Jeremaya 27 - WEN GBAŊKA

¹ Josia nidoabinni Zedekia Juda naawa naamu piilimka vaaŋa po, wanni de yaa nyini Naawen jigi a jam Jeremaya jigi.

² Naawen ale weeni mi diila ale nna: <

³ Pai tomtomiŋ a te baai ale jam Jerusalem Zedekia Juda naawa jigi la ate ba ta ga te Edom ale Moab ale Ammon ale Taaya ale Saidon.

⁴ Pai tomtomiŋ a te ba kpaŋŋa a weeni ayen,

⁵ Mi pagrim ale nisa teerika ate mi nye tɛŋka ale ka nuruma ale duŋsaŋa ale bo ka zuk la, ale pai a te waai ate mi a mariŋ la.

⁶ Yɔgyɔgla de m le pai ni tɛŋsaŋa meena a te m tomteerɔwa Babilon naawa Nebukadnezzar, m le basi ate duŋ waarisaŋa a poom siak a te wa.

⁷ Tɛŋsa meena ale tom te wa ale wa nidoabinni ale wa ŋaaŋka ate ku paari diipo ate wadek tɛŋka a lo la. Ate wa tɛŋka yaa tom te tɛŋ pagrisa ale nalim kpiema.

⁸ Alege tɛŋ kaai yaase naam buui a dan kan tom te Babilon naawa Nebukadnezzar yaase ba siak te wa, m le namsi tɛŋ kala ale gebik ale kɔm ale nyiŋtuila, Naawen ale weeni, ate m ga pai wa a kaasi ka.

⁹ Dila ni kan wom ni biisiteerɔma ale ni sampoporisaŋa ale ni nuru baai ale a weeni gɔdaasima kie la ale ni chichirik wiirisaŋa ale ni baanɔma ale a weeni ayen,

¹⁰ Ba a mooli ka venta a te ni ate kula ale basi ate ba ta ni a nyini ni tɛŋsaŋa a cheŋ niŋniŋŋa. M le yiak ni basi ate ni kpi.

¹¹ Alege tɛŋ kaai a dan siak te Babilon naawa ale tom a te wa m le basi ate ka wari ka dek tɛŋka zuk a kpa ka abe ka nuruma a boro. Mi Naawen ale weeni.>> > >>

¹² Mi yaa pai tontomiŋka de dek a te Juda naawa Zedekia. Mi weeni ayen, <

¹³ Ka boa ale soa ate fi ale fi nuruma a kpi ale gebik ale kɔm ale nyiŋtuila dii ate Naawen a nyigsi ayen tɛŋ kaai a nin kan tom a te Babilon naawa?

¹⁴ Ni kan wom biisiteerɔma wieŋa baai ale a weeni ayen, diila ba a mooli ka venta.

¹⁵ Naawen ale weeni. >>

¹⁶ Mi yaa weeni kaabteerɔma ale nuruma de meena ayen, < Ba a mooli ka venta a te ni.

¹⁷ Ni kan wom ba. Ni tom te Babilon, ate ni boro. Ka boa ale soa ate tɛŋka de a chim guura?

¹⁸ Ba dan ka biisiteerɔba ale ta Naawen wanni, basi ate ba saalim Naawen Dii Ale A Dɛ Tugurik Tɔŋdɔma Niŋ La ate tuilum ŋantaŋa ale tali Naawen yenni po la ale Juda naawa yenni po la ale Jerusalem la a kan cheŋ Babilon.

¹⁹ Dila Naawen Dii Ale A Dɛ Tugurik Tɔŋdɔma Niŋ La ale weeni dii a magsi chaab ale zaŋŋa ale Nyakpiemu ale ŋan baai ale a zaani ale baga a zak la ale ŋantomta ba chaab ale tali tɛŋka de po la,

²⁰ ŋan baai ate Babilon naawa Nebukadnezzar an maa pai diipo ate ba ta Jeyoiakim nidoabinni Jekonaya Juda naawa a nyini Jerusalem a cheŋ Babilon ale Juda ale Jerusalem kpaŋŋa la.

²¹ Mm, Naawen Dii Ale A Dɛ Tugurik Tɔŋdɔma Niŋ La, Izirali Wenni ale weeni dii a magsi chaab ale ŋan baai ale tali Naawen yenni po ale Juda naawa yenni po ale Jerusalem po la ale nna:

²² Naawen ale weeni. >>