Jɔɔn 12 - WEN GBAŊKA

¹ Ku le jam tali daa ŋayuebi ate Gaambasika Tigini a paari la, Yeezu yaa ŋman cheŋ Betani tɛŋka. Lazarus waai ate Yeezu a jam nak wa a yiti kumu po la yenni.

² Lazarus toama a jam nye ka ŋandiinta ayen ba dɛ ate Yeezu ale Lazarus a yaa jam kala ale chaab ate Marta a yaa ta ŋandiintaŋa a jam te ba.

³ Mɛɛri yaa ta kpaam ate bu nyum a masa ate bu ligraŋa mɛ a pagra nna yegayega. Wa kpiiri a basi Yeezu naŋsaŋa nyiŋ a yaa le ge a yik wa zukku zuisaŋa a bili si. Yenni meena a jam sueri ale ka kpaamu nyummu.

⁴ Yeezu ŋaaŋviirɔma po Judas Iskariot jam le waai ale wa ta Yeezu a ga bobri sak la. Wa le ga nya dii ate Mɛɛri a nye la, wa yaa weeni ba ayen,

⁵ <>

⁶ Judas niŋ a jam karo ale ŋanjaksa maarika, dii nyiŋla wa jam ka zue. Wala ale jam a nya Yeezu ŋaaŋviirɔma ligraŋa zuk ale a pai ŋa gela a maari wadek.

⁷ Yeezu yaa weeni wa ayen, <

⁸ Ŋanjaksa a kasim bo ale ni kama, alege mi a kan bo ale ni a beni.>>

⁹ Nuruba yega ale jam wom ayen Yeezu a bo Betani tɛŋka la, ba yaa cheŋ ayen ba nya wa. Ba jam a yaali ayen ba nya Lazarus waai ate Yeezu a nak wa kum po a yiti la.

¹⁰ Kaabteerɔ kpaŋŋa ale jam a gisi suik ayen ba ko Yeezu la, a jam a yaali ayen ba ko Lazarus kama mɛ.

¹¹ Dii nyiŋla Juuma yega a jam a basi ba kama ale ge a ta siaka ale Yeezu wa ale nak Lazarus a yiti kummu po la.

¹² Vari ale veenti la nuru boanni ale jam ayen ba maa dɛ Gaambasika Tigini la, a yaa wom ayen Yeezu a cheena Jerusalem.

¹³ Ba yaa ŋasi kpinkparuk vaata a cheŋ ba tu wa ale kaari a weeni ayen, <>

¹⁴ Yeezu yaa nya boniŋ paalik a dɔ ka, ase ku le ŋmarisi dii ayen,

¹⁵ <> (Zakaria 9:9)

¹⁶ Yeezu ŋaaŋviirɔma an jam a miŋ nya kude kiri ya alege, ka wa le jam a kpi a ŋman yiti kum po a jueli wenŋmazuk la, ale basi ate ba yaa teeri dii ate ba jam a ŋmarisi la kiri.

¹⁷ Nuru baai ale jam boro a nya Yeezu ale nak Lazarus yiti kum po la, ale weeni dii ale nye la a sak nuruma.

¹⁸ Ka dila ale soa ate nuruba yegayega a jam nyini a tu Yeezu la. Ba jam wom kama ayen wa ale tom wakperikaliika de.

¹⁹ Farisiima yaa weeni chaab ayen, <>

²⁰ Va ŋala po baai ale kan daa Juuba la ale jam bo ba po ba maa dɛ Gaambasika Tigini.

²¹ Ba yaa jam Yeezu ŋaaŋviirɔma wanyi Filip jigi. Wa jam nyini ka Beteseida ate ka bo Galili tɛŋka la. Ba yaa weeni wa ayen, <>

²² Filip yaa ga weeni Andiru ate ba nɔi bayewa a yaa va chaab a ga weeni Yeezu.

