Jɔɔn 19 - WEN GBAŊKA

¹ Paalɔt ale wom dii ate nuruma a weeni la, wa yaa basi ate tugurik tɔŋdɔma a miiri wa.

² Ba yaa yaali munsa a yɔk naam zutɔk vuk wa zukku ale ge pai garuk ŋmiŋmiruk a jo wa,

³ a fɔbi wa ale a puusi wa ayen, <>

⁴ Paalɔt yaa ŋman nyini Juuma jigi dabiaka po a weeni ba ayen, <>

⁵ Tugurik tɔŋdɔma yaa deri ta Yeezu a nyini zaani nuru boanni niŋ. Wa diem jam jo ka wa garuk ŋmiŋmiruku ale vuk wa naam zutɔkka. Paalɔt yaa weeni nuru boanni ayen, <>

⁶ Ase kaabteerɔ kpaŋŋa ale ba nuruba ale ga nya wa la, ba yaa kaari ate ku jueli ayen, <> Paalɔt yaa weeni ba ayen, <>

⁷ Nuru boanni a yaa weeni wa ayen, <>

⁸ Paalɔt ale wom dii ate ba weeni la, yɔgsum yaa yik wa nna yegayega.

⁹ Wa yaa ŋman cheŋ ga jo buusa yenni po, a bek Yeezu ayen, <> Alege Yeezu an tulisi ya.

¹⁰ Paalɔt yaa ŋman bek wa ayen, <>

¹¹ Yeezu yaa tulisi wa ayen, <>

¹² Kude nyiŋ Paalɔt yaa nye popola ayen wa basi wa, alege Juuma a kaari ate ku jueli ayen, <>

¹³ Ase Paalɔt ale ga wom wieŋa de la, wa yaa ta Yeezu nyini ale kali buusa boka zukpaglika zuk juijui ate ba a wi ayen tintana suik la, Yiburu tɛŋka biika po dula yuei ale Gabata.

¹⁴ Ku jam ka baŋ pi ale buye kantueŋ. Da dila danni mɛ ate Juuma a boro a gomsi ba Gaambasika Tigini daaŋa. Paalɔt yaa weeni nuru boanni ayen, <>

¹⁵ Ba yaa ŋman kaari ayen, <> Paalɔt yaa weeni ba ayen, <> Kaabteerɔ kpaŋŋa baai ale jam bo nuru boanni po la, yaa kaari ayen, <>

¹⁶ Paalɔt yaa jam weeni wa tugurik tɔŋdɔma ayen ba ta Yeezu a cheŋ a ga kpi wa jabarimu nyiŋ ate wa kpi. Ba yaa deri yik wa.

¹⁷ Ba jam pai ka jabarim a te Yeezu ayen wa ji ate ba cheŋ juijui ate Juuma a wi ale badek tɛŋka biika ayen, <> la. Dula jigini kiri a jam le zukoluku jigini.

¹⁸ Ba le ga paari ku jigini la, ba yaa pai wa a kpi jabarimu nyiŋ. Ba jam maa ta ka nuruba baye a jam kpi ŋanbarinta nyiŋ dula jigini a gum Yeezu po, ate wanyi a bo wa gala nwala mɛ a bo wa juga.

¹⁹ Paalɔt a jam ŋmarisi ka jaab a maŋ wa jabarimu nyiŋ. Dii ate ba jam ŋmarisi la ale, <>

²⁰ Ba le jam kpi Yeezu juijui la an yalima ale Jerusalem tɛŋka. Juuma yegayega yaa jam nyini ba tɛŋka a cheŋ ayen ba nya jabuui ale jam a nye la. Ba le ga paari dula jigini la, ba yaa nya tugurik tɔŋdɔma ale ŋmarisi dii a pai maŋ la. Ba jam pai ka biisa buta a ŋmarisi, si jam ka Juuma ale Girik demma ale Aroom demma biisaŋa.

²¹ Juuma kaabteerɔ kpaŋŋa yaa weeni Paalɔt ayen, < alege nuruwa de ayen, >>

²² Paalɔt yaa tulisi ayen, <>

²³ Tugurik tɔŋdɔma ale jam kpi Yeezu jabarimu nyiŋ la, ba yaa pai wa gattaŋa a lab bunaansi, tugurik tɔŋdɔ meena kunyi, ale wa garuk woŋku mɛ. Alege garuk woŋku ba jam yɔk ku kama a nyini ŋmazuk a siŋ tɛŋ.

