Jɔɔn 15 - WEN GBAŊKA

¹ <

² Wa nyiem a kasim a gebi naŋ sii ale kan a yɔni la a basi kama ale a gebi sii ale a yɔni la a magsi chaab ate si a yɔni yɔna yega.

³ Wen a poom liŋ sugri ni suiniimaŋa kama ale wie ŋaai ate mi a sak ni la.

⁴ Ni be kasim a bo ale mi ate mi mɛ a bo ale ni. Naŋ a kan baga yɔni yɔna ka dega, ka naŋka a nin bo kinni nyiŋ ale ka baga a yɔni. Ni dan kan bo ale mi ni kan baga a nye wari ya.

⁵ Mi ale kinni alege nama a chim naŋsaŋa. Waai ale bo ale mi ate mi mɛ a bo ale wa la ale yɔni yɔna yega. Ni kan baga a nye wari ya ka mi nin bo ale ni.

⁶ Waai ale kan bo ale mi la m Kowa ale gebi wa a basi ase tiib naŋsa la, naŋ sila a dan ko ba tigsi si kama a nyo bolim po a ju.

⁷ Ni dan bo ale mi ate m wieŋa a bo ale ni, ni dan juisi jabuui ate ni a yaali la Wen ale te ni.

⁸ Ni dan a yɔni yɔna kula ale sak ayen ni ka mi ŋaaŋviirɔba ate m Kowa a nya zula.

⁹ Mi a yaali ni ase ka m Kowa ale a yaali mu diila. Ni kasim a ta yaalika ale mu.

¹⁰ Ni dan ta m wieŋa, ni le bo m yaalika po ase m le ta m Kowa wieŋa abe m bo wa yaalika po.

¹¹ Wieŋa de meena mi a biisi ale ni kama ayen m suipeentika a bo ni po, ate ni suipeentika a zuak.

¹² <

¹³ Nuru ka yaali kpieŋ a gaam ka de, ate waai a zaani wa doaba naŋkula po a kpi a te ba.

¹⁴ Ni dan a va dii ate mi a sak ni la, ni ka mi doaba.

¹⁵ Wie ŋaai meena ate m Kowa a weeni mu la, ŋala ale mi a pai weeni ale ni. Ka dila ale soa ate mi a weeni ayen ni ka m doaba la. Mi kan yaali ayen m ŋman weeni ayen ni ka mi yɔm, dii nyiŋla yɔma a zɛ wa nyɔnɔ ale ta diila.

¹⁶ Daa nama ale lueri mi, alege ka mi ale lueri nama ayen ni a yɔni yɔna ate yɔnaŋa a boro ate dii meena ate ni a bek Kowa mi yuenni nyiŋ la, wa le te ni.

¹⁷ Dii ate mi a weeni ni la ale ni a yaali chaab nalimnyiini.

¹⁸ <

¹⁹ Ase ni dan ka tɛŋzuk de dem, ka ti a yaali ni wari kama, alege ni ale kan daa tɛŋzuk de dem, alege ka mi ale lueri ni a nyini ka po la nyiŋ, dila ale soa ate ka kisi ni.

²⁰ Ni teeri dii ate m weeni ni ayen tomteerɔ an baga a zuak a gaam wa nyɔnɔ la. Ba jam a daani mi ka nna yegayega. Dila dek dek ate ba a yaali ayen ba daani nama mɛ. Ba dan wom mi wanni kama, ba te le wom nama wieŋa mɛ.

²¹ Ba le daani ni dii nyiŋla ba zɛ waai ale tom mi la. Ba le ŋman a daani ni, ni ale a va mi la nyiŋ.

²² M jam kama ayen m weeni ba ate ba basi ba wabaataŋa suiku vaka, alege ba zɛri. Dila nyiŋ Wen a dan bo ba buusa ayen ba lo ya, ba an ŋman baga a weeni wari ale wa.

²³ Waai ale kisi mi la, a kisi m Kowa mɛ kama.

²⁴ Mi tom ka tuimkperikaliik sii ate waai an baga a tom la, ba nimbie po. Dila nyiŋ Wen ale weeni ba ayen ba nye kaasiya. Badek a nya ŋaai meena ate mi a nye la kama ale ba nimbie alege ba diem kisi mi ale m Kowa.

²⁵ Ba kisi mu nna la kama ayen dii ate ba ŋmarisi Wen Gbaŋka po la a chim wensie. Ba ŋmarisi ayen, (Yiila 35:19)

²⁶ <

²⁷ Ate nama mɛ a baga a biisi mi wie dii nyiŋla ni bo ale mu kama a nyini piilimka.