Josua 20 - WEN GBAŊKA

¹ Naawen a yaa weeni Josua ayen,

² <

³ ate dila ale basi ate waai dan kan seba ale ko nuru, wa chali a ga suk dula ate kotundɔwa a kan baga a ko wa.

⁴ <

⁵ Ase kotundɔwa a daa vi wa, ku a fɛ ate ba kan pai waai ate ba a ŋma la a te, dii nyiŋla wa an potim seba ale ko nuruwa.

⁶ Wa a magsi ka wa bo tɛŋ kala po, ka wa nin zaani tigsuŋku niŋ ate ba kpesi nya wa wanni zuk, abe ku paari diipo ate kaabteerɔ kpioŋku waai ale boro alege ate kude nye la kum. Dila wa baga a ŋmani a kuli wadek yenni kama, tɛŋ kaai ate wa jam chali ale ge ka la.>>

⁷ Dila ba yaa jam lueri Kedes ale bo Galili ate ka bo Nafitali ate guutaŋa a bo ka po la ale Sikiim ale bo Ɛfraim ate guutaŋa a bo ka po la ale Kiriat Arba yaase Yebron ate ka bo Juda ate guutaŋa a bo ka po la.

⁸ Jodan benni ale bo Jeriko la kori geŋsa, ba jam lueri ka Bezer ale bo gɔnni po la, tɛŋ kaai ale doa jassi la a nyini Aruben dɔkku po ale Aramot ale bo Gilead po la a nyini Gad dɔkku po ale Golan ale bo Basan po la a nyini Manasa dɔkku po.

⁹ Izirali demma waai yaase nichamma ale bo ale ba la waai a dan kan potim seba ale ko nuru a bag chali ga suk tɛŋsaŋa de po kama ate kotundɔwa a kan ko wa ate ku paari diipo ate tigsuŋku ale nya wanni zuk la.