Jɔɔn 6 - WEN GBAŊKA

¹ Kude ŋaaŋnyiŋ, Yeezu yaa taam Galili Nyakpiemu kauk kunkula juijui ate ba a wi ayen Tiberiasi la.

² Nuru boari yaa va wa, dii nyiŋla ba nya Yeezu ale jam a tom wakperikaliik sii ale yuarɔma tebika la.

³ Yeezu ale wa ŋaaŋviirɔma yaa ga jueli kala guuk kunyi zuk.

⁴ Gaambasika Tigini a jam moata kama.

⁵ Yeezu yaa zak nya nuru boanni a cheena ate wa yaa bek Filip ayen, <>

⁶ Wadek a jam seba dii ate wa ayen wa nye la kama, alege wa jam a yaali kama ayen wa chamsi Filip a nya.

⁷ Filip yaa weeni wa ayen, <>

⁸ Wa ŋaaŋviirɔma wanyi, Simon Piita yuawa Andiru, yaa weeni Yeezu ayen,

⁹ <>

¹⁰ Yeezu yaa weeni ba ayen, <> Wuuk yegayega ale jam bo dula jigini. Nuruma yaa kali tɛŋ. Ba nidoama nyiini a jam ka tusa ŋanu (5,000).

¹¹ Yeezu yaa pai borobottaŋa ale jumaŋa a puusi a te Wen jiam ayen wa niak ŋandiintaŋa ale ge a pai chari nuruma ate ba ŋɔbi. Ba ale chari waai meena a ga nueri la, ba meena yaa ŋɔbi chak.

¹² Yeezu yaa weeni wa ŋaaŋviirɔma ayen, <>

¹³ Ba yaa pisi ŋandiin tii ate nuru boanni a dɛ ale tali la a sueri busisa pi ale siye.

¹⁴ Nuruma ale nya wakperikaliik kaai ate Yeezu a tom la, ba yaa weeni chaab ayen, <>

¹⁵ Yeezu ale ga miŋ ayen ba bobi wa naab la, wa yaa yiti dula jigini a cheŋ jo guutaŋa po wadek wa nyiini.

¹⁶ Wenni ale jam a siŋ la, wa ŋaaŋviirɔma yaa cheŋ nyakpiemu nɔi,

¹⁷ a ga jo ŋaaruŋ po ayen ba taam kunkɔŋni ndila a ga paari Kapernaum tɛŋka. Tɛŋka ale jam a sobri la, Yeezu an diem jam ba jigi ya.

¹⁸ Va kpioŋ a yaa deri yiti a fɔbi ba ŋaaruŋku ale a nye ate nyiamu a choa nna yegayega.

¹⁹ Wa ŋaaŋviirɔma ale dam ba ŋaaruŋku a cheŋ ga paari mɛɛla ŋata yaase ŋanaansi la, ba yaa nya Yeezu ale wa bo nyiamu zuk a cheŋ cheena ba jigi. Ba le ga nya wa la, yɔgsum yaa deri yik ba.

²⁰ Yeezu yaa weeni ba ayen, <>

²¹ Wa le ga paari ba ŋaaruŋku la, ba meena sue yaa peenti ate ba weeni wa ayen wa jo ŋaaruŋku po. Yeezu ale ga jo a gum ba po la, ba yaa deri paari kunkɔŋni kauk kuui ate ba a cheŋ la.

²² Vari ale veenti la, nuru baai ale tali wari nyakpiemu kunkɔŋi dindila la yaa nya ayen ka ŋaaruŋ yeŋ nyini ale bo dula, Yeezu mɛ abe ka ŋaaruŋku po ale wa ŋaaŋviirɔma, wa ŋaaŋviirɔma a cheŋ ka badek ba nyiini.

²³ Ale ge ŋaaruŋta ale nyini Tiberiasi jam moata juijui ate ba jam de ŋandiintaŋa ti Nyɔnɔwa Yeezu Kirisita a te jiamu la ŋaaŋnyiŋ.

