Josua 13 - WEN GBAŊKA

¹ Ase Josua ale jam kpaŋ ate wa benaŋa mɛ a piisi la, Naawen a yaa weeni wa ayen, <

² Tɛŋ sii ale tali la ale nna: Filistia ale Gesur demma tɛŋsaŋa

³ a zaani Siyor Benaŋka ale Ejipiti kori geŋsa la a ta ga paari Ekron ale bo yeseoku geŋsa la. Ba wi dula meena ayen ka Keenan dem. Filistia tɛŋsa sinuwa ale jam a nya du la meena tɛŋ sila abe le Gaza ale Asdod ale Askelon ale Gat ale Ekron tɛŋsaŋa ale bo Avvi demma la.

⁴ A nyini sagi geŋsaŋa tɛŋka meena ale bo Keenan la a ta nyini Afek Amori demma tɛŋka

⁵ ale Lebanon tɛŋka meena ale bo kori geŋ la a ta nyini Baal Gad ale bo Yermon Guuku chiak la a ta ga paari Lebo Yamat tɛŋka.

⁶ <

⁷ abe fi labi ka a chari diina neokku ale Manasa dɔkku ale poori a maa bo dula la.>>

⁸ Manasa dɔkku ale teeri la Aruben ale Gad diina a jam tuesi ka kauk kuui ate Moosis a jam pai te ba ate ku bo Jodan benni kori geŋsa la, ase wa Naawen tomteerɔ ale te ba dula.

⁹ Ku lagri ka dila a ta nyini Aroer ale bo Arnon Buboalika geŋsa la ale ŋman nyini tɛŋ kaai ale bo suŋsuŋsaŋa po la a maa pai guuk labsiku ale bo Medeba la, a ta ga Dibon

¹⁰ ale tɛŋ sii meena ale bo Naab Siyon tɛŋka a ti ba a wi ayen Amori demma la, waai ale jam a nya Yesbon a ta ga paari Ammon demma tɛŋka banni.

¹¹ Gilead a jam maa gum du kama ale Gesur nuruma ale Maaka ale Yermon Guuku geŋsa meena ale Basan a ta ga paari Saleka meena.

¹² Dula abe le Og ale bo Basan tɛŋka la meena. Wa ka waai mɛ ale jam a nya Astarot ale Edrei ale ŋman chim Aruben dɔkku po waai ale wari ŋaaŋ a diem vua a boro. Moosis a jam nak yik ba kama ale tuesi ba tɛŋka.

¹³ Alege Izirali demma an jam yiak Gesur ale Maaka a basi ya, ate ba yaa bo ale Izirali demma a ta jam paari jinla danni.

¹⁴ Alege Livai dɔkku wa an jam te ba jigi ya, ase ba le jam pai ka bolim a nye kaabka tiirim a te Naawen, Izirali Wenni la, dila ale ba ŋanta ase wa le puulim ba la.

¹⁵ Dii ate Moosis a te Aruben ŋaaŋbisaŋa yezuk meena la ale nna.

¹⁶ A zaani Aroer a ta ga va Arnon Buboalika, a ta ga va tɛŋ kaai ale bo suŋsuŋka po tɛŋsaŋa ale guuk labsiku ale bo Medeba la meena,

¹⁷ a ga pai Yesbon ale ka tɛŋsaŋa meena ale bo guuk labsiku zuk la ale Dibon ale Bamot Baal ale Bet Baal Meon ale

¹⁸ Jayaz ale Kedemot ale Mefaat ale

¹⁹ Kiriataim ale Sibma ale Zeret ale Sayar ale bo guuku zuk ale viaka po me la, ale

²⁰ Bet Peor a siŋ Pisga ale Bet Jesimot ale

²¹ tɛŋ sii meena ale bo guuk labsiku zuk la ale Naab Siyon ale jam bo Amori demma tɛŋka la, waai ale jam a nya Yesbon la. Moosis a jam nak yik wa ale Midian naawa kama. Evi ale Arekem ale Zur ale Yur ale Areba nabisaŋa a yaa jam nye nɔiyeŋ ale Siyon waai ale jam bo tɛŋka po la.

²² Ale baai ale kpi kpaliŋka po la, Izirali demma a jam ko Balaam Biio nidoabinni waai ale jam a porisi la kama.

²³ Aruben tɛŋka bani a jam kpeglimka Jodan benni nɔi. Tɛŋsaŋa de ale si tɛŋ kpaŋsaŋa ka Aruben ale wa ŋaaŋbisaŋa ale soa.

²⁴ Dii ate Moosis a jam te Gad ŋaaŋbisaŋa la ale nna:

²⁵ Jazer tɛŋka ale tɛŋ sii meena ale bo Gilead ale Ammon tɛŋka geli, a ta ga paari Aroer ate ka moata Arabba la,

²⁶ ale ŋman nyini Yesbon a cheŋ Aramat Mizpa ale Betonim, a zaani Mayanaim a cheŋ Debir tɛŋka,

²⁷ Viaka po mɛ ka Bet Yaram, ale Bet Nimra ale Sukkot ale Zafon ale Naab Siyon ale bo Yesbon tɛŋka ale bo Jodan benni ale bo kori geŋsa la meena kauk kuui meena ale moata Kinneret Nyakpiemu la.

²⁸ Tɛŋsaŋa de ale si tɛŋ fiisaŋa ka Gad dɔkku ale jam soa.

²⁹ Dii ate Moosis a jam te Manasa dɔkku kauk ale jam tali la ale nna. Dɔkku kauk ale Manasa dɔkku yeri zuk yeri zuk.

³⁰ Tɛŋka bani a jam nyinika Mayanaim a pai Basan tɛŋka meena a gum du, Naab Og ale bo Basan ale Jair ale bo Basan la meena ale ka tɛŋsa pisiyuebi wa,

³¹ Gilead tɛŋka geli ale Astarot ale Edrei, Naab Og ale bo Basan la tɛŋ kpieŋsaŋa ale la. Si dɛ a jam ka Makir ate wa kowa a chiim Manasa la. Tɛŋka geli ka Makir Manasa biika ale jam soa.

³² Moosis ale jam labi tɛŋka dii Jodan benni kori geŋsa kauk kuui ate nuruma a jam boro a yaali ba gaam taam Jeriko tɛŋka la.

³³ Alege Moosis an jam te Livai dɔkku teŋŋa ase wa le jam a biisi dii ale ba la. Naawen, Izirali Wen a jam le ba tiirim. Wala a jam le waai ate ba a yaali la. Wa le nya ba zuk suita po meena.