Jeremaya 24 - WEN GBAŊKA

¹ Babilon naawa Nebukadnezzar a yaa jam ta Jeyoiakim nidoabinni Jekonaya ale jam ka Juda naab la a nyini Jerusalem a cheŋ Babilon ase ligrɔ la, a maa gum Juda niŋdeerɔma ale gobrɔma ale baai ale seba tuima la. Kude ŋaaŋnyiŋ Naawen a yaa jam pai busisa siye ale kinkama a sak mi ate si za Naawen yenni niŋ.

² Busik kanyi a jam ta ka kinkama ŋaai ale nala, ase ŋaai ale kpabi a muni la, m kala a jam ta kinkama ŋaai ale kan nala, an nala a baga a dɛ.

³ Naawen yaa bek mi ayen, <> Mi yaa tulisi ayen, <>

⁴ Naawen wanni yaa ŋman jam mi jigi:

⁵ <

⁶ Mi ale kpesi a nya ba kama badek nalim nyiŋ, abe m ta ba a ŋman jam tɛŋka de. M le yik ba ŋmapi m kan te ba lo. M le te ba chiib zaani m kan dari ba a lɔnsi.

⁷ M le te ba suinum buui ate ba seba mu la, ayen ka Mi ale Naawen. Ba le chim mi nuruba, ate mi ale chim ba Wen, diila ba le ŋmani mi jigi ale ba suinum meena.

⁸ <

⁹ M le basi ate ba kisi ba abe ba a puuri nuruba sue tɛŋzuk de naataŋa meena po, abe nuruba a ŋma ba abe ba chim biik waai meena nɔi po abe ba koosi ba a la abe ba chim kikaasa ase m nin yiak ba a basi.

¹⁰ M le ta gebik ale kɔm ale nyiŋtuila a jam ba po ate m ga kaasi ba tɛŋ kaai po ate mi a jam pai te ba ale ba koma la.> >>