Josua 19 - WEN GBAŊKA

¹ Gbaŋsa buye po a jam lo ka Simeyon dɔkku yezuk yezuk zuk. Ba charuku a jam bo ka Juda tɛŋka po.

² Tɛŋsaŋa de abe jam gum du kama sila abe le Beerseba yaase Siiba ale Molada ale

³ Yazar Sual ale Balaya ale Ezem ale

⁴ Eltolad ale Betul ale Yorma ale

⁵ Ziklag ale Bet Markabot ale Yazar Susaya

⁶ ale Bet Lebaot ale Saruyen, tɛŋsa pi ale sita ale si tɛŋ kpaŋsa.

⁷ Ain ale Arimmon ale Eter ale Asan si mɛ ka sinaansi ale si tɛŋ kpaŋsa.

⁸ Side meena a gum chaab ale ka tɛŋ fi sii ale gilim ba la a ta ga paari Baalat Beer yaase Arama, ale bo Negev tɛŋka la. Side a jam le Simeyon dɔkku yezuk yezuk charuk la.

⁹ Ba jam pai Simeyon demma charuku a ta nyini Juda charuku po kama dii nyiŋla, Juda charuku a poom zuak gaam ba ale a silim diila kama. Dila Simeyon demma a jam nya ba charuku a nyini ka Juda po.

¹⁰ Gbaŋsa butawa a jam lo ka Zebulun dɔkku yezuk yezuk zuk. Ba tɛŋ banni charuku a jam cheŋ paarika Sarid.

¹¹ A cheŋ yeniŋ geŋ, di ga va ka Marala, a cheŋ Dabbeset a ta ti paari vooliŋ ale moata Jokneam la.

¹² Di viriŋ nyini Sarid kori geŋ a duŋ wenbinni pusika jigini a cheŋ Kislot Tabor a ga va Daberat a ga paari Jafia.

¹³ Di ŋman nyini kori geŋsa a cheŋ Gat Yefer ale Et Kazin tɛŋsaŋa, di jam nyini ka Arimmon a viriŋ a duŋ Nea nyiŋ.

¹⁴ A nyini dula tɛŋ banni a cheŋ gilim va ka wiilukku geŋsa a cheŋ Yannaton a ga kpeglim Ipta El Viaka.

¹⁵ Tɛŋ sii ale jam maa gum du la ale nna. Kattat ale Nayalal ale Simron ale Idala ale Betiliyem. Si jam ka tɛŋ kpieŋsa pi ale siye ale si tɛŋ kpaŋsa.

¹⁶ Tɛŋ kpieŋsa ale si tɛŋ kpaŋsaŋa a jam le Zebulun dɔkku yezuk yezuk charuk.

¹⁷ Gbaŋ Kaai ale saari bunaansiwa la a lo ka Isaka dɔkku yezuk yezuk zuk.

¹⁸ Ba tɛŋsaŋa a jam maa gum ka side du, Jezreel ale Kesullot ale Sunem ale

¹⁹ Yaparaim ale Siyion ale Anayarat ale

²⁰ Arabbit ale Kision ale Ebez ale

²¹ Aremet ale En Gannim ale En Yadda ale Bet Pazzez.

²² Tɛŋ banni a jam paari Tabor ale Sayazuma ale Bet Sɛmes a ga kpeglim Jodan benni. Si jam ka tɛŋ kpieŋsa pi ale siyuebi ale si tɛŋ kpaŋsa.

²³ Tɛŋ kpieŋsaŋa de ale si tɛŋ kpaŋsaŋa a jam ka charuk a te Isaka dɔkku yezuk yezuk.

²⁴ Bunuwa gbaŋka a jam lo ka Asɛ dɔkku yezuk yezuk zuk.

²⁵ Ba tɛŋsaŋa a jam maa gum ka si de du, Yelkat ale Ali ale Beten ale Aksap ale

²⁶ Alamelek ale Amad ale Misal. Yeniŋ geŋsa tɛŋ banni a cheŋ ka Karmel ale Siyor Libnat.

²⁷ Di yaa viriŋ kori geŋsa a duŋ Bet Dagon, a ga paari Zebulun dɔkku ale Ipta El Viaka, a cheŋ wiilukku geŋ a paari Bet Emek ale Neiel, a gaam Kabul basi gala.

