Josua 14 - WEN GBAŊKA

¹ Kabtaŋa de ale Izirali demma a jam soa Keenan tɛŋka po. Ka Eleaza kaabteerɔwa ale Nun nidoabinni Josua ale Izirali yeeŋa nyama ale te ba.

² Ba jam nak ka gbaŋ ate buura bunaansi ale genni de a lueri ba tɛŋsaŋa ase Naawen ale weeni Moosis diila.

³ Moosis a poom ŋaam pai tɛŋka ale bo Jodan benni kori geŋsa la a te ka buura ŋaye ale genni ale tali la ase ba tiirim la alege Livaima wa an jam te ba jaaboa.

⁴ Dii nyiŋla Josefi bisaŋa a jam labi ka buye ale geli, Manasa ale Ɛfraim ale la. Moosis an jam te Livaima tɛŋsaŋa jaab ka tɛŋka nyiini ate wa jam te ba ayen ba boro ale ba duŋsaŋa.

⁵ Izirali demma a jam labi tɛŋka a te chaab ase ka Naawen ale weeni Moosis ayen ba nye diila.

⁶ Dai yen ate nuruba gela a nyini Juda tɛŋka a jam Josua jigi Gilgal tɛŋka po. Ba po wanyi jam le Jefunne nidoabinni Kaleb Kenizzi denɔwa a yaa weeni ba ayen, <

⁷ Mi jam ta ka bena pisinaansi alege ate Naawen tomteerɔwa Moosis a tom mu ayen m basi Kades Barnea abe m ga kpesi nya tɛŋka la. M jam taka wa maŋ a jam weeni wa.

⁸ Nuru baai ale jam va mi cheŋ la a gonti nye kama ate nuruma a chali yɔgsum. Alege mi a jam wom Naawen m Wenni kama.

⁹ Ase mi ale nye dila la, Moosis a yaa puulim ayen mi ale m bisaŋa ale nya ti dɛka jigini tɛŋ kaai po ate m boro a cheŋ la taam wuu, dii nyiŋla fi va Naawen mi Wenni ale ka fi suinum meena.

¹⁰ <

¹¹ Alege jinla de m diem pagra kama ase m le jam ka dii ate Moosis a tom mu la. Mi diem pagra kama a baga a nye kpaliŋ yaase wa dii meena.

¹² Yɔgyɔgla de be te mu tɛŋ kaai ale bo guuku zuk ate Naawen a puulim dai dila danni ayen wa le pai ka a te mu ase mi ale jam weeni fu tɛŋka wie la. Tama a weeni fu kama ayen tɛŋ kala demma ka ganduata ale bo ba tɛŋka po a se parik woŋ a gilim ka. Ba jam ka Anak bisa. Dai dii dai Naawen ale bo ale mu ate m yiak ba ate ba nyini tɛŋka po a nyini ase Naawen ale weeni diila.>>

¹³ Josua yaa jam niak Jefunne nidoabinni Kaleb ale te wa Yebron tɛŋka.

¹⁴ Yebron tɛŋka diem boka Kaleb Jefunne denɔwa ŋaaŋbisaŋa nisima po dii nyiŋla wa jam va Naawen, Izirali Wenni ka nalimnyiini.

¹⁵ Alege ate kude meena a nye la, Yebron yuei a jam le Kiriat Arba. Arba a jam le Anak demma tɛŋ kpieŋ. Suiyɔgni a yaa le jam bo tɛŋka po.