Jeremaya 25 - WEN GBAŊKA

¹ Bena ŋanaansiwa po ate Jeyoiakim nidoabinni Josia a chim Juda naab la, Naawen wanni yaa jam mi jigi. Piilimka benni ate Nebukadnezzar a chim Babilon naab la ale la.

² Biisiteerɔwa Jeremaya yaa weeni Juda nuruma meena ale baai meena ale bo Jerusalem la ayen,

³ Bena pisiye ale ŋata, a zaani bena pi ale ŋatawa po ate Amon nidoabinni Josia a chim Juda naab la a jam paari jinla danni, Naawen a biisi ale mi kama, mi abe an zɛri ni weeni ka, wa ale weeni diila. Alege ni an kpesi a wom ya.

⁴ Naawen a poom tom wa tomteerɔma biisiteerɔma ni jigi kama a tulim tulim, ni an wom ya yaase ni niŋ a boro.

⁵ Ba weeni ayen, <

⁶ Ni kan va wen yona a tom te ŋa yaase ni puusi ŋa, ni kan nye ate m sui a puuri ale ni nisima ale nye ŋan baai la. Ate m kan te ni tuemoa.>>

⁷ Naawen a weeni ayen, <>

⁸ Dila nyiŋ, Naawen Dii Ale A Dɛ Tugurik Tɔŋdɔma Niŋ La weeni ayen, <

⁹ M le wi nuru baai meena ale nyini wiiluk geŋka la ale m tomteerɔwa Babilon naawa Nebukadnezzar. M le ta ba jam ate ba ta chaab ale tɛŋka de ale baai ale bo ka po la ale tɛŋ sii meena ale gilim la.>> Naawen ale weeni. <

¹⁰ M le basi ate ba kan ŋman nye suipeentik nuemka abe nipok fiak ale wa chorɔ a kan ŋman de masimmoa. Ba kan ta kpaam a magsi ba zeuŋtaŋa abe ŋanbie boro a num.

¹¹ Tɛŋka de meena ale doa koruk kinla nyiŋ, ate tɛŋsaŋa de a tom a te Babilon naawa bena pisiyopɔi.

¹² <> Naawen ale weeni.

¹³ <

¹⁴ Badek ale chim nalim kpiema ale tɛŋsa yega yɔm. M le tuni ba a magsi chaab ale ba nyeelaŋa ale ba nisima tuimaŋa.>>

¹⁵ Naawen, Izirali Wenni, a weeni mi ayen, <

¹⁶ Ba dan nyu ka po, ba za ba a ja kama ate ba kan ta popola dii nyiŋla kpaliŋka ate mi a ta cheen ba jigi la.>>

¹⁷ Mi yaa tuesi beerika Naawen nisa po, a pai a te tɛŋsaŋa meena ate Naawen a tom mi la ate ba nyu ka po.

¹⁸ Jerusalem ale Juda tɛŋsaŋa meena, ale si nalimaŋa ale kpaŋŋa a nyu ka po a basi ate si kaasi a chim guura ale bie a chim kpazinagsuk ale kikaasa ase jinla la.

¹⁹ Baai meena ale jam nyu beerika po la ale nna: Ejipiti naawa Faaro, baai ale tom a te wa la, wa kpaŋŋa ale wa nuruma meena,

²⁰ ale nichamma meena ale bo dula la. Uz nalimaŋa meena ale Filistia nalimaŋa meena, baai ale soa Askelon ale Gaza ale Ekron ale nuru baai ale tali Asdod la,

²¹ ale Edom ale Moab ale Ammon.

²² Taaya nalimaŋa meena ale Saidon ale nalim ŋaai meena ale bo nyakpiemu nɔi kunkɔŋ kinkala la.

²³ Dedan ale Tema ale Buz ale baai meena ale yalima la.

²⁴ Arabia nalimaŋa meena ale nichamma nalimaŋa ale bo gɔnni po la

²⁵ ale Zimri nalimaŋa meena ale Iilam ale Miidi

²⁶ ale wiiluk geŋka nalimaŋa meena baai ale moata ale baai ale yalima ba a vi chaab ŋaaŋ, tɛŋsaŋa meena ale bo tɛŋka zuk la. Ba meena ŋaaŋnyiŋ Sesak naawa mɛ ale nyu.

²⁷ <

²⁸ Alege ba dan zɛri an tuesi beerika fi nisa po a nyu ya, weeni ba ayen,

²⁹ Nya, Mi a piilim ayen m ta ka kaasuŋ a jam tɛŋ kaai ale ta mi Yuenni la, ni be le cheŋ a kan nya namsika? Ni kan cheŋ a kan nya namsika diila mi a wi ka ayen ka siŋ baai meena ale bo tɛŋzuk la zuk. Naawen Dii Ale A Dɛ Tugurik Tɔŋdɔma Niŋ La ale weeni.>

³⁰ <

³¹ Nuemka ale kum a chɔgsi a paari tɛŋka kpeglimka jiga, diila Naawen ale ta ŋmiŋmaasa a jam tɛŋsaŋa zuk. Wa le bo nurubiik meena buusa abe wa ko gaasa nyama ale gebik.> >> Naawen ale weeni.

³² Naawen Dii Ale A Dɛ Tugurik Tɔŋdɔma Niŋ La ale weeni diila ale nna: <>

³³ Dila po baai meena ate Naawen a ko la ale bo jigi meena a nyini tɛŋka kpeglim kinka a ga paari ka choa. Ba kan kum ba yaase ba tigsi ba a gu, alege ba le chim ka yaata a doa tɛŋka.

³⁴ Nama naapeerisaŋa, ni a kum abe ni a wooli, ni a bilim tantaŋa po, nama piisaŋa niŋdeerɔma. Diila ni tɔgrika daaŋa a paari kama, ni ale lo a mobi ka yisayisa ase samɔn naliŋ la.

³⁵ Naapeerisaŋa a kan ta jigi a chali cheŋŋi, piisaŋa niŋdeerɔma a kan nya jigi a yuli bɛ.

³⁶ Wom naapeerisaŋa kaarika, piisaŋa niŋdeerɔma woolika, diila Naawen a kaasi ba wuuku kama.

³⁷ Tɛŋ kaai ale ta wuuk la ale duak kinla Naawen suipuurumu nyiŋ.

³⁸ Ase gbeŋli la wa le basi wa duaka jigini ate ba tɛŋka a chim koruk namsidɔwa gebika nyiŋ ale Naawen suipuurumu nyiŋ.