Jeremaya 40 - WEN GBAŊKA

¹ Wanni yaa nyini Naawen jigi a jam Jeremaya jigi tugurik tɔŋdɔma kpagni Nebuzaradan ale lak wa Arama basi la ŋaaŋnyiŋ, wa jam nya kama ayen chɔrima ale bobi Jeremaya ate wa ta bo baai ate ba yik ta nyini Jerusalem ale Juda a jam Babilon la po.

² Kpagni ale nya Jeremaya la, wa yaa weeni wa ayen, <

³ Ate yɔgyɔgla de Naawen a ta ku jam, wa nye ase ka wa le weeni ayen wa nye diila. Kude meena a nye kama dii nyiŋla nama a tom kaasi Naawen kama ale an zuli wa.

⁴ Alege jinla mi a yeeri chɔrimaŋa kama fi nisimaŋa po. Fi daa yaali va mu a jam Babilon ate mi a nya fi zuk, alege fi dan kaa yaali, kan jam. Nya, tɛŋka meena a doa ka fi niŋ, a cheŋ juijui meena ate fi a yaali la.>>

⁵ Jeremaya ale cheem ayen wa cheŋ la, Nebuzaradan yaa gum du ayen, <<Ŋman cheŋ Ayikam nidoabinni Gedalia jigi ate wa kokpieŋ a nye Safan la, waai ate Babilon naawa a lueri ayen wa a nya Juda tɛŋsaŋa zuk la, a bo le wa ale nuruma, yaase jigi meena ate fi a yaali la.>> Ate kpagni a yaa te wa ŋanta ale basi ate wa cheŋ.

⁶ Jeremaya yaa cheŋ Ayikam nidoabinni Gedalia jigi Mizpa a bo ale nuru baai ale jam tali tɛŋka po la.

⁷ Tugurik tɔŋdɔ kpaŋŋa ale ba nuruma ale jam diem bo tɛŋka peelimmu po la yaa wom ayen Babilon naawa a lueri ka Ayikam nidoabinni Gedalia ayen wa a nya tɛŋka zuk la ale nidoama ale nipooma ale bisaŋa baai ale jam jaŋ tɛŋka po la ate ba an jam ji ba a ta cheŋ Babilon la,

⁸ ba yaa jam Mizpa. Dila Netania nidoabinni Ismael ale Karea nidoabilisaŋa Joyanan ale Jonatan ale Tanhumet nidoabinni Seraiya ale Netofat denɔwa Efai nidoabilisaŋa ale Maaka denɔwa nidoabinni Jezaniya ale ba nuruma yaa cheŋ Gedalia jigi Mizpa.

⁹ Ayikam nidoabinni Gedalia ate wa kokpieŋ a nye Safan la a yaa pɛ ayen wa basi ate ba ale ba nuruma a seba chak. Wa weeni ba ayen, <

¹⁰ Mi dek ale tagri ni zuk a bo Mizpa a magsi Kaldiya demma a nin jam ti jigi, alege nama a su daamu abe ni a tigsi yɔnaŋa ale kpaamu a nyo ni samɔnsaŋa po abe ni bo tɛŋ kpaŋsaŋa po.>>

¹¹ Juuma ale bo Moab ale Ammon ale Edom ale tɛŋ sinsila meena la ale wom ayen Babilon naawa a tali nuruba basi Juda ale lueri Ayikam nidoabinni Gedalia ate wa kokpieŋ a nye Safan la ayen wa a nya ba zuk la,

¹² ba meena yaa ŋman jam Juda tɛŋka Gedalia jigi Mizpa po. Ba jam nyini ka tɛŋ sii meena ate ba jam waaŋ a cheŋ la. Ate ba jam gbesi yɔna piisi ale nya daam yega.

¹³ Karea nidoabinni Joyanan ale tugurik tɔŋdɔ kpaŋŋa ale diem bo tɛŋka peelimmu po la a yaa jam Gedalia jigi Mizpa

¹⁴ a weeni wa ayen, <> Alege Ayikam nidoabinni Gedalia an siak ba le weeni diila.

¹⁵ Karea nidoabinni Joyanan yaa weeni Gedalia dek wa nyiini Mizpa ayen, <>

¹⁶ Alege Ayikam nidoabinni Gedalia a weeni Karea nidoabinni Joyanan ayen, <>