Jeremaya 36 - WEN GBAŊKA

¹ Josia nidoabinni Jeyoiakim Juda naawa naamu bena ŋanaansiwa po wanni de yaa nyini Naawen jigi a jam Jeremaya jigi:

² <

³ Dai dii dai Juda nuruma a dan wom kaasuŋ meena ate mi zɔk ayen m ta jam ba zuk la, ba wanyi meena ale basi wa gaasa suiku, ate m vɔŋ ba gaasaŋa ale ba wabaataŋa a te ba.>>

⁴ Dila Jeremaya a yaa wi Neria nidoabinni Baruk ate Jeremaya ale a biisi wie ŋaai meena ate Naawen a biisi a te wa la ate Baruk a ŋmarisi a nyo gbaŋ po.

⁵ Jeremaya yaa jam weeni Baruk ayen, <

⁶ Dila cheŋ Naawen yenni nɔi bobika dai a kariŋ Naawen wieŋa gbaŋ po ate mi a biisi ate fi ŋmarisi la a te nuruma. Karim a te Juda nuruma meena ale nyini ba tɛŋsaŋa a jam la.

⁷ Dai dii dai ba le puusi a te Naawen ate ba waai meena a basi wa gaasa suik, diila Naawen ale mooli ale suipuurum buui a basi nuruma zuk la a zuak ka yega.>>

⁸ Neria nidoabinni Baruk yaa nye dii meena ate Jeremaya a weeni wa ayen wa nye la. Naawen yenni po wa kariŋ Naawen wieŋa gbaŋka po kama.

⁹ Josia nidoabinni Jeyoiakim Juda naawa naamu bena ŋanuwa po chiisa neokku po ba yaa mooli nɔi bobika Naawen niŋ a te Jerusalem nuruma meena ale baai ale nyini Juda tɛŋsaŋa a jam la.

¹⁰ Safan nidoabinni Gemaria gbaŋ ŋmarisidoawa dɔkku po ate ku bo ŋmazuk dabiaka po a tuak Wen yenni Nansuiŋ Paalukku jigini la, Baruk yaa kariŋ Jeremaya wieŋa gbaŋka po Naawen yenni po a te nuruma.

¹¹ Gemaria nidoabinni Mikaiya ate wa kokpieŋ a nye Safan la ale wom Naawen wieŋa gbaŋka po la,

¹² wa deri siŋ gbaŋ ŋmarisidoawa dɔkku po naawa yenni po, juijui ate kpaŋŋa meena a kala la, Elisama gbaŋ ŋmarisidoawa ale Sɛmaiya nidoabinni Delaiya ale Achbor nidoabinni Elnatan ale Safan nidoabinni Gemaria ale Yanania nidoabinni Zedekia ale kpaga m ŋala meena.

¹³ Mikaiya ale weeni dii meena ate wa wom Baruk ale kariŋ a te nuruma gbaŋka po la,

¹⁴ kpaŋŋa meena yaa tom Jeyudi waai ale ka Netania nidoabili la, Selemia ŋaaŋbiika, Kusi ŋaaŋtulika ayen wa weeni Baruk ayen, <> Dila Neria nidoabinni Baruk yaa ta gbaŋka wa nisa po a cheŋ.

¹⁵ Ba yaa weeni ayen, <> Baruk yaa kariŋ a te ba.

¹⁶ Ba le wom wieŋa de meena la, ba yaa nya chaab ale yɔgsum a weeni Baruk ayen, <>

¹⁷ Ba yaa bek Baruk ayen, <>

¹⁸ Baruk yaa tulisi ayen, <>

¹⁹ Kpaŋŋa yaa weeni Baruk ayen, <>

²⁰ Ku ŋaaŋnyiŋ ba le pai gbaŋka a dueni gbaŋ ŋmarisidoawa Elisama dɔkku po la, ba yaa cheŋ naawa jigi dabiaka po a weeni wari meena a sak wa.

²¹ Naawa yaa tom Jeyudi ayen wa ta gbaŋka a jam, ate Jeyudi a ta ka nyini gbaŋ ŋmarisidoawa Elisama dɔkku po a jam kariŋ a te naawa ale wa kpaŋŋa meena ale za wa gauŋ la.

²² Ku jam ka chiisa neokku po ate naawa a kala ale wa ŋoota garuk, ate bolim a bo bolim samɔniŋ po a za wa niŋ.

²³ Jeyudi a dan jam kariŋ gbaŋka a paari ka geli naawa a pai ka ŋmarisidoa gebik a gebi a pai a lɔnsi bolim samɔniŋka po, ate gbaŋka meena a ga dɛ bolimu po a nueri.

²⁴ Naawa ale baai meena ale tom a te wa la ale wom wieŋa de meena la ba an sak yɔgsummoa, yaase ba cheeri ba gattaŋa.

²⁵ Elnatan ale Delaiya ale Gemaria ale weeni naawa ayen wa kan ju gbaŋka la ale dila meena wa an wom ba.

²⁶ Naawa a goanti a te ka Jerameel naawa nidoabili ale Azriel nidoabinni Seraiya ale Abdeel nidoabinni Selemia suik ayen ba yik ŋmarisidoawa Baruk ale biisiteerɔwa Jeremaya. Alege Naawen a pai ba a suk.

²⁷ Naawa ale ju gbaŋka ate Jeremaya a biisi ate Baruk a ŋmarisi ka wieŋa la ŋaaŋnyiŋ, Naawen wanni yaa jam Jeremaya jigi ayen,

²⁸ <

²⁹ Weeni Juda naawa Jeyoiakim mɛ ayen, >

³⁰ Dila la Naawen ale weeni dii a magsi chaab ale Juda naawa Jeyoiakim la ale nna: Wa kan ta waai ate wa kali Deevid naam zukpaglika zuwa, ba le yuk wa nyiŋka a basi ate ka bo kantueŋka tuilukku po ale yokku maglimu po.

³¹ M le namsi wa ale wa bisaŋa ale baai ale tom a te wa la ba gaasaŋa nyiŋ, m le ta kaasuŋ kuui meena ate mi a mooli la a jam ba zuk ale baai ale bo Jerusalem la ale Juda nuruma zuk, dii nyiŋla ba an wom ya.> >>

³² Jeremaya yaa pai gbaŋ ka choa a te ŋmarisidoawa Neria nidoabinni Baruk, ate Jeremaya ale a biisi la Baruk a ŋmarisi ka po wa ŋaai dek ale jam bo kaai po ate Juda naawa Jeyoiakim a ju ale bolimu la. Ate wa ŋala chaab dek a maa gum du.