Josua 17 - WEN GBAŊKA

¹ Kude a jam le charuk a te Manasa ase Josefi bikpagi la, dila abe le Makir, Manasa bikpagni a soa. Makir jam ka Gilead demma ko kpieŋ, baai ale jam tuesi Gilead ale Basan la dii nyiŋla, Makir demma jam ka tugurik tɔŋdɔ kpienta.

² Dila charuku de jam ka Manasa nuru mbala ale soa, yezuimaŋa ale Abiezer ale Yelek ale Asriel ale Sikiim ale Yefer ale Sɛmida. Manasa, Josefi nidoabinni ŋaaŋbisa ba chaama ale jam ka nidoabilisa la yezuimaŋa ale nna.

³ Manasa nidoabinni Makir ate wa mɛ nidoabili a chim Gilead la, ate wa mɛ nidoabili a chim Yefer la te wa mɛ nidoabili a chim Zelofehad la. Zelofehad wade a jam ka nidoabilisa ka lieba nyiini, ba yue jam le Mala ale Nowa ale Yogla ale Milka ale Tirza.

⁴ Liema de yaa jam cheŋ kaabteerɔwa Eleaza ale Josua Nun nidoabinni ale niŋdeerɔma jigi a weeni ba ayen, <> Ase Naawen ale jam weeni diila ba mɛ a jam nya nitalim kama ase nidoama la.

⁵ Manasa charuku jam ka tɛŋsa pi a gum chaab ale Gilead ale Basan Jodan benni kori geŋka la,

⁶ dii nyiŋla Manasa dɔkku liema a tuesi nitalim kama a ta nyini nidoabilisaŋa po. Gilead tɛŋka jam ka Manasa ŋaaŋbi sinsila ale soa.

⁷ Manasa jigini a jam paari ka Asɛ ale Mikmetat Sikiim kori geŋsa. Tɛŋ banni yaa va yeseok geŋsa a ga paari nuru baai ale bo En Tappua la a gum du.

⁸ Manasa ale jam soa Tappua tɛŋka, alege Tappua dek ale jam bo Manasa tɛŋ banni po la ka Ɛfraim demma ale soa.

⁹ Tɛŋka banni yaa va yeseok geŋ a ga paari Kanaya Vooliŋka. Tɛŋsa ale jam boro ate Ɛfraim a soa ate si bo Manasa tɛŋsaŋa suŋsuŋ, alege Manasa tɛŋ banni jam le vooliŋka Wiiluk geŋ a ga kpeglim Nyakpiemu nɔi.

¹⁰ Yeseoku geŋ tɛŋka ka Ɛfraim ale soa, wiilukku geŋ ka Manasa ale soa. Manasa tɛŋka a jam paari ka nyakpiemu a nye bain ale Asɛ dɔkku wiiluk geŋ ale nye bain ale Isaka dɔkku kori geŋ.

¹¹ Isaka ale Asɛ po, Manasa a jam maa soa ka Bet San ale Ibleam ale nuruma ale bo Dor ale Endor ale Taanak ale Megiddo la a gum chaab ale ba tɛŋ kpaŋsaŋa ale kali gilim ba la. Buta nyɔnɔwa a nyini Nafot po.

¹² Manasa demma an jam taari lik tɛŋsaŋa de, ate Keenan demma a diem bo dula.

¹³ Alege Izirali demma ale ga nya pagrim la, ba yaa basi ate Keenan demma a tom fifiok tuima ale an yiak ba a basi ya.

¹⁴ Josefi ŋaaŋbisaŋa yaa weeni Josua ayen, <>

¹⁵ Josua a yaa tulisi ayen, <>

¹⁶ Josefi ŋaaŋbisaŋa a yaa tulisi ayen, <>

¹⁷ Alege Josua a yaa weeni Josefi yenni demma Ɛfraim ale Manasa ayen, <

¹⁸ alege sagni tɛŋka kaai ate guutaŋa a bo ka po la ka nama ale ni soa. Ni che tiisaŋa meena ate ka le lagri a soa diila meena ka nama ale soa. Keenan demma a ta ka kuta torokoba ale pagra, nama baga a yiak ba kama.>>