Josua 10 - WEN GBAŊKA

¹ Adoni Zedek, Jerusalem naawa ale wom ayen Josua a nak yik Ai tɛŋka ale kaasi ka meena alege a nye Ai ale ka naawa ase wa le jam nye Jeriko ale ka naawa diila ate Gibeon demma me a nye nɔiyeŋ ale Izirali demma ale bo ale ba la.

² Wa ale wa nuruma nyiŋsa a yaa jam a gɔk dii nyiŋla Gibeon jam ka tɛŋ maŋ ase tɛŋ kpieŋsaŋa kanyi la, ka jam zuak gaam Ai tɛŋka kama ate ka nuruma meena a seba kpaliŋ nyeka.

³ Adoni Zedek Jerusalem naawa ayen weeni Yebron naawa Yoyam ale Jarmut naawa Piram ale Lachis naawa Jafia ale Eglon naawa Debir ayen,

⁴ <>

⁵ Ate nalimaŋa de ŋanuwa ale nyini Amori demma tɛŋka ale la Jerusalem naawa ale Yebron naawa ale Jarmut naawa ale Lachis naawa ale Eglon naawa tugurik tɔŋdɔma a yaa gum chaab. Ba le ba tugurik tɔŋdɔma meena a yaa cheŋ ba nye kpaliŋ ale Gibeon tɛŋka.

⁶ Ate Gibeon demma a yaa tom weeni Josua ale jam bo Gilgal ayen, <>

⁷ Ate Josua ale wa tugurik tommu meena a yaa basi Gilgal a cheŋ ale nuru baai meena ale seba kpaliŋ nyeka la.

⁸ Naawen a yaa weeni Josua ayen, <>

⁹ Josua yaa basi Gilgal ale cheŋ yokku meena a ga diiri ba.

¹⁰ Naawen a yaa basi ate butimka a jam ba po ate Izirali demma a yaa nya pagrim ba zuk Gibeon tɛŋka po. Izirali demma a jam vi ba ka dila suik kuui ale a cheŋ Bet Yoron la po a yaa ga yik ba Azeka ale Makkeda tɛŋsaŋa po.

¹¹ Ase Izirali demma ale jam a vi ate ba chali va suiku a nyini Bet Yoron a cheŋ Azeka la, Naawen a yaa basi ate tintain kpiema a lo ba zuk. Tintain kpiemaŋa ale jam ko baai la a piisi gaam baai ate Izirali demma a jam ko la kama.

¹² Ase Izirali demma ale jam a vi ba nna kparikpari la, Josua a yaa puusi Naawen ate ku jueli ayen, <>

¹³ Ate wenbinni a za di kan cheŋŋi chiika me a za ate Izirali demma a nya pagrim ba dachaasaŋa zuk. Ase ku le ŋmarisi Jasar gbaŋka po la. Wenbinni a jam boka wenzuk suŋsuŋ chiŋmaaŋa po a beni ale siŋka ase dai pumi la.

¹⁴ Dai a jam karo ase danni dɛ la alege ate kude a nye la. Dai mɛ abe ŋman karo ate wanni de choa a nye ya. Chekki ka Naawen ale jam kpaliŋ a te Izirali demma.

¹⁵ Josua a yaa ŋman pilim cheŋ Gilgal tɛŋka.

¹⁶ Nalima ŋanuwa de a jam chali a ga suk ka piuŋ vɔrup po Makkeda tɛŋka po.

¹⁷ Ase Josua ale ga wom ayen nalima ŋanuwa de a jam suk ka piuŋ vɔrup ale jam bo Makkeda tɛŋka po la,

¹⁸ wa yaa weeni ayen, <

¹⁹ Alege ni kan basi ni dachaasaŋa vika, ni yik ba suik ni kan basi ate ba paari ba tɛŋsaŋa ale Naawen ni Wenni a pai ba a nyoka ni nisima po.>>

²⁰ Josua ale Izirali demma a jam ko ka ba yega ka ba magadek nyiini ale jam chali paari ba tɛŋsaŋa po.

²¹ Ate tugurik tommu meena a yaa jam pilim ŋmani nalimnyiini a cheŋ. Josua ale jam bo Makkeda tɛŋka la jigi.

²² Josua a weeni ba ayen, <>

²³ Ba yaa jam ta nalima ŋanuwa a nyini vɔrumu po a nyini. Ba be jam ka Jerusalem ale Yebron ale Yarmuk ale Lachis ale Eglon nalimaŋa.

²⁴ Ase ba le ta nalimaŋa de a jam Josua jigi la, wa yaa tigsi Izirali demma meena ale weeni tugurik tommu kpaŋŋa baai ale jam va wa a jam la ayen, <> Ba yaa jam niŋ nyiŋ a tabi ba ŋeeŋa.

