Jeremaya 39 - WEN GBAŊKA

¹ Juda naawa Zedekia bena neokku po chiisa piika po Babilon naawa Nebukadnezzar ale wa tugurik tɔŋdɔma meena yaa gɔk santiri a ta chaab ale Jerusalem ale gilim kasi ka.

² Ate Zedekia bena pi ale dinyiwa po chiisa sinaansiwa po ka daa neokku danni, ba wɛ tɛŋka parika a jo.

³ Babilon naawa kpaŋŋa meena yaa jam tuesi kalisa jigi Suŋsuŋ Nansuiŋku. Kpaŋŋa jam le Nergal Sarezer ale nyini Samgar ale kpagi kpienni Nebo Sarsekim ale Nergal Sarezer niŋdeerɔ kpioŋ ale Babilon naawa kpaga ŋachaab.

⁴ Juda naawa Zedekia ale wa tugurik tɔŋdɔma meena ale nya ba la, ba yaa chali. Ba yaa basi tɛŋka yok ale va naawa kadukka po a va parisa siyewa suŋsuŋ nansuiŋku a nyini a duŋ Araba.

⁵ Alege Kaldiya tugurik tɔŋdɔma a vi ba a ga yik Zedekia Jeriko peelimmu po. Ba jam yik wa kama a ta wa ga te Babilon naawa Nebukadnezzar Aribla ale bo Yamat la, juijui ate wa mooli ba le ba nye wa diila.

⁶ Babilon naawa yaa tɔgri Zedekia nidoabilisaŋa wa nina po Aribla tɛŋka ale ko Juda kpaŋŋa meena mɛ.

⁷ Wa jam yeeri Zedekia ninaŋa kama ale bobi wa ale kutuk mɔnuŋ chɔrima a ta cheŋ Babilon.

⁸ Kaldiya demma a ju naab yenni ale nuruma yeeŋa bolim ale wɛ Jerusalem parisaŋa a lɔnsi.

⁹ Nebuzaradan ale a nya tugurik tɔŋdɔma zuk la yaa ji nuru baai ale tali tɛŋka po la, ale baai ale jam cheŋ wa jigi la, ale nuru mbala meena a ta cheŋ Babilon.

¹⁰ Alege Nebuzaradan tugurik tɔŋdɔma kpagni a jam tali ka ŋanjaksaŋa gela ale kan ta jaab la a basi Juda tɛŋka po. Dila po wa jam te ba ka kaduksa ale laŋsa.

¹¹ Yɔgyɔgla de Babilon naawa Nebukadnezzar a jam te wieŋa de ka tugurik tɔŋdɔma kpagni Nebuzaradan a magsi chaab ale Jeremaya:

¹² <>

¹³ Dila tugurik tɔŋdɔma kpagni Nebuzaradan ale kpagi kpienni Nebusazban ale niŋdeerɔ kpioŋku Nergal Sarezer ale Babilon naawa kpaga ŋachaama meena

¹⁴ a yaa tom yeeri Jeremaya dabiaka po. Ba jam pai wa a te ka Gedalia waai ale ka Ayikam nidoabili la ate wa chim Safan nidoabili la ayen wa ta wa cheŋ wa yenni. Dila wa jam bo ale ka wadek nuruba.

¹⁵ Jeremaya ale jam diem bo dabiaka po la, Naawen wanni a jam wa jigi ayen,

¹⁶ <

¹⁷ Alege m le vari ni a basi da dila danni, Naawen ale weeni. Ba kan pai ni a te baai ate ni a chali yɔgsum la.

¹⁸ M le vari ni a basi, ba kan ko ni ale gebiga alege ni ale bɛ a nyini vum nyiŋ, dii nyiŋla ni ta sebchakka ale mi kama. Naawen ale weeni.> >>