Jɔɔn 3 - WEN GBAŊKA

¹ Nuru wanyi ale jam boro. Wa yuei jam le Nikodimusi. Wa jam ka Juuma nisɔmma po wanyi ale Farisiima po wanyi.

² Yɔk kunyi po ate nuruwa de yaa cheŋ Yeezu jigi a weeni wa ayen, <>

³ Yeezu yaa weeni wa ayen, <>

⁴ Nikodimusi yaa bek wa ayen, <>

⁵ Yeezu yaa weeni wa ayen, <

⁶ Waai ate ba biak nyiŋ lammu po la, ka nyiŋ lam, waai ate ba biak Chiika po la ka chiik.

⁷ Kan te ku cha fu mi ale weeni fu ayen,

⁸ Vioku a fuk a cheŋ ka juijui meena ate ku a yaali la, ate fi mɛ a wom ku fukka, alege fi zɛ ku le nyini juijui la yaase ku ale a cheŋ juijui la. Ku abe ka dila ale waai meena ate Wen Chiika a biak la.>>

⁹ Nikodimusi yaa bek wa ayen, <>

¹⁰ Yeezu yaa weeni wa ayen, <

¹¹ Wensie ate mi a weeni fu ayen ti a biisi ka wie ŋaai ate ti seba ŋa la, ale a weeni wie ŋaai ate ti nya ŋa la, alege ni waai a kan siak tama wieŋa.

¹² Ni ka siaka ale mi ase m nin weeni tɛŋka de zuk wie, ni abe ni nye ka sɛ a ta siaka ale mi ase m nin weeni wenŋmazuk wie?

¹³ Nuru karo a jueli wenŋmazuwa ka Mi Saalɔbiika ale nyini wenŋmazuk a jam tɛŋzuk de.

¹⁴ Ase Moosis ale jam mɛ waamu a yik diok woŋku nyiŋ a zak zaani sagni po la, dila dek ate ba le yik Mi Saalɔbiika a kpi jabarimu nyiŋ a zak zaani.

¹⁵ Ate waai meena ale a ta siaka ale mi la ale nya nyuvuri dii ale kan ta kpeglimka.

¹⁶ <

¹⁷ Wen an tom wa Nidoabinni ayen wa jam kaasi tɛŋzuk de demma, alege wa jam kama ayen wa vari ba a basi.

¹⁸ Baai ale ta siaka ale Wen Nidoabinni la, Wen a kan bo ba buusa. Baai ale kan ta siaka ale wa Nidoabinni la, Wen a poom bo ba buusa kama, dii nyiŋla ba an ta siaka ale wa bi yeŋka.

¹⁹ Buusaŋa abe le nna, ayen Bolimu a jam tɛŋzuk de kama, ate nurubiik a yaali legini a gaam Bolimu, dii la ba nyeelaŋa jam ka biem nyeela.

²⁰ Ba seba ayen ba dan bo Bolimu nyaka jigini a tom ba wabaataŋa, waai meena ale nya dii ate ba a nye la kama. Ka dila ale soa ate ba kan yaali ayen ba moata Bolimu jigini.

²¹ Alege baai ale a tom dii ale ka wensie la, bala a kan chali bolimu jigini boka. Ba a tom ba tuimaŋa ate ŋa a sak kama ayen ba a tom ka dii ate Wen a yaali la.>>

²² Kude ŋaaŋnyiŋ, Yeezu ale wa ŋaaŋviirɔma yaa basi dula jigini ale ge cheŋ Judia. Ba jam bo dula ka daa maga dega a te nuruba soka.

²³ Jɔɔn mɛ a jam a te nuruba soka Enon tɛŋka po, a moata Salim tɛŋka, dii nyiŋla nyiamu a jam zuak kama dula jigini. Nuruba yaa jam wa jigi ate wa te ba soka.

²⁴ Kude ŋaaŋnyiŋ ale ba yik Jɔɔn a lik la.

²⁵ Dai yeŋ po ate Juuma wanyi a yaa jam Jɔɔn ŋaaŋviirɔma jigi a ta nanpaga ale ba soka teka nyiŋ.

²⁶ Ba yaa jam Jɔɔn jigi a weeni wa ayen, <>

²⁷ Jɔɔn yaa weeni ba ayen, <

²⁸ Nama teeri ayen mi a poom weeni ni ayen, Wen a tom mi ate mi dɛ wa niŋ a jam ayen m gomsi suiku a magsi a te Wa.

²⁹ Nuru waai a dan faari nipok, ka wala dek ale soa wa. Mi a nye ase ka nipok fiaka nyɔnɔwa doa la. Mi sui a peenti kama ayen mi moata wa ale a wom wa lueluku. Nuruma a dan basi mi ale ge cheŋ Yeezu jigi ayen wa te ba soka, kula a peenti mi sui ka nna yegayega a gaam ku le poom ka diila.

³⁰ Ku magsi kama ayen wala a jueli ŋmai abe mi a bo tɛŋ.>>

³¹ Waai ale nyini wenŋmazuk la a gaam waai meena kama. Waai ale nyini tɛŋzuk de la, ka tɛŋzuk de nuru ale a biisi tɛŋzuk de wie, alege waai ale nyini wenŋmazuk la a gaam waai meena kama.

³² Wa a weeni ka wie ŋaai ate wa nya ale wom la alege waai a ka siaka ale ŋa.

³³ Alege waai ale ta siaka ale wa wieŋa la a sak kama ayen Wen ka wensie nyɔnɔ.

³⁴ Waai ate Wen tom la a biisi ka Wen wieŋa, dii nyiŋla Wen a basi ate wa Chiika a bo ale wa kama.

³⁵ Kowa a yaali wa Nidoabinni kama ate wa pai jaabuuri meena pagrim a te wa.

³⁶ Waai meena ale ta siaka ale wa Nidoabinni la a nya nyuvuri dii ale kan ta kpeglimka la kama. Waai meena mɛ ale kan ta siaka ale wa ale kan va wa nɔi la, a kan nya nyuvuri dila, alege Wen suipuurumu ale jam wa zuk.>>