Jona 4 - WEN GBAŊKA

¹ Alege Jona sui a jam kaasi ate wa sui a puuri nna yegayega.

² Wa yaa puusi a te Naawen a weeni ayen, <

³ Naawen yaa, dila nyiŋla ko mu yɔgyɔgla de. Ale m dan jɔk kpi, ku zunchoŋ kama a gaam m le boro.>>

⁴ Alege Naawen a ya tulisi wa ayen, <>

⁵ Jona yaa nyini tɛŋka po a nyini a taam ka kori geŋ a ti viuk a yaa jo kali ku po a limisi ase Naawen ale kaasi tɛŋka ya.

⁶ Naawen dii ale ka Wen la yaa basi ate tunuŋ a nyini chim yɔgsum a liŋ Jona zukku ate wa yaa kala. Jona sui jam peenti ka nna yegayega ale tunuku yɔgsummu.

⁷ Vari ale veenti la, saluik yokyokwa Wen a yaa basi nanzuiri ate di dɛ tunuku kinni ate ku kpi.

⁸ Wenbinni ale pusi la, Wen a yaa basi ate kantueŋ wuluk a ŋari nyini koni po a nak Jona zukku ate wa buk nna zana. Wa jaa yaa ka kum nyiini. Wa yaa weeni ayen, <>

⁹ Naawen a yaa bek Jona ayen, <> Jona yaa tulisi ayen, M ta suik kama. M suinni ale puuri diila m yaa a yaali ka kum nyiini.>>

¹⁰ Naawen yaa weeni wa ayen, <

¹¹ Alege Niineve a ta ka nuruba ate ba piisi gaam tusa kook ale pisiye (120,000) ate ba zɛ ba juga ale ba gala. Ba bi ta niiga mɛ kama a piisi. Ku a magsi ayen m basi ate m jiirim a dari tɛŋ kpieŋ ka dɛ?>>