benni kauk m kula la.

⁵ Alege ni abe kpesi nidek a ta wieŋa ale sinsaŋŋa ŋaai ate Naawen tomteerɔwa Moosis a te ni la, ate ni a yaali Naawen ni Wenni, abe ni a va wa suitaŋa meena abe ni va wa wieŋa abe ni chiib va wa nalimnyiini a tom a te wa ale ni suiniima meena ale ni chiisa meena.>>

⁶ Josua a yaa niak ba ale basi ba ate ba a cheŋ ba yeeŋa

⁷ Manasa dɔkku kauk Moosis a jam te ba ka tɛŋ Basan po alege dɔkku kauk m kula Josua a jam te ba mɛ ka tɛŋ ate ka bo Jodan benni yeniŋ geŋsa ale ba suataŋa, ase Josua ale jam basi ate ba kuli la, wa yaa niak ba,

⁸ ayen, <>

⁹ Dila Aruben demma ale Gad demma ale Manasa dɔkku geli a yaa basi Izirali demma Siilo ale bo Keenan po la a ŋmani cheŋ Gilead badek tɛŋka, kauk kuui ate ba jam soa ase Naawen ale weeni Moosis diila.

¹⁰ Ase ba le jam paari Gelilot ale moata Jodan benni ale bo Keenan po la, Aruben demma ale Gad demma ale Manasa dɔkku geli a yaa jam sɛ kuŋkuŋ kpioŋ dula a moata Jodan benni.

¹¹ Ase Izirali demma ale ga wom ayen ba sɛka kuŋkuŋ Keenan tɛŋ banni ale bo Gelilot a moata Jodan benni Izirali demma geŋka la,

¹² Izirali tigsuŋku meena a yaa tigsi jigi yeŋ Siilo tɛŋka po ayen ba ga nye kpaliŋ ale ba.

¹³ Dila Izirali demma a yaa jam tom kaabteerɔwa Eleaza nidoabinni Fineyas Gilead tɛŋka, Aruben demma ale Gad demma ale Manasa dɔkku genni jigi.

¹⁴ Baai ale jam va wa cheŋ la ka nuru zuima pi. Izirali buuni diina piwa meena a jam te ka nuru yeŋ waai ale ka yeri nyɔnɔ Izirali labika yezuimaŋa po la.

¹⁵ Ase ba le jam cheŋ Gilead tɛŋka po, Aruben dɔkku ale Gad dɔkku ale Manasa dɔkku genni jigi la, ba yaa weeni ba ayen,

¹⁶ <

¹⁷ A ta jam paari jinla de tama a diem nye cheri a nyini biem bula po, nyiŋtuilaŋa ale a jam Naawen naakuuni po la meena.

¹⁸ Ate nama a yaali ni basi Naawen vaka? <

¹⁹ Ase tɛŋ kaai ate nama a tuesi la a dan taŋ, ni jam Naawen tɛŋka po. Kauk kuui ate Naawen viuku a za la a maa boro ale tama. Alege ni abe kan ni zɛri Naawen yaase tama nɔi abe ni sɛ kuŋkuŋ a te ni dega a ŋman gum Naawen ti Wenni kuŋkuŋku po.

²⁰ Ase Zera nidoabinni Achan ale jam kan ta wensie a pai ŋan baai ate Wen ayen ba kaasi la, suipuurum an jam Izirali naakuuni meena jigi ya? Daa wala nyiini ale jam kpi wa biemu nyiŋŋa.>>

²¹ Ate Aruben dɔkku ale Gad dɔkku ale Manasa dɔkku geli a yaa tulisi Izirali yezuimaŋa nyama ayen,

²² <

²³ Ase tama a dan sɛ tidek kuŋkuŋ ayen ti basi Naawen vaka, ayen ti nye juka tiirim yaase ŋandiinta tiirim yaase ti nye suiyɔgni tiirita kaabka ku zuk, Naawen dek abe dari ti tue.

²⁴ <

²⁵ Naawen a basi ate ka Jodan benni a chim ban a bo tama ale nama Aruben demma ale Gad demma suŋsuŋ po. Ni ka charuk a nyini Naawen jigi ya.> Ni ŋaaŋbisaŋa ale nye ate tama ŋaaŋbisaŋa a basi Naawen yɔgsum chalika.

²⁶ <

²⁷ Ku abe le chim ka seerɔ a te tama ale nama ale gaŋ sii ale bo ŋaaŋ a vi ti la, ayen ti le kasim a puusi Naawen ka wa viuku po ale ti juka tiiritaŋa ale kaabsaŋa ale suiyɔgni tiiritaŋa, ate chum po ni ŋaaŋbisaŋa a kan baga a weeni tama ŋaaŋbisaŋa ayen, Ni ka wari a nye ale Naawen ya.

²⁸ <

²⁹ Ku abe yalima ale tama ate tama a kan nye tukpari ale Naawen a basi wa vaka abe ti sɛ kuŋkuŋ a magsi juka tiirita yaase ŋanbie tiirita ale kaabsa a gum Naawen ti Wenni kuŋkuŋku ale za viuku po la.>>

³⁰ Ase kaabteerɔwa Fineyas ale niŋdeerɔma naakuuni po, Izirali yezuimaŋa nyama ale ga wom dii ate Aruben demma ale Gad demma ale Manasa demma a weeni la, ba sue yaa jam peenti.

³¹ Kaabteerɔwa Eleaza nidoabinni Fineyas a yaa weeni Aruben ale Gad ale Manasa ayen, <>

³² Kaabteerɔwa Eleaza nidoabinni Fineyas ale niŋdeerɔma a yaa ŋmani cheŋ Keenan tɛŋka ba le ga tu chaab ale Aruben demma ale Gad demma Gilead po, a weeni sak Izirali demma ba ale zɔk diila.

³³ Ba sue a jam peenti kama ase ba le jam wom dii ale nye la a yaa pak Naawen ku nyiŋ. Ba an jam ŋman biisi kpaliŋ wie ayen ba ga kaasi ba tɛŋka juijui ate Aruben demma ale Gad demma a jam boro la.

³⁴ Aruben demma ale Gad demma a jam te kuŋkuŋku ka yuenni de, ayen Seerɔ Tama Suŋsuŋ ayen Naawen ka Wen.