²³ Yeezu yaa weeni ba ayen, <

²⁴ Wensie ate mi a weeni ni, ka za biri a nin bori a poak, kan daa di di ka di dek di nyiini, ale ge fi dan bori di, di a poak kama ale ge a nyini a bɛ bie a piisi.

²⁵ Waai ale a yaali wa nyuvuri la a jɔk di kama, waai ale kisa wa nyuvuri tɛŋka de zuk la ale nya nyuvuri dii ale kan ta kpeglimka la.

²⁶ Baai ale a yaali ayen ba tom a te mi la a jam va mi ate ba bo juijui meena ate mi a boro la. Ba dan nye dila, m Kowa ale te ba zula.>>

²⁷ Wa yaa weeni ayen, <

²⁸ M Koa, basi ate fi yuenni a nya zula.>> Lueluk a nyini wenŋmazuk a weeni ayen, <>

²⁹ Nuru boanni ale jam za dula jigini a wom lueluku la a yaa weeni ayen, <> Ba gela ayen, <>

³⁰ Yeezu yaa tulisi ayen, <

³¹ yɔgyɔgla de ale tɛŋzuk de buusa boka, yɔgyɔgla de tɛŋzuk de niŋdeerɔwa Sitaana ba le yiak wa a basi.

³² Ate m yaa dan kpi a yiti m le ta nuru meena a jam m dek jigi.>>

³³ Wa ale weeni kude la a jam a sak ka wa le wa nam dii a kpi la.

³⁴ Nuru boanni yaa weeni wa ayen, <>

³⁵ Yeezu yaa weeni ba ayen, <

³⁶ Ni le diem ta bolimu la, ni ta siaka ale bolimu, ate ni chim bolimu nidoabilisa.>> Yeezu ale biisi a nueri la, wa yaa cheŋ a ga suk.

³⁷ Yeezu a jam tom ka wakperikaliisa nna yegayega nuruma meena nimbie, alege ba jam ka siaka ale wa.

³⁸ Ka dila ale soa ate dii ate Wen biisiteerɔ Azaya a weeni la a chim wensie la. Wa weeni ayen, <> (Azaya 53:1)

³⁹ Azaya a ŋman ŋmarisi baai ale jam kan ta siaka ale Yeezu la wie ayen,

⁴⁰ <> (Azaya 6:10)

⁴¹ Azaya a jam weeni kude kama, dii nyiŋla wa nya ka Yeezu zulaŋa a biisi wa wie.

⁴² Juuma kpaŋŋa yega a jam ta siaka ale Yeezu kama, alege ba an jam a biisi wa wie a lagri, dii nyiŋla Farisiima ale yiak ba ba tuka diinaŋa po,

⁴³ dii la, ba jam yaali nuruba pimpauk a gaam Wen pimpauk kama.

⁴⁴ Yeezu yaa basi ate wa lueluku a jueli ayen, <

⁴⁵ Nuru waai ale nya mi la, a nya Naawen dii ale tom mu la mɛ kama.

⁴⁶ Mi a jam tɛŋka de zuk meena kama ase bolim la ayen baai meena ale ta siaka ale mi la a kan ŋman bo legi po.

⁴⁷ Mi a kan bo baai meena ale a wom mi wieŋa ale kan va ŋa la buusa. Mi an jam ayen m bo ka tɛŋka meena demma buusa, alege m jam ayen m vari ba ka ba tuimbaataŋa po a basi.

⁴⁸ Tɛŋzuk meena kpeglimka a dan jam paari, wie ŋaai ate mi a biisi la ale bo nuru baai meena ale a zɛri mi ale m wieŋa la buusa.

⁴⁹ Mi ale a sak nama wie ŋaai la an nyini daa mi dek jigiya, alege m Kowa waai ale tom mu la ale te mu wieŋa ayen m sak ni.

⁵⁰ Wie ŋaai meena ate wa pai te mu la mi pai ŋa a sak ni kama. Wa wieŋa a te ka nyuvuri dii ale kan ta kpeglimka la.>>