Jeremaya 34 - WEN GBAŊKA

¹ Babilon naawa Nebukadnezzar ale wa tugurik tɔŋdɔma meena ale tɛŋ sii meena ale nuru baai meena ate wa a nya la ale jam diem a kpaliŋ ale Jerusalem ale tɛŋ sii meena ale gilim ka la, wanni de yaa nyini Naawen jigi a jam Jeremaya jigi.

² <

³ Ni kan be ale wa yikka alege ba le sum a yik ni a pai te wa. Ni le nya Babilon naawa ale nidek nina, ate wa ale ni a nya chaab ate wa biisi ale ni. Ate ni cheŋ Babilon.

⁴ <<

⁵ fi le kpi ale suiyɔgni. Ase nuruba ale jam ju ŋan baai nyum ale masa la diipo ate ba jam gu fi kokpieŋsaŋa la, baai ale jam chim nalima alege te fi la, suik kula po ate ba le ju ŋan baai nyum ale masa a te fu. Ba le kum fi zuk a weeni ayen, <> Mi Naawen ale weeni.> >>

⁶ Biisiteerɔwa Jeremaya yaa weeni kude meena a sak Juda naawa Zedekia Jerusalem po,

⁷ alege ate Babilon naawa tugurik tɔŋdɔma a kpaliŋ ale Jerusalem ale Juda tɛŋ sinsila Lachis ale Azeka, sii nyiini ale jam tali pagra la.

⁸ Naawen wanni yaa jam Jeremaya jigi ku ŋaaŋnyiŋ naab Zedekia a yaa nye nɔiyeŋ ale wa nuruma meena Jerusalem a mooli fasiyaa a te yɔmma.

⁹ Waai meena a jam magsi ayen wa basi wa Yiburu yɔm kama, nidoa ale nipok meena, waai a kan yik wa Juu choa a ta.

¹⁰ Dila kpaŋŋa meena ale nuru baai ale jo nɔiyeŋka de po a siak ayen ba basi ba yɔmma nipooba ale nidoaba abe ba kan ŋman yik ba ta. Ba yaa jam siak a basi ba.

¹¹ Alege ku ŋaaŋnyiŋ ba tagri ba popolaŋa a yik ba yɔmma ate ba basi ba la ate ba ŋman chim yɔm.

¹² Naawen wanni yaa jam Jeremaya jigi:

¹³ <

¹⁴ Ni koma an jam wom mu yaase ba niŋ jam bo mi po.

¹⁵ Ku an diem beni ya ni laŋ ka nyeka ale nye dii ale nala la mi nina po. Waai meena a mooli ka fasiyaa a te wa tɛŋ dem. Ni poom a nye ka nɔiyeŋ mi niŋ mi yie dii ale ta mi Yuenni la po.

¹⁶ Alege yɔgyɔgla de ni ŋman cheem kaasi mi yuenni, waai meena a ŋman tuesi wa yɔma nipok ale nidoa ate ni basi ayen ba cheŋ juijui ate ba a yaali la. Ni fɛ ba kama ate ba ŋman chim ni yɔm.

¹⁷ < a te ni, Naawen ale weeni, ayen gebika ale nyiŋtuila ale kɔm ale jam ni jigi. M le basi ate tɛŋsa a kisi ni.

¹⁸ Nuru baai ale zɛri mi nɔiyeŋka alege an nye nɔiyeŋka wie ate ba nye mi niŋ la, m le nye ba ase ka naabiika ate ba gebi ka buye a cheŋ va suŋsuŋka po a taam diila.

¹⁹ Juda ale Jerusalem kpaŋŋa ale naab yenni kpaŋŋa ale kaabteerɔma ale tɛŋka nuruma meena ale cheŋ va naabiika suŋsuŋ a taam la,

²⁰ m le pai ba a te ba dacha sii ale a gisi ba nyuvooŋa la. Ba nyiŋsaŋa ale chim ka ŋandiinta a te wenzuk nuinsaŋa ale tɛŋzuk duŋsaŋa.

²¹ <

²² M boro ayen m te ka suik, Naawen ale weeni, abe m ta ba a ŋman jam tɛŋka de. Ba le kpaliŋ ale ka, a yik ka ale ju ka basi. Ate m yaa basi ate Juda tɛŋsaŋa a doa koruk nuru a kan baga a boro.>>