Jeremaya 26 - WEN GBAŊKA

¹ Josia nidoabinni Jeyoiakim Juda naawa naamu piilim dɛka vaaŋa po, wanni de yaa nyini Naawen jigi a jam:

² <

³ Dai dii dai ba le wom a basi ba biem suiku. Ate mi yaa basi m kan ta kaasuŋ kuui ate mi a poli ayen m ta jam ba zuk biem buui ate ba nye la nyiŋŋa.

⁴ Weeni ba ayen,

⁵ ale an wom mi tomteerɔma biisiteerɔma wieŋa, baai ate mi tom ba ni jigi a tulim la ate ni an poom wom la,

⁶ m yaa le basi ate yenni de a nye ase Siilo la abe tɛŋka de a chim kikaasa jaab tɛŋzuk tɛŋsaŋa suŋsuŋ.> >>

⁷ Kaabteerɔma ale biisiteerɔma ale nuruma meena yaa jam wom Jeremaya ale a biisi wieŋa de Naawen yenni po la.

⁸ Alege Jeremaya ale ga nueri dii meena ate Naawen a weeni ayen wa weeni la, kaabteerɔma ale biisiteerɔma ale nuruma meena a yik wa a weeni ayen, <

⁹ Ka boa ale soa ate fi mooli Naawen yuenni nyiŋ ayen yenni de ale nye ase Siilo la ate tɛŋka de ba le je ka basi ate ka doa koruk wa?>> Ate nuruma meena a tigsi a gilim Jeremaya Naawen yenni po.

¹⁰ Juda kpaŋŋa ale wom wieŋa de la, ba yaa nyini naab yenni a cheŋ Naawen yenni a zaani ba jiŋŋa Naawen yenni Nansuiŋ Paalukku nɔi.

¹¹ Kaabteerɔma ale biisiteerɔma yaa weeni kpaŋŋa ale nuruma meena ayen, <>

¹² Jeremaya yaa weeni kpaŋŋa meena ale nuruma meena ayen, <

¹³ Yɔgyɔgla de ni tagri ni suitaŋa ale ni nyeelaŋa abe ni wom Naawen ni Wenni nɔi. Naawen yaa le basi wa kan ta kaasuŋ kuui ate wa mooli a ta chaab ale ni la a jam.

¹⁴ Dan ka mi, mi bo ka ni nisa po, ni nye mu dii ate ni a poli ayen ku nala ale magsi la.

¹⁵ Ni be seba chak, ku dan poom ka diiya, ni dan ko mi, ni le ta waai ale kan kaasi wari la ziim a jam nidek zuk ale tɛŋka de zuk ale baai meena ale bo ka po la zuk ate ni nye foolaa, diila wensie po Naawen ale tom mi ni jigi ayen m biisi wieŋa de meena ate ni wom.>>

¹⁶ Ate kpaŋŋa ale nuruma meena yaa weeni kaabteerɔma ale biisiteerɔma ayen, <>

¹⁷ Tɛŋka nisɔmma gela yaa nyini zaani niŋ a weeni tigsuŋku meena ayen,

¹⁸ <

¹⁹ <>

²⁰ Sɛmaiya nidoabinni Yuraya jam ka nuru wa choa a mooli Naawen yuenni nyiŋ. Wa mɛ jam mooli ka wa ŋala dek a basi tɛŋka de zuk ase Jeremaya ale nye diila.

²¹ Naab Jeyoiakim ale wa niŋdeerɔma ale kpaŋŋa ale wom wa wieŋa la, naawa jam a gisi wa ko wa kama. Alege Yuraya a wom ate yɔgsum a ta wa ate wa chali cheŋ Ejipiti.

²² Naab Jeyoiakim a diem tom ka Achbor nidoabinni Elnatan ate wa cheŋ Ejipiti ale nidoaba ba chaab.

²³ Ba ga ta Yuraya a nyini Ejipiti a nyini a ta wa cheŋ naab Jeyoiakim jigi ate wa che wa ale gebik a lɔnsi a pai wa nyiŋka a yuk basi nuru chaalinsaŋa guka jigini.

²⁴ Safan nidoabinni Ayikam yaa maari Jeremaya ate ba an pai wa a te nuruma ayen ba ko.