Jɔɔn 17 - WEN GBAŊKA

¹ Yeezu ale biisi a ga nueri la, wa yaa zak wa zuk a nya wenŋmazuk a weeni ayen, <

² Fi te mu pagrim kama nurubiik meena zuk ayen m baga a pai nyuvuri dii ale kan ta kpeglimka la a te baai meena ate fi a te mu la.

³ Fi ka wanyi dekki ale wensie Wen ale Yeezu ate fi tom la, wala nyiini ale ta nyuvuri dii ale kan ta kpeglimka la.

⁴ Tuim ŋaai ate fi pai te mu ayen m tom la a basi ate tɛŋka meena demma a nya fi zulaŋa ale fi nalimu kama. Yɔgyɔgla de mi abe nueri tuimaŋa kama.

⁵ M Koa, te mu zula fidek nimbie po, zula ŋaai ate mi ale fi a jam ta alege ate fi nye tɛŋka la.

⁶ <

⁷ Yɔgyɔgla de ba yaa seba ayen jaabuuri meena ate mi ta la a nyini ka fi jigi.

⁸ Wie ŋaai ate fi a weeni mu la, m pai ŋa kama a sak ba, ate ba ta siaka ayen ka fi ale tom mu ba jigi.

⁹ M kan puusi a te ka tɛŋka meena demma, alege mi a puusi a te ka baai ale ta siaka ale mi la. Fi ale soa ba ale lueri ba a te mi.

¹⁰ Mi nuruba meena ka fi nuruba. Fi nuruba mɛ meena ka mi nuruba. Ba ale va mi diila a sak ka nuruba ayen mi ta zula ka nna yegayega.

¹¹ Yɔgyɔgla de mi cheena ka fi jigi, m kan ŋman bo tɛŋzuk de, alege bala dek ba nyiini ale ba bo tɛŋzuk de. M Ko Weleŋa a nya ba zuk nalimnyiini ale fi pagrimu ate ba chim bunyi ase mi ale fi ale ka bunyi diila.

¹² Ase mi ale diem a jam bo ale ba diila, mi pai ka fi pagrimu a nya ba zuk. Mi a nya ba zuk kama ate ba wanyi an bɛ ya, alege ka waai ale yeeri wadek ayen ba ale ŋmarisi wa wie dii Wen Gbaŋka po dipo la a jam chim wensie.

¹³ <

¹⁴ Wie ŋaai meena ate fi weeni mu la m pai ŋa kama a sak ba. Tɛŋka demma a kisi ba kama, dii nyiŋla ba daa bunyi ale tɛŋzuk de demma ase mi ale tɛŋka demma mɛ ale kan daa bunyi diila.

¹⁵ Mi a kan puusi a te fu ayen ka fi yeeri ba tɛŋka po a basi, alege mi a yaali kama ayen fi lik ba a tanla ate jabioku a kan paari ba.

¹⁶ Ba le tɛŋzuk de demma a daa bunyi ase mi ale tɛŋka meena demma ale kan daa bunyi diila.

¹⁷ Basi ate ba welema wensieŋa po, Fi wanni ka wensie.

¹⁸ Mi ale a tom ba ayen ba cheŋ a ga sak tɛŋka meena demma fi wie ase fi ale tom mi mɛ ayen m jam a sak ba diila.

¹⁹ Ba nyiŋ mi welema kama m dek, ate ba mɛ dek a baga a welema wensieŋa po.

²⁰ <

²¹ ayen ba meena a chim bunyi m Koa, ase fi ale bo mi po ate mi a bo fi mɛ po la, ayen ba mɛ a bo ti po, ate dila ale basi ate tɛŋzuk de meena a seba ayen ka fi ale tom mu.

²² <

²³ Mi a bo ale ba kama ate fi a bo ale mi ayen ba ta nɔiyeŋ ate tɛŋka demma a seba ayen fi ale tom mi alege a yaali ba ase fi ale a yaali mi diila.

²⁴ M Koa, mi a yaali ayen baai ate fi a te mi la mɛ, a bo ale mi juijui ate mi a cheŋ la, ate ba ta m zulaŋa, ŋaai ate fi a te mu a ta va fi yaalika a nyini tɛŋzuk de nyubini piilimka danni la.

²⁵ <

²⁶ Mi basi ate ba seba fi yuenni kama, m be le basi ate ba seba di, ate yaali kaai ate fi ta ale mi la a bo ba mɛ jigi, ate mi a bo ba po.>>