Jɔɔn 16 - WEN GBAŊKA

¹ <

² Juuma ale yiak ni ba tuka diinaŋa po a basi. Ku danni mɛ dek ale jam paari ate baai ale ba ko ni la a poli ayen ba a tom ka dii ate Wen a yaali la.

³ Ba le nye ni nyaŋa de meena, dii nyiŋla ba zɛ mi yaase m Kowa.

⁴ Mi a weeni ni wieŋa de kama ate da ŋala, dan paari ate ba boro a nye ni dila abe ni teeri mi ale weeni ni diila. Mi an weeni ni wieŋa de piilimka po, diila m le jam bo ale ni la.

⁵ <

⁶ Mi ale weeni ni wieŋa de meena la a nye kama ate ni sue a kaasi nna yegayega.

⁷ Alege wensie ate mi a weeni ni, ku ale zunchoŋ ni jigi ase m nin cheŋ m Kowa jigi, dii nyiŋla m dan kan cheŋ ya, Sagrɔwa a kan jam ni jigi ya. Alege m dan cheŋ m le tom wa ate wa jam a maari ni.

⁸ Ase wa dan jam wa le basi ate tɛŋka demma a seba wensieŋa a magsi chaab ale tuimbaata ale wayɔrisima ale buusa boka.

⁹ A magsi chaab ale tuimbaata, dii nyiŋla ba ka siaka ale mi.

¹⁰ A magsi chaab ale wayɔrisima, dii nyiŋla mi a cheŋ ka Kowa jigi ate ni kan ŋman nya mu.

¹¹ A magsi chaab ale buusa boka, dii nyiŋla waai ale soa tɛŋka a nya la ba bo wa buusa kama.

¹² <

¹³ Wen Chiika kaai ale ka wensie nyɔnɔ la, ale jam a bo ni suiniimaŋa po, ka le dɛ ni niŋ a sak ni wensie suiku. Ka le ka sak ni diila a kan nyini daa ka dek jigi ya. Wie ŋaai ate mi ale m Kowa a weeni ka la, ŋala ale ka pai a sak ni. Ka le sak ni mɛ wie ŋaai ale diem cheena ayen ŋa nye la wie.

¹⁴ Ka le te mi zula yegayega, dii nyiŋla ka le wom mi wie ŋaai ate mi a weeni ka la abe ka pai a sak ni.

¹⁵ Jaabuuri meena ate m Kowa a ta la ka mi ale soa. Ka dila ale soa ate mi a weeni ni ayen Wen Chiika ale wom dii ate mi a weeni ka la abe ka pai a sak ni.

¹⁶ <>

¹⁷ Wa ŋaaŋviirɔma gela yaa weeni chaab ayen, <>

¹⁸ Ba weeni ayen, <>

¹⁹ Yeezu a jam seba kama ayen ba a yaali ayen ba bek wa kama. Wa yaa weeni ba ayen, <

²⁰ Wensie ate mi a weeni ni le kum abe ni a fɔbili alege ate tɛŋzuk de demma sue peenti, niniga ale paari ni alege niniŋŋa ale tulim chim suipeentik.

²¹ Nipok a dan boro a dom wa puuk, wa sui a nyiem kaasi kama. Wa dan biak nueri, wa a baŋ sui kaasuŋku kama, ale ta suipeentik wa biika nyiŋ.

²² Nama sue a kaasi kama yɔgyɔgla de, alege m dan ŋman nya ni, ni sueŋa a peenti kama nna yegayega. Nuru karo a baga a tuesi suipeentika de ni jigi ya.

²³ <

²⁴ A ta nyini dila po a jam paari jinla danni, nama an diem a juisi wa jaaboa mi yuenni nyiŋŋa. Ni be juisi wa ate wa te ni ate ni sueŋa a peenti a gaam taam.

²⁵ <

²⁶ Dai dila danni, ni le bek mi yuenni nyiŋ, ate mi ale weeni ni ayen, m le puusi a weeni ni wie a te m Kowa.

²⁷ Mi Kowa ale te ni jabuui ate ni a yaali la, dii nyiŋla wa a yaali ni ka nna yegayega. Nama a yaali mu kama ale ta siaka ayen m nyini ka m Kowa Wen jigi.

²⁸ Mi a nyini ka wa jigi a jam tɛŋzuk de. Yɔgyɔgla de mi a basi tɛŋzuk kama ayen m ŋmani cheŋ wa jigi.>>

²⁹ Wa ŋaaŋviirɔma yaa weeni ayen, <

³⁰ Ti seba ayen fi seba wie meena kama. Ku daa nuru ŋman bek fu bega. Kude a basi kama ate tama a ta siaka ayen fi nyini ka Wen jigi.>>

³¹ Yeezu yaa weeni ba ayen, <

³² Di danni a cheena, di poom jam kama, ate nama a waaŋ chaab ate nuru meena a kuli wa yeri abe ni ge mi nyiini, ale ge m kan boro m dek nyiini, m Kowa a bo le mu kama.

³³ Mi weeni ni ŋade kama ayen, mi jigi ni le nya suiyɔgni. Tɛŋka de zuk ni le nya daanika, alege ni basi ate ni sue peenti, mi nak de tɛŋzuk de kama.>>