²⁴ Nuru boanni ale nya ayen Yeezu ale wa ŋaaŋviirɔma a ka dula la, ba yaa jueli ŋaaruŋ fiisa a jam Kapernaum tɛŋka a gisi Yeezu.

²⁵ Nuruma ale ga nya Yeezu la, ba yaa bek wa ayen, <>

²⁶ Yeezu yaa weeni ba ayen, <

²⁷ Ni kan basi ate ni yam meena, a bo ale ŋandiin tii ale ti jam a kaasi la, alege ni basi ate ni yam meena a bo ale ŋandiin tii ale a te nyuvuri dii ale kan ta kpeglimka la. Tii ate Saalɔbiika ale te ni la. Ka dila ale soa ate mi a baga a pai nyuvuri dila a te ni. Wen dii ale ka mi Ko la a za ka mi ŋaaŋ ayen mi ka wa Nidoabili.>>

²⁸ Ba yaa bek wa ayen, <>

²⁹ Yeezu yaa weeni ba ayen, <>

³⁰ Ba yaa weeni wa ayen, <

³¹ Fi seba ayen ti kokpieŋsaŋa a jam dɛ ka ŋandiinta ate ba wi ayen manna la sagni po ase ba le ŋmarisi Wen Gbaŋka po ayen, >> (Yiila 78:24)

³² Yeezu a ŋman weeni ba ayen, <

³³ Ŋandiin tii ate Wen a te la a nye se ka waai ale nyini wenŋmazuk a jam ayen wa te tɛŋka demma nyuvuri dii ale kan ta kpeglimka la.>>

³⁴ Ba yaa weeni wa ayen, <>

³⁵ Yeezu yaa weeni ba ayen, <

³⁶ Mi poom liŋ weeni ayen ni nya mu kama alege ni diem ka siaka ale mu.

³⁷ Baai ate m Kowa a pai te mu la, ale jam m jigi ate m tuesi ba. Mi kan zɛri baai meena ale ba jam mi jigi la diipo diipo.

³⁸ Dii nyiŋla mi an nyini wenŋmazuk a jam ayen m tom ka mi dek ale a yaali diila alege ka Waai ale tom mu la ale a yaali diila.

³⁹ Waai ale tom mu la yaalika ale nna. Baai ate wa pai te mu la, m le nya ba zuk ate ba kan bɛ. Wa ale basi ate ba yiti kum po abe wa pai nyuvuri dii ale kan ta kpeglimka la a te ba.

⁴⁰ M Kowa yaalika ale nna ayen waai ale nya Nidoabinni ta siaka ale Wa la, ale te nyuvuri dii ale kan ta kpeglimka la. Wa ale basi ate wa yiti kum po kpeglimka danni.>>

⁴¹ Nuruma ale ga wom Yeezu ale a biisi dii ayen, <>

⁴² Ba yaa weeni chaab ayen, <>

⁴³ Yeezu yaa weeni ba ayen, <

⁴⁴ Nuru waai an baga a jam Mi jigiya ka m Kowa waai ale tom mu la, dek a nin dari wa a ta jam mi jigi, ate m basi ate wa yiti kum po kpeglimka danni ate wa nya nyuvuri dii ale kan ta kpeglimka la.

⁴⁵ Ku ŋmarisi biisiteerɔma gbaŋka po ayen, (Azaya 54:13) Baai meena ale a wom dii ate m Kowa a weeni ale a va wa sinsaŋŋa la, wa le ta ba jam Mi jigi.

⁴⁶ Nuru waai an diem nya mi Kowa. Mi waai ate wa tom ni jigi la, nyiini ale nya Wa.

⁴⁷ Wensie ate mi a weeni ni ayen baai meena ale ta siaka ale Mi la a poom tuesi nyuvuri dii ale kan ta kpeglimka la kama.

⁴⁸ Mi ale ŋandiin tii ale a te nyuvuri la.