²⁸ Di jam cheŋ ka Ebron ale Areyob ale Yammon ale Kanaya a ga paari Saidon.

²⁹ Tɛŋ banni a yaa viriŋ va ŋaaŋ a duŋ Arama nyiŋ a ga va Taaya tɛŋka ate pari pagrika a gilim la a viriŋ a duŋ Yosa nyiŋ a jam nyini nyakpiemu ale bo Akzib tɛŋ kpieŋka la,

³⁰ ale Umma ale Afek ale Areyob. Si jam ka tɛŋ kpieŋsa pisiye ale siye ale si tɛŋ kpaŋsa.

³¹ Tɛŋ kpieŋsaŋa de ale si tɛŋ kpaŋsaŋa a jam ka charuk a te Asɛ dɔkku yezuk yezuk.

³² Buyuebiwa gbaŋka a jam lo ka Nafitali dɔkku yezuk yezuk zuk.

³³ Ba tɛŋ banni a jam nyini ka Yelep ale tiib kpiemu ale bo Zaanannim la, a gaam Adami Nekeb ale Jabneel taam a ga paari Lakkum a ga kpeglim Jodan benni.

³⁴ Tɛŋ banni a jam va ka Aznot Tabor yeniŋ geŋ a jam nyini Yukkok. Di jam paari ka Zebulun dɔkku yeseok geŋsa, ate Asɛ dɔkku a bo yeniŋ geŋsa ate Jodan benni a bo kori geŋsa.

³⁵ Tɛŋ sii ate pari pagrisa a gilim si la ale Ziddim ale Zer ale Yammat ale Arakkat ale Kinneret

³⁶ ale Adama ale Arama ale

³⁷ Kedes ale Edrei ale En Yazor

³⁸ ale Iron ale Migdal El ale Yorem ale Bet Anat ale Bet Sɛmes. Si jam ka tɛŋ kpieŋsa pi ale neok ale si tɛŋ kpaŋsa.

³⁹ Tɛŋ kpieŋsaŋa de ale si tɛŋ kpaŋsaŋa a jam ka charuk a te Nafitali dɔkku yezuk yezuk.

⁴⁰ Buyopɔiwa gbaŋka a jam lo ka Dan dɔkku yezuk yezuk zuk.

⁴¹ Ba charuku tɛŋsaŋa a jam maa gum ka side du, Zoraya ale Estaol ale Ir Sɛmes

⁴² ale Saalabbin ale Aijalon ale Itla

⁴³ ale Elon ale Timnaya ale Ekron ale

⁴⁴ Elteke ale Gibbeton ale Baalat ale

⁴⁵ Jeyud ale Bene Berak ale Gat Arimmon ale

⁴⁶ Me Jarkon ale Arakkon, ale kabi dii ale tuk Jopa geŋsa la.

⁴⁷ Alege Dan dɔkku ku jam pagra kama a te ba ate ba tuesi ba charuku jigini, dila ba yaa jam nye kpaliŋ ale Lesem a tuesi ka, a ko ba ale bo ka po. Ba jam kali Lesem po kama ale te ka yuei ayen Dan. Ba kokpieŋka yuei a jam ni la.

⁴⁸ Tɛŋ kpieŋsaŋa de ale si tɛŋ kpaŋsaŋa a jam ka charuk a te Dan dɔkku yezuk yezuk.

⁴⁹ Ase ba le jam labi tɛŋka a ga nueri la, Izirali demma a yaa jam te Josua Nun nidoabinni mɛ wa charuk,

⁵⁰ ase Naawen ale jam weeni la. Ba jam te wa ka tɛŋ kaai ate wa bek la. Kala abe le Timnat Seraya ale bo Ɛfraim po ate guutaŋa a boro la. Ate wa jam se tɛŋ kpieŋ a kala dula.

⁵¹ Tɛŋsaŋa de ale kaabteerɔwa Eleaza ale Josua Nun nidoabinni ale Izirali dɔkku yezuimaŋa nyama a jam nak gbaŋ Siilo tɛŋka Naawen niŋ, Tuka Viuku nansuiŋku nɔi la. Ba jam labi tɛŋka a te chaab a nueri kama.