²⁵ Josua a yaa weeni ba ayen, <>

²⁶ Josua yaa ko nalima ŋanuwa a pari ba nyiŋsaŋa a yik tiisa sinu nyiŋ, ate ba yik tiisaŋa nyiŋ a ta ga paari wenbalinni.

²⁷ Vari ale ga veenti la Josua yaa basi ate ba yaa ta ba nyini tiisaŋa zuk a siŋ tɛŋ a pai ba nyo vɔrup buui po ate ba liŋ suk bu po la. Piuŋ kpioŋ ate ba ba jam pa lik vɔrumu nɔnni, ku diem lik du kama a ta jam paari jinla de.

²⁸ Dai dila danni Josua a jam nak yik Makkeda kama. Wa jam togri tɛŋka naawa kama ale ko waai meena ale bo ka po la. Wa an jam tali nuru a basi ya. Wa jam nye Makkeda naawa ase ka wa le jam nye Jeriko naawa diila.

²⁹ Josua ale Izirali demma meena a yaa basi Makkeda tɛŋka alege cheŋ Libna tɛŋka a ga nye kpaliŋ ale ba.

³⁰ Naawen a jam pai tɛŋ kala ale ka naawa mɛ a nyo Izirali demma nisima po kama. Nuru baai meena ale jam bo tɛŋka po la Josua a jam tɔgri ba kama. Wa an jam tali nuru vuk a basi du. Wa jam nye tɛŋ kala naawa mɛ ase ka wa le jam nye Jeriko naawa diila.

³¹ Ate Josua ale Izirali demma meena a yaa ŋman basi Libna alege cheŋ Lachis tɛŋka, a nye kpaliŋ ale ka me.

³² Naawen a jam pai Lachis tɛŋka a te Izirali demma kama ate Josua a nak yik ka daa ŋayewa danni. Tɛŋka demma meena wa jam ko ba kama ase wa le jam nye Libna tɛŋka diila.

³³ Alege Gezer naawa Yoram a jan jam kama ayen wa maari Lachis alege Josua a jam nak yik ba kama ale ba tugurik tommu nuru vuk a jam tali ya.

³⁴ Ate Josua ale Izirali demma meena a yaa jam basi Lachis ale cheŋ Eglon tɛŋka a nye kpaliŋ ale ba.

³⁵ Ba jam nak yik ba ka dai dila danni dek a tɔgri ba meena ase ba le nye Lachis tɛŋka diila.

³⁶ Josua ale Izirali demma meena a yaa jam nyini Eglon tɛŋka ale ŋman cheŋ ga nye kpaliŋ ale Yebron tɛŋka.

³⁷ Ba jam nak yik tɛŋka kama a tɔgri nuruma ale ka naawa ale tɛŋ kpaŋsaŋa meena nuruma. Ba tali nuru vuk a basi ya. Ase ba le jam nye Eglon diila, ba jam ko waai meena tɛŋ kala po kama.

³⁸ Josua ale Izirali demma meena a yaa ŋman viriŋ a nye kpaliŋ ale Debir tɛŋka.

³⁹ Ba jam nya pagrim tɛŋka ale ka naawa ale tɛŋ kpaŋsaŋa meena zuk kama ale tɔgri ba meena. Ba jam ko waai meena kama. Ba an jam tali javuk a basi ya. Ba nye Debir tɛŋka ale ka naawa ase ka ba le jam nye Libna ale Yebron tɛŋsaŋa ale si nalimaŋa diila.

⁴⁰ Josua ale wa tugurik tɔŋdɔma a yaa jam nak yik tɛŋsaŋa meena ale nalim ŋaai meena ale jam bo tɛŋ sii ale bo guutaŋa zuima ale vaasaŋa po ale tɛŋ sii meena ale bo guutaŋa chaasa la. Ba jam ko nuru meena kama ase Naawen, Izirali Wenni ale weeni ayen ba nye diila.

⁴¹ Josua a jam tɔgri ba ka dila a nyini Kades Barnea a ga paari Gaza ale ŋman zaani Gosen a tɔgri dila a ta ga paari Gibeon tɛŋka.

⁴² Nalimaŋa de ale ŋa tɛŋsaŋa Josua a jam nak yik si ka vayeŋ po dii nyiŋla Naawen, Izirali Wenni ale jam kpaliŋ te ba.

⁴³ Kpaliŋka ale nueri la ŋaaŋnyiŋ Josua ale Izirali demma meena a yaa ŋman pilim cheŋ Gilgal tɛŋka.