²⁴ Ba yaa weeni chaab ayen, <> Tugurik tɔŋdɔma ale ga nye dila la, dii ate ba jam ŋmarisi Wen Gbaŋka po la a chim wensie. Ba ŋmarisi ayen, <> (Yiila 22:18) Tugurik tɔŋdɔma ale jam nye diila ale la.

²⁵ Yeezu mawa, ale wa mawa suoku, ale Kolopase powa Mɛɛri ale Mɛɛri Magdalene ale jam za a moata Yeezu kama.

²⁶ Yeezu yaa nya wa mawa ale wa za moata wa ŋaaŋviirɔ waai ate wa jam a yaali nna yegayega la. Wa yaa weeni wa mawa ayen, <>

²⁷ Yeezu yaa ŋman weeni wa ŋaaŋviirɔ waai ate wa a yaali nna yegayega la ayen, <> A nyini da dila danni, a cheŋ ŋaaŋviirɔwa yaa jam ta Mɛɛri a kuli wadek yenni.

²⁸ Yeezu ale weeni dila la, wa yaa deri seba ayen wa tuimaŋa tɛŋzuk de a nueri kama, ate wa yaa weeni ayen, <> Wa weeni wieŋa de kama ate dii ate ba ŋmarisi Wen Gbaŋka po dipo la a chim wensie.

²⁹ Damiisiŋ ale jam bo chin po a za dula, nuru baai ale jam za dula jigini la wanyi a yaa yaali sosok a pai lusi bu po a pai yik diok woŋ nyiŋ a zak ta jueli Yeezu jigi ayen wa nyu.

³⁰ Yeezu yaa nyu ale weeni ayen, <> Wa le weeni dila a ga nueri la, wa yaa deri chigsi wa zukku tɛŋ a kpi.

³¹ Ase ku le jam ka Gomsika Dai la, ba an jam a yaali ayen Yeezu nyiŋka a bo jabarimu zuk Vuusum Danni ale paasaŋ la, Juuma yaa weeni Paalɔt ayen wa te suik ate ba wɛ ba naŋsaŋa abe ba yeeri ba ŋanbarintaŋa zuk.

³² Wa yaa siak ate ba cheŋ. Ba le ga la, ba yaa liŋ wɛ nuru baai bayewa ate ba kpi a gum Yeezu po dula jigini la naŋsaŋa.

³³ Ba le ga ayen ba wɛ Yeezu naŋsaŋa la, ba yaa nya ale wa kpi kama ate ba yaa pai wa naŋsaŋa weka a basi.

³⁴ Tugurik tɔŋdɔma wanyi yaa pai gbaluk a chubi wa gauŋku ate ziim ale nyiam a nyini.

³⁵ Ka mi dek, Jɔɔn, ale nya ale m nina. Ka dila ale soa ate mi ale ŋmarisi diila ka wensie la. Mi a weeni ni kama ayen ni ta siaka ale ku.

³⁶ Kude a nye kama ayen Wen wieŋa a chim wensie. <> (Yiila 34:20)

³⁷ Ba ŋman ŋmarisi Wen Gbaŋka po ayen, <> (Zakaria 12:10)

³⁸ Ku ŋaaŋnyiŋ Josefi Arimatia denɔwa ale jam ka Yeezu susugi ŋaaŋviirɔ Juuma yɔgsum chalika nyiŋ la, yaa ga bek Paalɔt ayen wa te wa suik ate wa ta Yeezu nyiŋka ga gu, ate Paalɔt a te wa suik ate wa ga yeeri nyiŋka a ta cheŋ.

³⁹ Nikodimusi waai ale jam liŋ cheŋ Yeezu jigi yokku la, a jam maa bo dula kama a yaa ta wa kpaam, bu nyummu a jam masa kama.

⁴⁰ Ba yaa jam pai kpaamu a sa Yeezu nyiŋka ale ge a pai guka garuk pali naliŋ a vili wa. Juuma ale a gu ba nuruba diila ale la.

⁴¹ Juijui ate ba kpi Yeezu jabarimu nyiŋla, ba jam vuk ka tiisa. Dula jigini puŋ vɔrup ale jam boro ate ba an diem a gu nuru du a nya ya.

⁴² Ba jam a yaali ayen ba ta Yeezu a ga gu ka vɔrup bula po, dii nyiŋla Juuma Gomsika daaŋa a jam paari kama a nueri.