⁴⁹ Ni kokpieŋsaŋa a jam dɛ ka ŋandiin tii ate ba a wi ayen manna la sagni po ale ge kpi,

⁵⁰ alege baai meena ale a dɛ nyuvuri ŋandiin tii ale nyini wenŋmazuk la, bala a kan kpi.

⁵¹ Mi ale nyuvuri ŋandiin tii ale nyini wenŋmazuk a jam la. Baai meena ale a dɛ ŋandiintaŋa de la ale boro taam wuu. Ŋandiin tii ate mi ayen m pai te ba la ale M nyiŋka, ate tɛŋka demma a nya nyuvuri dii ale kan ta kpeglimka la.>>

⁵² Juuma yaa ta nanpaga ale chaab ayen, <>

⁵³ Yeezu yaa weeni ba ayen, <

⁵⁴ Baai meena ale a ŋɔbi mi nyiŋka ale a nyu m ziimu la a poom tuesi wa nyuvuri dii ale kan ta kpeglimka la kama. M dan jam ayen m bo tɛŋzuk meena demma buusa, m le nak ba kum po a yiti.

⁵⁵ Mi nyiŋka ale ŋandiin maŋsaŋa dek ate M ziimu mɛ a chim nyu maŋka.

⁵⁶ Baai meena ale a ŋɔbi Mi nyiŋka ale a nyu Mi ziimu la a bo ale Mi kama ate Mi mɛ a bo ale ba.

⁵⁷ M Kowa waai ale ka nyuvuri nyɔnɔwa la, ale tom mu ni jigi. Wala nyiŋ ale soa ate mi boro. Suik kula po mɛ baai meena ale a ŋɔbi mi la, ale boro mi nyiŋ.

⁵⁸ Nyuvuri ŋandiintaŋa ale ŋandiin tii ate Moosis a jam pai te ni kokpieŋsaŋa ate ba dɛ ale kpi la, daa wayeŋŋa. Wen ale tom wa nyuvuri ŋandiintaŋa ate ti nyini wenŋmazuk a jam, ate baai meena ale ba dɛ ti la, a ta nyuvuri dii ale kan ta kpeglimka la.>>

⁵⁹ Yeezu a jam bo ka Juuma tuka dɔkku kuui ale bo Kapernaum tɛŋka po la, a sak wieŋa de meena.

⁶⁰ Yeezu ŋaaŋviirɔma yega ale jam wom dii ate wa sak la, a yaa weeni chaab ayen, <>

⁶¹ Alege Yeezu ale miŋ ayen wa ŋaaŋviirɔma a ŋuuni la, wa yaa weeni ba ayen, <

⁶² Ase ni dan nya Mi Saalɔbiika ale m ŋmani a jueli wenŋmazuk po, ni ale poli kase?

⁶³ Waai ale a te nyuvuri la ale Wen Chiika alege nurubiik pagrim an baga a nye kude. Mi ale biisi wie ŋaai a te ni la ale a basi ate Wen Chiika a jam ni jigi.

⁶⁴ Alege ni gela a ka siaka ale mi ale a sak diila.>> Yeezu ale piilim a sak wa ŋaaŋviirɔma la, wa jam seba baai ale ba kan ta siaka ale wa la kama ale waai ale wa ta wa a ga bobri a sak la.

⁶⁵ Dula jigini Yeezu yaa ŋman weeni ba ayen, <>

⁶⁶ Wa ŋaaŋviirɔma ale ga wom dila la, ba yega yaa deri basi wa ŋaaŋ vaka.

⁶⁷ Yeezu ale ga nya ba le nye diila, wa deri cheem wa ŋaaŋviirɔma pi ale bayewa jigi a bek ba ayen, <>

⁶⁸ Simon Piita yaa weeni wa ayen, <

⁶⁹ Tama abe ta siaka ale ŋa kama ale seba ayen ka fi ale Wen Nuru Weleŋka.>>

⁷⁰ Yeezu yaa weeni ba ayen, <>

⁷¹ Wa jam a biisi ka Judas, Simon Iskariot nidoabinni wie. Yeezu a jam seba ayen wa le wa bobri wa a sak.