Josua 1 - WEN GBAŊKA

¹ Naawen tomteerɔwa Moosis kummu ŋaaŋnyiŋ ate Naawen a yaa weeni Nun nidoabinni Josua waai ale pai a vi Moosis ŋaaŋ la ayen,

² <

³ Mi ale pai kauk kuui meena ate ni pai naŋ a tabi du la ase mi ale puulim ale Moosis diila.

⁴ Ni tɛŋka ale zaani ka gɔnni ale bo yeseoku la, a ta ga paari tɛŋ kaai ate ba a wi ka ayen Lebanon ale bo wiilukku geŋsa la a ta ga va Yufiretis beli kpienni ale bo Yit demma tɛŋka po kori geŋsa la a ta ga paari Nyakpiemu ale bo yeniŋ geŋsa la.

⁵ Waai a kan boro a baga a zaani ale fu daa ŋaai meena ate fu vua la po. Ase mi ale jam bo ale Moosis diila m le bo ale fu ka dila mɛ. M kan basi fu yaase m zɛri fu.

⁶ <

⁷ Bi pagra abe fi ŋmasi chiib zaani. Bi kpesi fidek ate fi va sinsaŋŋa meena ate m tomteerɔwa Moosis a te fu la. Kan basi di a be fi viriŋ a va juga yaase gala geŋsa. Dila ale ku basi ate wari meena ale cheŋ nalimnyiini ate kauk kuui meena ate fi a cheŋ la.

⁸ Bi basi ate gbaŋka de kaai ate sinsaŋŋa a bo ka po la a kasim bo fi nɔnni po. A teeri di kantueŋ ale yok meena. Ka dila ale ku basi ate fi a nye wa dii meena ale ŋmarisi ka po la. Ate dila ale nye ate fi jigsi ate wari meena ale cheŋ nalimnyiini a te fu.

⁹ Daa mi ale weeni fu yaa? Bi pagra abe fi chiib zaani. Kan basi ate fi nyiŋka a gɔgi, kan jɔk nyiŋbiiri mɛ, ale Naawen fi Wenni ale bo ale fu kauk kuui meena ate fi a cheŋ la.>>

¹⁰ Ate Josua a yaa weeni kpaŋŋa baai ale a nya nuruma zuk la ayen,

¹¹ < >>

¹² Alege Aruben dɔkku ale Gad dɔkku ale Manasa dɔkku geli Josua a weeni ba ayen,

¹³ <

¹⁴ Ni pooma ale ni bisaŋa ale ni duŋsaŋa a baga bo tɛŋ kaai ate Moosis a te ni ate ka bo Jodan benni kori geŋsa la po, alege ni tugurik tɔŋdɔma meena a gomsi a dɛ ni suataŋa niŋ a lo beni a jueli. Ku a magsi kama ayen ni maari ni suataŋa,

¹⁵ a ta ga paari diipo ate Naawen ale te ba vuusum, ase wa le nye dii a te nama la, ate ba mɛ ale tuesi tɛŋka ate Naawen ni Wenni ale te ba la. Kula ŋaaŋnyiŋ ni baga ŋman ga bo tɛŋka po kama, sii ate Naawen tomteerɔwa Moosis a te ni, ate si bo Jodan benni kori geŋsa kauk kuui ate wenbinni a pusi la.>>

¹⁶ Ate ba yaa tulisi Josua ayen, <

¹⁷ Ase ti le jam wom Moosis diila, ti le wom fi mɛ ka dila. Ka Naawen fi Wenni dek abe bo ale fu ase wa le jam bo ale Moosis diila.

¹⁸ Waai ale a zɛri fi wanni ale kan va fi wanni la, dii meena ate fi a weeni ba la ti le ko wa. Ka fi a tin pagra a bɛ fi chiib zaani!>>