Jeremaya 43 - WEN GBAŊKA

¹ Jeremaya ale biisi Naawen ba Wenni wieŋa a te nuruma nueri la, wari meena ate Naawen a tom wa ayen wa weeni ba la,

² Yosaya nidoabinni Azariya ale Karea nidoabinni Joyanan ale kanjanta nyama meena yaa weeni Jeremaya ayen, <

³ Alege ka Neria nidoabinni Baruk ale a choa fu a ta chaab ale ti ayen fi pai ti a te Kaldiya demma ate ba ko ti yaase ba ji ti ta cheŋ Babilon.>>

⁴ Dila Karea nidoabinni Joyanan ale tugurik tɔŋdɔ kpaŋŋa ale nuruma meena an va Naawen ale weeni ayen ba bo Juda tɛŋka po la.

⁵ Karea nidoabinni Joyanan ale tugurik tɔŋdɔ kpaŋŋa a goanti ta Juda nuru baai ale tali a pilim nyini tɛŋ sii meena ate ba waaŋ a cheŋ la a jam a cheŋ kama.

⁶ Ba maa ta nidoama meena ale nipooma ale bisaŋa ale naawa liema ate tugurik tɔŋdɔma kpagni Nebuzaradan a tali te Ayikam nidoabinni Gedalia ale Safan nidoabinni ale biisiteerɔwa Jeremaya ale Neria nidoabinni Baruk.

⁷ Dila ba yaa jo Ejipiti ale ge an zuli Naawen ale cheŋ a paari Tayapanes.

⁸ Tayapanes po Naawen wanni yaa jam Jeremaya jigi:

⁹ <

¹⁰ Yaa weeni ba ayen,

¹¹ Wa le jam siti Ejipiti, a ta kum a jam baai ale magsi kum la ale yikka a magsi baai ale magsi yikka la ale gebik a magsi baai ale magsi gebik la.

¹² Wa le ju Ejipiti wenaŋa yeeŋa. Wa le ju ba wenaŋa yeeŋa alege yik ba wenaŋa. Ase naapeerik ale pai wa garuk a bobi wadek diila m le bobi Ejipiti a gilim ka dek a basi dula dikdik.

¹³ Wenbinni yenni po On wa le ŋɔriŋ tuilum zaŋŋa abe wa ju Ejipiti wenaŋa yeeŋa a basi.> >>